فـي ڪُل يوم ٲستـفيقُ لٲبتســــم
و ٲراكً مُنڪسراً فيخفت عيــــدي
و لدمعك الناري ٲحزم ضحڪـتي
و ڪٲن جمرك يشتعل بجليـــــدي
ڪم مرّة هجمت عليك ملامتــــي
و غيوم صمت مخاوفي و رعيدي
ما بين تحذيري و خيبة فڪرتـي
و دخان تهديدي و نار وعيــــــدي
قد صار جرحاً ذاك من ٲرغمتنـــي
و جعلتني ٲسڪنته بوريــــــــــدي
گام ٲبوية على حيله و بعد السترة و حط ايده بجيوبه و گال بهدوء فكري زين
و طلع بعد ما خله بداخلي عاصفة تنهش بروحي كل القوة اللي بداخلي حسيتها بادت و كل الغرور اللي ﭼـنت شايلته تبعثر
نهضت من الكاع بهدوء و انكسار و دخلت للبيت و اني اعدل بشعري الي ملخه ابوية سديت الباب و ما مكفية كسرتي استلمتني حنين..
.. هييج زييييين؟ هسة ارتاحيتي لمن اخوية انسجن بسببج عاجبج الوضع من البداية وافقي و انكبري لبيت رجلج عساج لا رجعتي اني اخوية شنو ذنبه ينسجن علمود وحدة متسوة مثلج
ضليت واكفة أباوعلها و هي تعيط بحركة كلب ما حاولت اردها، جنت منهكة إلى أبعد الحدود
صاحت بيها خالة ملوك .. لج حنيين سدي حلكج
ردت .. ما اسده ليــش لازم تسكتيني دائماً همة هذولة الي جبتونا من حياتنا و استقرارنا علمودهم شفتي النتيجة
و راحت لغرفتها و ركعت الباب وراها
و صار دور أمي تقربت مني و تباوعلي بقلق و توسل .. وافقي ريم بعد مابينا حيل مصايب هاي قسمتج شتسوين بعد و احنا مابينا حيل مشاكل
هزيت راسي بعبرة مخنوكة .. اوافق مـامـا ليــش عندي غير حل؟
وخرت من يمها و صعدت لغرفتي
گعدت يم الشباك ٲحاول ٲبجي ٲريد اطلع القهر البداخلي بس الدمع نشف بعيني ما اتخيل اصير لغير ٲيمن و يضيع كل تعب هاي السنين بس.... بس ٲبوية راح يٲذي ٲيمن و ضياء بسببي
صراع ما بين حبي لأيمن و خوفي عليه و على أخوية ينهش بروحي و يحطم كل أحلامي
ضليت أفكر بكلام أبوية و و أقارن واقع حياتي ، آني صدك ما أكدر أواجه أبوية و هو يكدر ڪلشي يسوي و مثل ما كدر يدخل ضياء سجن بتهمة باطلة يكدر يحكمه فترة و خواتي و امي و امه ما الهن غيره
و بنفس الوقت يكدر يحارب أيمن و يأذيه و ڪلشي يصير بسببي ليــش فد نمونة آني؟ هايهة أستسلم للأمر الواقع و أرضى بنصيبي الأكشر حسيت كلبي وجعني من اخذت قراري و قررت أوافق على زيد بس ما عندي غير خيار لو حياتي تتدمر لو حياة أيمن و ضياء و عائلي وياه ، شخص واحد يطيح حظه أحسن مما يطيح حظ العائلة كلها
فتحت تلفوني لكيت كوومة مكالمات من ايمن سودة علية يضل باله يمي ، ضليت افكر شلون راح اوصله انو اني ماراح أصير إله إذا خابرته بمجرد مااسمع صوته راح اضعف و مستحيل احچي هذا الحجي اله ، دزيتله رسالة .. ايمن بعد لا تخابر ترة وافقت ع الشخص الي يريده بـابـا و انت الله يرزقك بت الحلال الي تستاهلها و الي احسن مني
