Unicode
လင်း၏မျက်ခွံဘေးများ တွန့်ခနဲတုန်လှုပ်သွားပြီးနောက် မျက်လုံးများကိုဖြည်းညှင်းစွာဖွင့်လိုက်သည်။ အလင်းစူးစူးကြောင့်မျက်မှောင်ကိုကြုတ်၍ မျက်လုံးတို့ကိုချက်ချင်း ပြန်မှိတ်လိုက်မိ၏။ နောက်မှတဖန် နိုးခါစဖြစ်သောကြောင့်အရည်ကြည်များနှင့်ရစ်သိုင်းနေသော မျက်လုံးများကို ဖြည်းဖြည်းချင်း ပြန်ဖွင့်လိုက်သည်။ ခါးကြောကိုဆန့်ကာ အညောင်းဆန့်ရင်း "အင်း...."ဟူသော ညည်းသံတစ်ခုကို အသံဆွဲ၍ပြုလုပ်လိုက်သည်။
ထိုအသံကြောင့် မိမိဘေးတွင် ထိုင်၍ဖုန်းကြည့်နေသောရှင်းယံသည် သူနိုးလာကြောင်းသိသွားပြီး ခေါင်းအုံးပေါ်တင်ထားသော လင်း၏လက်ကိုဆုပ်ကိုင်လိုက်သည်။
ရှင်းယံသည် ဖုန်းမှအကြည့်မခွာဘဲ ပြုံးသည်။
"နိုးပြီလား...sleepyhead "
"နိုးပြီ....ကိုကိုရော နိုးတာကြာပြီလား..."
လင်းသည် သမ်းဝေရင်း သူ၏မျက်လုံးနှစ်ဖက်ကို လက်ဖြင့်ပွတ်တိုက်နေသည်။
"ကိုက မနက်၅နာရီထဲက နိုးတာ"
"အစောကြီး ဘာထ,လုပ်တာလဲ"
"အဓိဋ္ဌာန်ရှိလို့ ဘုရားထ,ရှိခိုးတာ...တရားလည်းထိုင်ရင်းနဲ့"
"တော်လိုက်တာ...ဘုရားတရားရိုသေကိုင်းရှိုင်းတဲ့စိုင်းရှင်းယံပဲ"
လင်းသည် လှဲနေရာမှ ထ,ထိုင်လိုက်သည်။ စိုင်းရှင်းယံကား သူ၏ဖုန်းကိုကြည့်နေဆဲ။
"မနက်စာ စားပြီးပြီလား"
"ဟင့်အင်း...ခတ်နဲ့အတူစားဖို့စောင့်နေတာ"
" ဖုန်းမှာ ဘာတွေကြည့်နေတာလဲ"
လင်းသည် ရှင်းယံ၏ဖုန်းကိုကြည့်ရန် ရှင်းယံအနားသို့တိုးကပ်လိုက်သည့်သကာလ ရှင်းယံသည် သူ၏ဖုန်းကိုအမြန်ပိတ်ချလိုက်ကာ လင်း၏မျက်နှာအရှေ့တွင် ကွယ်လိုက်သည်။ သူသည် လင်း၏ရှုပ်ပွနေသောဆံပင်တို့ကို လက်ချောင်းလေးများဖြင့် ထိုးဆွလိုက်သည်။
" ကို ဗိုက်ဆာနေပြီ။ မြန်မြန်မျက်နှာသွားသစ်ချည်"
"ဟုတ်...ဒါနဲ့ အခုဘယ်အချိန်ရှိပြီလဲ"
YOU ARE READING
MISSION IMPOSSIBLE : mission to get crush
Romancecrush က ကိုယ့်ကို ပြန်ကြိုက်ဖို့ဆိုတာ မဖြစ်နိုင်တဲ့ကိစ္စကြီးလိုပဲ.... အထူးသဖြင့် ကိုယ်ကလည်း ယောက်ျားလေး....သူကလည်းယောက်ျားလေး ဖြစ်နေရင်ပေါ့.... crush က ကိုယ့္ကို ျပန္ႀကိဳက္ဖို႔ဆိုတာ မျဖစ္ႏိုင္တဲ့ကိစၥႀကီးလိုပဲ.... အထူးသျဖင့္ ကိုယ္ကလည္း ေယာက္်ားေလး...
