ما اقبل احبك و انت ما مرتاح
و ما ارتاح احبك و انت ما تقبل
بكيفك من اجيت و ما جبرتك يوم
و بكيفك ما اجبرك لو ردت ترحل
ما مليت منك و اكدر ابقى وياك
بس المشكلة خاف آنه راح انمل
حبيتك حبيبي و ادري كلش زين
الحب من طرف واحد و آني راح افشل....ريم ..
دخلت البيت موجرة و جارة ابني من ايده و هو يبچي يمكن خلعتها هلكد ما جارته ، تلكتني حنين .. عود اني منتضرتج علمود ارزلج و اطلع الطلعة من عينج ، بس الظاهر انتي مغثوثة من الاساس
ما جاوبتها و كملت اريد اصعد لغرفتي كالت .. و ابنج نايم ما تعبني هادئ حتى اهدئ من بتي
هاي شبييييج تعتين بالطفل خلعتي ايده
عطت .. بسسسسس شكد تلغين لخاطر الكعبة
حنين .. يااا و هاي فوكاها و الله بعد و لا اخلي ابنج يمي و لا اعتني بي و لا شي ، فوك ما مخلياتني بالبيت و هن يطلعن هم فوكاها ما عاجبعهن
.. اهووو حنين بس انطيني مجال افكر و وراها عود نسولف وحدة وحدة و الله روحي بخشمي و نفسي ما طايقتها
هديت ايد ايمن و صعدت سبحت و بدلت هدومي ، جاي امشط دكت علية مها ، انطيتها رفض و كملت لميت شعري كمت رجعت دكت ، شلته رأساً نترت .. هااا
جاوبت .. و وجعا و طاك الحا عدلي اسلوبج من تحجين وياية ترة اني الجبيرة خووش
تنهدت .. آسفة بس تعصبت من تصرفج اليوم حسيتج استغفلتيني
.. هو سيف كلي اريد احجي وياها و ادري بيج مراح تقبلين و لذلك سويت هيج علمود تسمعين العندة
.. عساس هو شلون حجي عنده كله خريط
.. لا ليش خريط ما كال شي الولد و انتي كبيتي
.. شنو ما كال شي متزوج و عنده اطفال و حالته متساعد على زواج ثاني ، لو حبكت الا يثني
.. حبج ، القلب و ما يهوى و من حقه يتزوج اربعه هو مو بس ثنين ما كال غير حقه ، بس انتي الظاهر مو مال واحد يحبج مال واحد يكفخ بيج و يخونج ببيتج و كدام عينج مثل زيد
.. مها لا تبررليه ، همة ذولة الزلم كلها هيج متزوج و يدور نسوان و لا تشبع عيونهم و لا يترسها شي
.. و انتي حاسبة مرته ع النسوان؟
.. ليش شبيها
.. سعلوة مو مرة ، ام السحورة
.. هاي هو يكلج مو
.. لا و الله اني شايفتها بعيني من تحجي وياه كله صياح و نتر عبالك ابنها مو رجلها و مسوية فضل براسه ماخذته عبالك ، و هو ساكت خطية يتحملها ، يعني و لا تحط احترام لأحد كدامها
.. هو ما يعرف يضبها
.. شيسويلها يعني يضربها؟
.. لا مو هيج