من ياهي اعذرك ....وانت ما معذور
سيفك هد علي........ بساعه الشده
حسبتك تحبني ...وجبت بيدي الروح
بعدها ابنص ......اديه وكمت تتعده
ردت مره اجربك.... وانتخيك بيوم
على كلبي انتخيتك ......بلكن اترده
( و هذا بارت طويل لعيونڪم ضلعاتي😻 )
مريم ..
وصلني ضياء بالليل للبيت و راح
ٲول ما دخلت تلكتني فتون .. وين رحتي ببيت اهلج علمود تخلصين و عفتي الشغل كله علينا
باوعتلها بٳستغراب .. هي ليلة وحدة
.. و عليش تباتين عيني ؟
.. لعد صارلي هواي مرايحتلهم ، غير ٲشوفهم
دارت وجهه عني و تهز بيدها ، فتت سلمت على عمتي و صعدت لغرفتي ، محمد كاعد يلعب بالتلفون ما انتبهلي ، ابتسمت .. سلااام
شال راسه و باوعلي .. هلا
..شلـونڪ
.. ههههه زين
.. عندي الك مفاجئة
.. شنو هي
فتحت الجنطة و طلعت التحاليل و خليتها بيده .. شوف
صفن بيها شوية و باوعلي عاكد حاجبه .. ما افتهمت
جريتهن من ٳيده و ٲضحك .. دروح خربت المفاجئة
كال بقلة صبر.. غير تفهمنيييي
رجعت ضميتهن و باوعتله بٳبتسامة .. آني حامل
سكت شوية و وراها كام صاح .. صرت ٲب
و فتح باب الغرفة و نزل ركض ليجوة و اسمعه يحچي وياهم بفرح و بصوت عالي .. صرت اب مريم حامل
و اسمعهم جوة يباركوله و امه تهلهل عدها على ڪلشي هلهولة اي شي يصير و هلهلت ، بدلت و رتبت الغرفة بسرعة بسرعة رجعت ڪلشي لمكانه و نزلت
هم باركولي و سٲلوني و سوالف ، مابيها ربع ساعة و كالت فتون كومي غسلي المواعين مال العشا ، شلت عيني ٲباوع ؏ الساعة 12 و نص ، بعدهن ما غاسلات المواعين ينتظرنني
ما حجيت شي كمت و صفيت المطبخ و غسلت المواعين كلها و جلفت الكاونترات و الطباخ و مسحت الكاع و طلعت صعدت فوك لغرفتي و محمد جوة يباوع فلم وياهم ، توني اريد انزع و جان تندك الباب ، عرفته ثائر لٲن محد يدك الباب غيره ، خليت الشال على راسي و فتحتله الباب
نصة و كال .. بس اريد ابدل
.. اي ادخل
و طلعت من الغرفة شوية امشي بالممر اكو غرفة بصف غرفتي جبيرة و باقية فارغة ڪلشي مابيها ، ٲكثر من مرة ٲكول لعمتي ٳنطيها لثائر ليــش غراضه يمي تكلي و شنو الفايدة افتحها اله و حتى ماڪو كنتور يحط هدومه بي لو انتي ضايجة لان ملابسه يمج ، و تفر الشغلة علية و تبين لمحمد انو اني متضايقة من اخوه و يرزلني
طلع من الغرفة و رجعت تحضرت و كعدت اقرة رواية و ٲنتظره لمحمد يصعد و حاطة الدب بحضني شلون الطفلة بس والله هو كيوت
ويين يالله اجة محمد و منتهي من التعب حتى مبين مامركز شمر نفسه ؏ الجرباية و تغطى ، كتله .. محمد
.. هااا
.. ٲريد ٲحجي وياك بموضوع
.. باﭼـر عود ، هسة تعبان
.. دقايق هو شبيك
