بهالاثناء دخلن حنين و رنا و حنين تبجي و تناشغ
ضياء فز من شافها تبجي ميتحمل عليها اذية
گام عليها .. حنين حـبيبـي شبيـﭻ
تمسح بدموعها و تگله .. مابية شي مابيه
و مشت لغرفتها
التفت ضياء لرنا .. شبيهاا
جاوبت و هي تباوع مستغربة .. و اللّـﮪ مااعرف صعدت بالخط و هي تبجي مدر شبيها انت شفتها الصبح طلعت ڪلشي مبيها
وگف يم باب غرفتها و دگ الباب .. حناوي شبيـﭻ
صاحت من جوة .. گتلك ڪلشي مابيييية عوفوني بحالي
اندارلنا .. عوفوها بحالها معليكم بيها
گعد يم خالة ملوك و گالب خلقته يضوج على حنين ڪلش
ملوك .. هاي اختك فد يوم احطها اخنكها من تطلع انت لٲن ڪلش صايرة تتفيك و تتدلع علينا
نتر .. شبييـﭻ وياهااا يمة بس فهميني
.. شمسويتلها آني بس انت ناطيها مجال زيادة و اذا خلتك تغير رٲيك صدگ احطها و اشبعها تكفخ
.. من اموت ان عود كفخيها
.. لاا يمة اسم الله على اسمك
گام من يمها و گلي آني رايح ٲرتاح شوية من تجي ريم گعديني عندي حجي وياها
.. اوكي
ريم ..
گعدنا آني و ٲيمن بالسيارة آخر درسين ﭼـان عندي شاغر و هو سلم دروسه لغير معلم
ﭼـان يريد يحچي وية ضياء و آني ٲريد ٲسمع
دگ عليه اول مرتين يرفضه
گتله .. ٲيمن يجوز عنده شغل هسة بعده بداومه
.. اي انتضره شوية لاخ هم ادك عليه ، هسة خل نطلع شوية مادام ماعدنا شي
.. عزة لا وين نطلع اذا عرف يطيح حظي
.. هااي شبيـﭻ ترة بعد وكت للدوام مالتنا يعني محد يحس
.. مادري اخاف
.. هه و الله زمن ريم تخاف واو
.. شگد مزعج مااكدر احس مراقبني ضياء
.. العن يومـﭻ هاي لان قيد لبسج شوية سويتيه مراقبج
.. اي هو صح حباب بس كلش يريد يتحكم
ابتسم .. بس ترة هذا الثوب ڪلش حلو عليج احلا من الجينز
.. لا وين مقيد حركتي حتى ماكدرت العب سلة
.. اي عادي البسي جينز و فوكاه شي شوية طويل لو الة ربع ردن يالله ترتاحين ، بس ترة اني بالنسبة الي هذا لايكلج اكثر ووو
و شال الشال الي على ركبتي خلاه على راسي و جزء من شعري طالع و گال .. و لو تلبسين هذا هم تطلعين احلى بعد
باوعت بالمراية مال السيارة لشكلي صدك حلو بس اني شعري بني فاتح و الشال الاسود ڪلش طلع راهم ، گتله .. بس ما يعجبني احد يتحكم بلبسي انت تعرفني اني هسة مجبورة بعدين ارجع لطبيعتي
ميل راسه و باوعلي .. بعدين قصدج من نتزوج موو؟
التفتتله .. امممم لعد شوكت مثلاً
ضحك .. تتصورين آني شاد گرون حتى ٲخليـﭻ تطلعين مثل قبل
عگدت حاجبي و باوعتله بغضب .. هاي شنو انت مثلهم و ﭼـنت مسويلي نفسك انت و بس انت هم تحب تتحكم
.. هذا مو تحكم ٳسمه هذا ٳسمه حرص سواء ٲخوﭺ ٲو آني لمن نگلـﭻ لبسي هيـﭻ مو لٲن نكرهـﭻ و نريد نضوجـﭻ و ٳنما نخاف عليـﭻ و نغار منحب ٲحد يباوع لبناتنا
