ﮔﻮﻣﻴﻠﻲ ﻳﻴﻤﻪ ﺑﮕﻠﺒﻲ ﺗﺴﻌﺮ ﻧﺎﺭ
ﻣﺤﺘﺎﺝ ﻟﺤﻨﺎﻧﭻ ﻓﺪﻭﻩ ﺿﻤﻴﻨﻲ
ﮔﻮﻣﻴﻠﻲ ﻳﻴﻤﻪ ﻋﻴﻮﻧﻲ ﺍﺟﺖ ﺧﻄﺎﺭ
ﺗﺸﻜﻴﻠﭻ ﻋﺬﺍﺑﻲ ﻭﻏﺮﺑﺔ ﺳﻨﻴﻨﻲ
ﺍﺳﻤﻌﻴﻨﻲ ﺍﺳﻤﻌﻴﻨﻲ ﺍﺳﻤﻌﻴﻨﻲ
ﺍﺭﻳﺪ ﺑﮕﺒﺮﺝ ﺍﻏﻔﻪ ،، ﻭﻳﺎﭺ ﺧﻠﻴﻨﻲ ..مريم..
يباوعلي بعصبية و عت التلفون من ايدي ، نزلن دموعي و حجيت .. انت مو رجال....
ضربني راشدي و جر شعري شحيل .. هاي عليييية؟
عطت .. اي عليك انت مو رجال لو رجال تصون مرتك و تحميها مو تروح تتفق وية رجال غريب عليها علمود تسقط حملها
جر راسي من شعري حيل و ضربه بالكنتور و يصيح .. لج...... آني أعلمچ اليوم منو المو رجال الة اربيج من جديد لج تتجاوزين علية ساااااقطة
أبجي و احاول اخلص نفسي من ايده و احجي .. بس اريد اعرف هذا اللي جنت حبلة بي مو ابنك شلون انطاك كلبك تكتل ابنك زين ما خفت أموت آني بس انت مو انسان انت حيوااااان و حرامات ضيعت سنيني وياك
دفعني للكاع و كام يضرب و يدفر بية و اصيح بي .. اي اضربني بعد هو إنت هاي گدرتك بس ع النسوان لأنك مخنث ، خلي جهالك يشوفون حقيقتك من هسة و يحقدون عليك
كعد مقابيلي و لزم شعري .. لج جاي تغلطين علية انتي الظاهر انطيتج مجال هواية و طلعلج لسان ، هسة اكصه الج اخليج تخافين تفتحين حلكج كلببة
و ركع راسي بالكاع انشكت شفتي و ضلت تنزف حجيت بصوت يرجف .. اذا ضربتني بعد ارجعلك الضربة..
ابتسم باستهزاء و گال .. متسويها
مسحت الدم من شفتي .. لأن تدري بية مربايةضربني راشدي و باوعلي بتحدي .. يالله داشوف شلون ترجعيها
كمت عدلت كعدتي و صاكة سنوني ماادري منين اجتني القوة و ضربته بوكس على خشمه خليته يصب دم
هو كام من متفاجئ و يغلط و يفشر راح للحمام يغسل و عياطه مسمع العالم
و رجع علية آني چان حيل حيلي مهدود و مابية اتحرك ابد فقدت كل طاقتي و قوتي و هو رجع يضرب بكل قوته بلا وجع كلب و لا عبالك اللي جوة ايده مرة مو رجال بكده
عظامي ضلن يصلن علية من كثر الألم و آني حتى القدرة الصياح و البچي فقدتها ، تعبت من كلشي ضلت بس دموعي الحارة تحرك خدي
فجأة توقف على صوت دكة تلفون ، دفرني و راح شاله من الميز باوع ع الشاشة عاگد الحاجب و خلى التلفون على اذنه..
.. السلام عليكم ضياء حبيبي
سكت يسمع و وراها باوعلي و گال .. و الله ماادري ليش تلفونها مغلق يمكن ناسيته بالجنطة من البارحةسكت و تغيرت ملامحه قبضني گلبي و عيني تعلگت ع التلفون ، و جهالي اجو يمي يبجون و اني اسكت بيهم أريد أسمع...