خلي يفيدك هذا طبعك
انتظر دورك يجيك
مثل ما غيرك تخونه
ربك يطلعها بيكريم ..
رجعت من الدوام الدنيا ظهر و حارة
دخلت للبيت تلگاني ايمن ركضلي و بيده لفه و ملغمط وجهه وهدومه بالاكل و هو كلشي ما ماكلغسلتله و بدلت هدومه و اني هم بدلت رحت لأمي بغرفتها نايمة مريضة تعبانة خطية ما كعدتها
رحت لغرفة ضياء
دكيت الباب مرة مرتين ما جاوب فتحتها
لكيته نايم على جريايته و عينه ع التلفزيون و بالگاع مطشرة كومة صور ، صور اطفاله كلهم و لارين و رنا و حنين ، كلشي صور قديمة
ما التفتلي و لا حچة
گعدت بالگاع اريد اشوف بس لزمت اول وحده گال .. عوفيهن
حچيت .. ما جاي المهن بس اشوف
سكت
ضليت اتفرج بيهن ما شايفتهم قبل لا اسد و لا محمد علي و لا الصغيرة تاج ، اتفرج بالصور بس اعرف الاسامي بس مااعرف كلمن شسمه
رفعت وحدة بيها طفل صغير يجي عمره ست اشهر نايم بحضن حنين و گتله .. هذا منو
باوعلها و رجع التفتت ع التلفزيون و گال .. گلتي اتفرج ما كلتي أسألك
.. هسة شبيك عرفني
حچة بملل .. هاي تاج مو ولد
و مد ايده شال صورتين .. و هذا اسد و محمد علي ، هسة عرفتيهم بعد لا تسألين
.. سكتت عمي شكد نحيس
ضليت اباوع بيهن شكد حلوين صدك خسارة
و رفعت راسي متذكرة .. صدك ضياء شنو قصة الاستقالة مريم خابرتني تكول ضياء عايف وضيفته
حچة بعدم اهتمام .. تچذب عليج
.. و ليش تچذب يعني هي اصلا چانت متدري و سمعت من الموضفين وياكم
.. همة يچذبون عليها
.. مو راح اگول لأمك و هي تعرف شلون تسحب منك الحچي
.. اطيح حظج
گمت عفته و نزلت ، شلت جدر التمن و جدر المرك و تربعت بالكاع آكل ، طعمه يصير اطيب بالجدر
شوية و كملت وكفت اغسل المواعين دخلت حنين سلمت علية و صاحت على ضياء گالتله ضرغام ينتضرك برة
هو بدل و طلع
گعدت اسولف وياها و امي و خالتي ملوك گاعدين ، گتلها .. اگلچ ما مسولفج ضرغام علمود ضياء شبي بطل من شغله
حنين .. اي شبيج غير راح يلتحقون وية الحشد
عگدت حاجبي .. يا حشد