ملاحظة :- هاي الي بالصورة تشبه ريم بس عيونها نا ملونه
تعال جيب گلبي الحمليته هموم
و على طاري عشگنا هواي عذبته
آنة مسامح جروحك روح الله وياك
و كل هم و هذاب بعشرتك شفته
عليمن علمتني وصرت محتار
اشك؟ اهدوم غذرك بالله ودعته
ريم ..
.. اگلچ هذا شنو قصته سيف كلشي يعرف عني شبي حاط خشمه بأم حياتي
.. يحبچ
صدمتني كلمتها عگدت حاجبي بعدم تصديق و گتلها .. اسكتي مها انتي الظاهر اخرفيتي
هزت ايدها .. و الله ما غيرچ المخرفة ، آني ما جاي افسر تصرفاته بكيفي ، هو گلي هيچ
.. و هو مو متزوج؟
.. و اذا ؟ هو ما يحب مرته و حتى اذا يحبها فـ الرجال يحب عشرة و ما ينترس گلبه
.. هذا من شوكت الحچي
.. من زمان ، من تزوجتي گلي
.. لا بشرفچ
.. و الله
هزيت ايدي و صرت اگلب وياها بالملابس مال الاطفال و اختار و هي تراقبني
لمن طكت روحي نترت بيها .. شبييج تباوعيلي
.. مابية اريد اشوف ردة فعلچ
.. شسوي مثلاً؟ سدي الموضوع
.. ليش يعني ترة خوش ولد
.. اسكتي مها و لا افكر بي و مو بس بي الزواج كله بعد مااريده خليني هيچ مدللة بجال اخوية و مرتاحة و لا تحطين براسي افكار سخيفة و تصيرين شيطان رجيم
.. يالله عمي سكتنا
كملنا اختارينا النريده و اشترينا و اتصلت بضياء گتله يجي ياخذنا و انطيته اسم مطعم نكعد بي علما يجينا
رحنا كعدنا و اوكل ايمن و هي حچت .. و الله خوش هذا اخوچ شوكت ما يعجبچ تعال وديني و تعال جيبني ما يكلج سايق الخلفوچ اني
.. لا ما يحجي ، مو اكلج مدللة
.. زين هو ما اتزوج بعد؟
.. لا ما يقبل يگول لعبت نفسي من النسوان
.. خلي يتزوجني
غصيت اضحك و رفعت عيني اباوعلها .. شيسوي بيچ ياخذ وحدة اكبر منه بـ ١٧ سنة
حجت .. و اذا اكبر منه ، اكعدله بالبيت و ما اطلع و اطبخ و انضف و اربيله بنيته و اداري امه و هو ماخذني يستر علية ، و هاااا ترة بعدني بالخدمة آني لا عبالچ عطلت و حتى اذا ما اعجبه خل يروح يتزوج بنية صغيرونة عادي
متت من الضحك على سوالفها .. و شجابرچ ما تكليلي ، شدعوة
.. و شجابرني ابقى عايشة بشقة صغيرة وحدي خو اجي اعيش يمكم و اگابل اخيّچ و اگابلچ
