[Unicode]
လင်း၏ အိမ်နေရင်းစတိုင်လ်သည် မြင်သူတကာ
ငေးသွားရပေမည်။ တီရှပ်က ဖိုရိုးဖားယား ...
ဒီနေ့မှ ဘောင်းဘီတွေ လျှော်ထားလို့ ပုဆိုးက တိုနုန့်နုန့်...
အရေးထဲ မီးမီးက ရှင်မတောင်သနပ်ခါးအစစ်...အသားအရေတွက်ကောင်းတယ်ဆိုပြီး မျက်နှာမှာ လိမ်းပေးသွားသေးသည်။ ဒါကြောင့် မျက်နှာမှာ ပါးကွက်ဘဲကြားနဲ့...။ နဖူးပေါ်က
ဆံပင်တွေကိုလည်း သနပ်ခါးနဲ့ကပ်နေမှာစိုး၍ ကြက်တောင်စည်းပေးလိုက်သေးသည်။ ထိုသို့ပုံစံနှင့် လင်းသည်
အမေမှာသော ဆပ်ပြာဘူး...အဘွားမှာသော အအေး...
မီးမီးမှာသော ဖုန်းဘေကတ်....တို့ကို ဆိုင်တွင်လာဝယ်ရသည်။မှာလိုက်သော ပစ္စည်းများကို ဝယ်ပြီးနောက် လင်း...ဆိုင်ထဲမှထွက်ခဲ့သည်။
ကားတစ်စီးသည် လင်းအနောက်တည့်တည့်မှ ပြေးလာလေသည်။ လင်းက လမ်း အလယ်တည့်တည့်တွင်ဖြစ်နေ၏။ အနောက်တွင်ကားလာနေသည် ဆိုတာကို သိလိုက်သည်နှင့် တစ်ပြိုင်နက် လင်း ရှောင်ရန်ပြင်လိုက်ပါသည်။ သို့သော် ခြေခေါက်ကာ ကားရှေ့တည့်တည့် ချော်လဲလေသည်။ ကားက
တိခနဲ ဘရိတ်အုပ်လိုက်လို့သာ တော်တော့သည်။" လမ်းကျဉ်းကျဉ်းလေးထဲကို အသားကုန်မောင်းလာရသလား"
လင်း ဒေါသထွက်စွာ အရင်အော်လိုက်သည်။ ကားပေါ်မှ
လူသည် ကမန်းကတန်းဆင်းလာပါသည်။" အဆင်ပြေရဲ့လား..."
ကားပေါ်မှ လူကိုမြင်သောအခါ လင်း မျက်လုံးပြူးသွားသည်။
" ကိုကြီးနက္ခက်...."
နက္ခက်က သနပ်ခါးအပြည့်လိမ်းထားသော လင်းကို အတန်ကြာစိုက်ကြည့်နေသည်။ ပြီးနောက် မျက်နှာသည် ပြုံးသွားကာ...
" လင်း....ငါ...မင်းကို မှတ်တောင်မမှတ်မိဘူး...."
ဟုဆိုရင်း လင်းကို ဆွဲထူပေးလေသည်။ ပြီးနောက် မြေကြီးပေါ်ကျသွားသော ဆပ်ပြာဘူးကိုပါ ကောက်ပေးသည်။
" နာသွားသေးလား..."
" ရပါတယ်..."
လင်း...မျက်နှာဆူပုတ်၍ဖြေလိုက်သည်။ နက္ခက်က လင်းကို
ပြုံးဖြီးဖြီးမျက်နှာ နှင့်သာကြည့်နေသည်။
YOU ARE READING
MISSION IMPOSSIBLE : mission to get crush
Romancecrush က ကိုယ့်ကို ပြန်ကြိုက်ဖို့ဆိုတာ မဖြစ်နိုင်တဲ့ကိစ္စကြီးလိုပဲ.... အထူးသဖြင့် ကိုယ်ကလည်း ယောက်ျားလေး....သူကလည်းယောက်ျားလေး ဖြစ်နေရင်ပေါ့.... crush က ကိုယ့္ကို ျပန္ႀကိဳက္ဖို႔ဆိုတာ မျဖစ္ႏိုင္တဲ့ကိစၥႀကီးလိုပဲ.... အထူးသျဖင့္ ကိုယ္ကလည္း ေယာက္်ားေလး...