MISSION IMPOSSIBLE : mission to get crush

Ep-27

[Unicode]

ပန်းချီပြခန်းမှ ထွက်လာပြီးနောက် လင်း၏ ဦးဆောင်မှုဖြင့်
ဗိုလ်ချုပ်ဈေးဘက်သို့ လျှောက်လာခဲ့ကြသည်။ လမ်းကြိုလမ်းကြားထဲတွင် ရှင်းယံနှင့် တူတူလမ်းလျှောက်ရသည်မှာ
ရင်ထဲ၌ ကြည်နူးဖွယ်အတိ။ ဗိုလ်ချုပ်ဈေးရောက်သောအခါ
ဆာနေသောဗိုက်ကိုဖြည့်ရန် ဝက်သားတုတ်ထိုးဝင်စားသည်။
ထိုအခါမှ လင်းသိလိုက်ရသည်က ရှင်းယံသည် အရင်က
ဝက်သားတုတ်ထိုး တစ်ခါမှမစားဖူးဘူးတဲ့။ စားကြည့်လိုက်တော့ ကြိုက်သွားသည် ထင်သည်။ လင်းနဲ့ ရှင်းယံ နှစ်ယောက်ပေါင်းပြီး စားလိုက်တာ တစ်သောင်းဖိုးအထိ။ ပြီးနောက်
နောက်တစ်ဆိုင်တွင် ကြာဆံသုပ်နှင့် အအေးဝင်သောက်သည်။ ဗိုလ်ချုပ်ဈေးထဲတွင် တစ်ဆိုင်ပြီး တစ်ဆိုင် ဗိုက်ကားအောင် လှည့်လည်စားသောက်ပြီးနောက် ဗိုလ်ချုပ်ဈေးထဲဝယ် လှည့်လည်လျှောက်ကြည့်ကြသည်။

နောက်ထပ်သိလိုက်ရသည်က ရှင်းယံ၏အမေက ဗိုလ်ချုပ်ဈေးထဲတွင် ကျောက်မျက်ရတနာဆိုင်ဖွင့်ထားသည်တဲ့။
သူ့အမေဆိုင်ကိုတော့ ဝင်မကြည့်ဖြစ်ခဲ့ပါ။

ဗိုလ်ချုပ်ဈေးမှာ နိုင်ငံခြားသားတွေအများအပြား လာလေ့လာတာ မဆန်းပါ။ သို့သော် ဒီနေ့မှ ဆယ်ကျော်သက်နိုင်ငံခြားသူ
အုပ်စု ကိုတွေ့ရသည်။ စိုင်းရှင်းယံကိုတွေ့တော့ ရဲတင်းသော
နိုင်ငံခြားသူ ၃ယောက်လောက်ကာ အနားလာကာ
ဓာတ်ပုံရိုက်ခွင့်တောင်းသည်....

လင်း...မျက်မှောင်ကြုတ်မိပါသည်.....
ဒီချောမောသော အာရှသားလေးတစ်ယောက်က အနောက်တိုင်းနိုင်ငံသူတွေရဲ့ စိတ်နှလုံးကို လှုပ်ခါသွားစေပါလား....

ဘယ်လိုပြောရမလဲ...ဂုဏ်ယူလိုက်ပါ တို့မြန်မာပေါ့.....

စိုင်းရှင်းယံ မြန်မာနိုင်ငံသားဖြစ်နေခြင်းကို အတင်းအကြပ်ဂုဏ်ယူရင်း ရှင်းယံနှင့် နိုင်ငံခြားသူ၃ယောက်ကို
လင်းကိုယ်တိုင် ဓာတ်ပုံရိုက်ပေးလိုက်ရပါသည်......

ဗိုလ်ချုပ်ဈေးမှ ထွက်လာပြီးနောက် လူများဖြင့် ရှုပ်ထွေပွေလီနေသော လမ်းများတွင် ခပ်သွက်သွက်လမ်းလျှောက်ခဲ့ကြသည်။ ကောင်းကင်တွင် နေသာနေသဖြင့် လမ်းလျှောက်ရသည်မှာပူ၍အိုက်စပ်စပ်ဖြစ်နေသည် ။ နေပူနေသဖြင့် ရှင်းယံ၏ ဖြူဖွေးသောပါးသည် တဖြည်းဖြည်း နီတွတ်လာသည်.....