مو ذاك الاعرفك انت من سنين
اطباعك علية هواي مختلفة
مدغيرة الملامح بيك والاشواك
وجياتك احس مابيها اي لهفة
جنت تجرح كبل يومين عندي يطيب
هسة الجرح منك ابد مايشفة
وجنت توكف كبل والعين تحجي العين
هسة شبيها عينك شو صفت صلفة
ريم ..
حسيت بكمية الخطر الي يتهددني مو مال اصير هيج حالي حال الكح.. مالاته من واحد لواحد
و بحياتي ما توقعت انو هو واصل لهالمرحلة من عدم الغيرة
ردت حاولت اطلع دفعني و طك المفتاح
اختنكت حسيت ماكو هوا بالغرفة كلها و اعرف ماكو أحد بالبيت حتى اذا اصيح ما يسمعني غير ابني
حجيت و امتمت صوتي يرجف .. ززيد إنت واعي لو سكران
تقرب من يمي و حجة بصوت فحيح .. شبيج خايفة
جانت انفاسي عالية ، الشي الوحيد العندي هسة هو شرفي اذا استسلمت اله ، راح اصير هيج دائماً و كل مرة راح يسويها بية و مو بعيدة حتى يشتغل علية
صرت ما استبعد منه شي ، جنت وسط صدمة و خوف و رعب و حيرة محد حاس بيها ، يا ناس زوجي هذا الي مدخل علية رجال غريب لغرفتي و يگلي بكل أريحية صديقي
حچيت وية زيد الي جان يقترب بهدووء شوية شوية
.. زيد عندك كومة نسوان كل يوم جايبلك وحدة للبيت ما تكدر تجيب اليوم وحدة او ثنين او تلاثة الكم جاي علية
ابتسم ابتسامة جانبية و خلى ايده على وجهي و لاعب خدي .. ما أريدهن هنة ، أريدج إنتي و ماكو فرق إنتي او همة ملك يميني
بلعت ريك و اباوعله اشر لذاك الرجال و ضحك
كمت اصيح باعلى صوتي ، اكول حتى لو الجيران يسمعوني و ننفضح ميخالف اهم شي اسلم على روحي و شرفي
اصيح برعب و خوف و ميت بية كل أمل للنجاة
و همة و لا يمهم واحدهم يضحك علية
الرجال ذاك سد حلكي بيده و زيد بس يحاول يلزمني و آني أرافس بيهم و أحاول أبعدهم عني من لا جارة و اصيح بصوت مكتوم و دموعي يجرن
و آني أجر بيده اختنكت ، گدرت اوخرها بس شوية و صحت .. إلهيييييييييييييييييييييي شوفني رحمتك لو تاخذني لو تخلصني
هي لحضات كل هذا العت و الجر و انفاسهم المتروسة ريحة شرب الي تقترب من وجهي و ركبتي ، كلشي صار بلحضات مرت علية سنين ، و دهر ، جنت اموت بكل نفس
و بنفس اللحضة ، نفسها تماماً الي جرو زيگ ثوبي و شگوه علية
إنكسر قفل الباب و دخل حارث
كلشي وكف حولي ماادري هم وكفو مدري الزمن وكف بية فقدت كل طاقتي و تجيت راسي ع الكنتور و ضليت اغمض و افتح ما مسيطرة على أعصابي و لا على أي حركة من جسمي
