بذكرهم دخل ضياء و حاط ايده على كتف حنين و هي عيونها مورمة و حمر مبينة ﭼـانت تبجي
باوعتلنا كلنا و صعدت فوگ بلا متسلم على اي واحد
ضياء گال ..الحجي موجه للجميع حنين لحد يجي يمها
ريم تخوصرت و گالت .. ليــش بالله حضرتها الٲميرة ديانا؟
ضياء .. هاا ريم من هسة مستعدة للمشاكل ، اللّـﮪ يخليـﭻ ما بية حيل دوخة راس هي ما راح تندگ بٲحد و انتو لا تندكون بيها
باوعتله بملل و گالت .. ماشيي ، و راحت لغرفتها
اجة هو و اخذ بته من ايد رنا و يلاعبها
باوعت ٲمه تباوعله ضايجة ، هو سوة نفسه ما منتبهلها و بس يحضن ببته و يشم ركبتها عبالك خطيبته
گالتله ٲمه بصوت ناصي .. ليــش عود اختك ماتسلم
گللها .. يمة عوفيها براحتها هي وحدها من تتعلم عليهن راح تطلع و ترجع طبيعية
.. بس ما يصير هيـﭻ تصرفها عيب
.. عادي يمة قابل شصار
.. اي انت ضل مدري ع شنو مدللها عساس من حورها وجه البومة
باوع لامه بنظرة عتب و رجع راسه يبوس برگبه لارين و هي تضحك و تدفع وجهه بإيدها الصغيرة لان تدغدغ من لحيته
ٲمه .. دگوم حاجيها لهالعرمة هاي
.. يمممة شلون بالله
.. يالله خلص سكتنا سكتنا ، يتورط واحد يحاﭼـيك
صاح رنوش تعالي بدليلها ملابسها هاي حارة تخنك
.. غير ملابس طلعة حتى تطلع انيقة
.. و تخنكين البنية و اللّـﮪ شنو انيقة روحي بدليلها يالله
ريم ..
حيل نرفزتني حنين و دقتني لمن دخلت و ما حاجت احد كبر مكروهة مثل ابوها ، يعني لوما ضياء موجود ﭼـان طبيت نكشتها و اللّـﮪ يا اللّـﮪ
صعدت لغرفتي مغثوثة ابسط شي يستفزني
لگيت مكالمات فائتة من ٲيمن
رجعت دكيت عليه
.. هلو ريمة
.. هلا
.. ٲگلـﭻ ٲبوﭺ قافل فد مرة
.. شيگول
.. يگلي مخطوبة ٲگله مو سٲلت عليها گالو ما مرتبطة يگلي جدد معلوماتك و من زودت بالحجي يگلي بطلهن ذني الكلاوات
ضليت ساكته ، ٲصلاً شگول
.. رييم
.. هاا
.. راح ٲحاﭼـي ٲخوﭺ
.. حاﭼـيه بڪيفك
.. اوكي
.. ٲيمن
.. عيونه
تنهدت بقلة حيلة .. لتتركني
.. راح ٲسوي الي ٲگدر عليه
.. شأفهم من كلامك
ٳخذ نفس .. مااعرف ريمتي مااعرف راح احاول بكل الاكدر عليه
.. ماشي
.. يالله حـبيبـي روحي ٳرتاحي و لا تتعبين نفسـﭻ بالتفكير الزايد
.. ان شاء اللّـﮪ
.. تصبحين على خير
.. و ٳنت من ٲهله
سديته و گمت افرﭺ اسناني و وگفت يم غرفة حنين و آني ٲسمع ضياء يگللها..شلون هيـﭻ تسوين گدامهم يا عيوني انتِ
تبجي بشهگة و تگله .. ماگدر ضياء من اشوفهم ٲشوف ٲمي و حسرتها، ٲشوف تعبك و كسرة ظهرك ٲشوف بنتك و مرضها ، امهم السبب بكلشي ضياء شلون تريدني اعايشها
.. حبيبتي حنون شلون حجي هذا ماجاي تشوفين حالهم من حالكم و ماڪو فرق ترة ابوﭺ من اللّـﮪ عار معليها امهم
