[Unicode]
ရှင်းယံ၏ လက်ချောင်းများသည် လင်း၏ အရှေ့ဆံပင်လေးမျအား တို့ထိကိုင်တွယ်နေ၏။ လင်း အသက်မရှူမိ....
သူနှင့်ရှင်းယံတို့သည် အလွန်တရာနီးကပ်နေသည်။
ရှင်းယံက လင်း၏ မျက်ဝန်းများကို ငေးကြည့်နေသည်။
ထို့နောက် သူ့၏ နှုတ်ခမ်းနှစ်လွှာသည် အတန်ငယ်ဟသွားသည်။
" မင်းရဲ့မျက်လုံးတွေက အညိုရောင်ပဲ ...."
ရှင်းယံက တစ်ခွန်းတည်းဆိုပြီး အနားမှ ခွာသွားသည်။
ထိုအခါမှ လင်း အသက်ရှူမိသည်။
" ဟုတ်တယ်...ကျွန်တော့်မျက်လုံးတွေက အနက်ရောင်
အစစ်ကြီးမဟုတ်ဘူး....ညိုတယ်"
" အညိုရောင်ကလှတယ်လို့ ထင်တာပဲ...."
ရှင်းယံက ပြုံး၍ပြောပြီးနောက် အအေးခွက်ကိုမ၍ သောက်နေသည်။ လင်းက ခုထိ ခုန်နေဆဲဖြစ်သောရင်ကို
တည်ငြိမ်အောင် ကြိုးစားနေရသည်။
ရှင်းယံအနားကပ်လာတော့ သူဘာကိုမျှော်လင့်နေခဲ့တာလဲ...
အနမ်းတစ်ခုလား.....
ဒါဟာ ရုပ်ရှင်လည်းမဟုတ်....
နှစ်ယောက်သားက အပြန်အလှန်ကြိုက်နေခြင်းလည်းမဟုတ်.....
တော်တော်ရူးနှမ်းတဲ့အတွေးတစ်ခုပဲ.....
လင်း...ကိုယ့်အတွေးနဲ့ကိုယ် ရှက်ရမ်းရမ်းရင်း စာအုပ်တွေကိုသာရွေးချယ်နေလိုက်သည်။
************************************************************************
" နင့်ကို ခွန်စိုင်းက ရုပ်ရှင်ကြည့်မလားလို့မေးတယ် ?"
နိုးနိုး၏ အသံက ကျယ်သွားသဖြင့် ရိပ်က နိုးနိုး၏ ပါးစပ်ကို
လှမ်းပိတ်သည်။
" တိုးတိုးပြောလေ...."
" အေး...မေ့သွားလို့..."
နိုးနိုးက ထိုအခါမှ အသံကို နှိမ့်၍ပြန်ပြောသည်။
" အဲ့တော့ နင်က ဘာပြန်ပြောလိုက်လဲ...."
ရိပ်က ပန်းနုရောင်သန်းသွားသော မျက်နှာနှင့် ခေါင်းကိုငုံ့ရင်း....
"ငါကတော့ ကြည့်ချင်တာပေါ့ဟ...နင်ကလည်း..."
ဟု မပွင့်တပွင့်ပြောလေသည်။ တစ်ဆက်တည်းမှာပင်...
YOU ARE READING
MISSION IMPOSSIBLE : mission to get crush
Romancecrush က ကိုယ့်ကို ပြန်ကြိုက်ဖို့ဆိုတာ မဖြစ်နိုင်တဲ့ကိစ္စကြီးလိုပဲ.... အထူးသဖြင့် ကိုယ်ကလည်း ယောက်ျားလေး....သူကလည်းယောက်ျားလေး ဖြစ်နေရင်ပေါ့.... crush က ကိုယ့္ကို ျပန္ႀကိဳက္ဖို႔ဆိုတာ မျဖစ္ႏိုင္တဲ့ကိစၥႀကီးလိုပဲ.... အထူးသျဖင့္ ကိုယ္ကလည္း ေယာက္်ားေလး...
