المفروض بارت جديد بس ضليت اكتب بالبارت اللي الانحذف لأن كومة كالو مجاي تفتح الصور او مجاي نكدر نقرا....
باجر بارت جديد.. و اشكر الي تفهموني
مريم تكول لمحمد...
أقبل رجعتك بس عندي كومه شروط
أولهن تردلي سنين محسوبه
وثانيهن شبابي الهدر بين أوراق
وسهر ذيـچ الليالي المالهن حوبه
وثالثهن دموعي الصبّن بفرگـاك
على كل دمعه أفصلك فصل منهوبه
ورابعهن تروح تسكّت الشّمات
وتگلّهم حيل أحبّه وأبقه محبوبه
مريم ..
تمددت بغرفتي و صافنة بالسكف افكر و الابتسامة مرسومة تلقائياً على وجهي و آني أتذكر كلماته اللطيفة لمن يكلي إنتي بس وحدة بالكوكب و ماكو بعد منج
يعني بعدني اعجب ما تلفت مثلما چنت متصورة و انتهت حياتي..
اندكت باب غرفتي رفعت عيني للساعة صايرة ١٢ ضبط ، عرفته ضياء لأن هيج الوكت الكل نايمين
حجيت .. فوت ضاوي حبيبي
فتح الباب و اول شي سواه شغل الضوة
و باوعلي بإبتسامته الحنونة الأحبها
و كعد بالگاع .. تعالي يمي أريد أسولف وياج
لفيت نفسي باللحاف و كعدت مقابيله ، كلت .. سولف عيناي..
اخذ نفس و گال .. آني أدري ويامن چنتي اليوم
.. هاا؟؟
.. اي اي لا تستغربين لأن هو قبل ما يحاجيج اجة و حجى وياي و فتح الموضوع و آني كتله كلولها هي بكيفها و هو الظاهر افتهم كلمة "كلولها" غلط ، آني جان قصدي أمه و اخته تسولف وياج بأعتبارهم خوالج و قريبين
و باوعلي ضليت صافنة بوجهه ما حجيت
هو كال .. مو مهم لأن إنتي حبيرة مو صغيرة و تعرفين الصح من الغلط ما اخاف عليج و واثق منح ، بس بعد لا تعيديها ترة ما اقبل
بلعت ريك و هزيت راسي .. حاضر
ثواني ما نطقنا بشي و هو يحجي وياي بأريحية وبشاشة ، جان دائما قريب من عدنا
.. و هسة إنتي شنو رأيج
.. آني؟
.. اي انتي لعد امي؟
.. آني ماادري إنت شنو رأيك؟
.. شنو رأيك شنو ، هو خطبني لو خطيج شبيج ثولة
.. مو آني ماادري حايرة
.. باعي عمري إنتي مو صغيرة و لا هاي أول تجربة الج علمود اتحكم بيج و اخلي رأيي يحكم رأيج ، إنتي جبيرة و فاهمة الحياة ، آني العلية أسأل عليج و اعرفه شنو ما دام ما احسه خطر عليج الباقي انتي تقرريه ، انتي تعرفين وضعح يناسب الزواج او لا ، انتي تريدين تخوضين تجربة ثانية او لا ، هذا الانسان انتي مستعدة تعيشين وياه او لا ، هاي أشياء كلها انتي تحدديها مو آني و لا اي احد
