هلااااااو ، رجعتلكم يالربع 🙃
آسفة ع التأخير جنت مشغولة و بعدنا ما خلصنا شغل 🙏
كتبت الكم بارت طويل 3224 كلمة و بي احداث حلوة البارت بدايته مملة بس ورة النص حاطتلكم بي احداث حلوة 😆
ري العمر مشوار تكضي أيامه وتعدي
ولو أدري الوكت دولاب ياخذبينه ويودي
جا ما شمت الشمات بيه ولا خنت ودي
ولاخليت دمعي يسيل تيزاب وحرك خدي
مو انته الكلت أعوفك واخلف بوعدي
أشو نص الدرب يفلان وتبريت من عندي
لحيمي ودج عليه الريش وجناحك كوه بجبدي
كل هذه التعب والطيب ضيعته وصرت ضدي
صدك ينسى الفكر والضيم من يستغنى للمجدي
مريم..
فكيت عيني وجه الفجر الضوة بالغرفة خفييف گعدت على صوت مسلم و عباس يبجون و المشكلة ثنينهم نفس الوقت يبجون حرت ياهو بيهم اسكت و ما متعودة و همة بجيهم عالي شلتهم ثنينهم ما يسكتون كمت أبچي وياهم..
كعدت أمي باوعتلي بالگوة فاتحة عينها .. هاي شبيج يمة تخبلتي ليش تبجين ، تصرگعين الجهال بدل متسكتيهم
جاوبتها و اناشغ .. و الله مجاي اعرفلهم ثنينهم يبجون بنفس الوقت مااگدر اسكتهم ثنينهم شلون راح ادبرها وياهم
تقدمت و اخذت واحد من ايدي و حطته على ايدها و تهز بي هو كام يهدأ شوية شوية و بالايد الثانية حضرتله ممة و حطتها بحلكة ترضعه و كالت.. عليج الثاني
و راحت رجعت لفراشها و هو بيدها
اني مااكدر مثلها خليته ع الجرباية و هو يبجي و سويتله ممة و انطتهيا و لازمته و تجيت راسي ع التاج مال الجرباية ، ما حسيت الا عباس يصرخ مرة ثانية فزيت اباوعله طلعت غافية بلا ماادري و مطشوش الحليب على وجهه
شلت كلينس مرطب و مسحتله و رجعت ارضعه و اكول بكلبي و الله يا الله و محمد يدريدني اضل هناك و اني اهلي وياي و ما مدبرتها عاد وحدي ، زين هسة من ارجع شلون و فوكاها شغل البيت
كملت رضاعة عباس و باوعت مسلم غافي يم ماما رجعت نمت ، و كعدت على اصوات حنين و ضياء و سوالفهم و ضحكهم بالبيت باوعت الساعة 10 ، كمت طلعت يمهم و عفت الجهال نايمين
رحت للمطبخ كوة امشي خطية ماما كاعدة تلكط الخضرة و كعدت يمها اساعدها شوية و سألتها .. ماما إنتي شعجب وافقتي على بابا و هو متزوج ؟
تنهدت و جاوبت بلا ما تباوعلي .. ما جنت ادري بي متزوج
.. يعني معقولة ما شفتي هويته شي
.. شفتها ، بس چان مزور هوية
.. هاا
.. اي هذا كل ما في الموضوع و خوالج جانو راضين بي فلوس و سمعة بس خالج اسعد ما قبل عبالك كلبه علمه بس الاغلبية جانو موافقين عليه و اني جنت ورة اهلي شيكولون بشورهم مو مثلجن هسة كل وحدة لسانها شطوله علمود تاخذ التريدة
ضليت اباوعلها و صافنة بالتكوله ، دك تلفوني كمت باوعت و اني اعرف منو المتصل ، رديت.. هاا هلا محمد
.. هلو وينج شوكت ترجعين
.. البارحة بالليل سألتني و كتلك ورة العيد
.. هااا اي صح بس هواي تعاي اليوم
.. مااكدر محمد ، تعبانة حيل و فوكاها بعدني ما متعلمة ع الجهال و همة ثنين يتعبون
سده بوجهي ، هزيت ايدي و عفته
