يا جماعة الخير نبشت الكوكل على اشعار جديدة للمقدمة و مناسبة للقصة بس ما لكيت ، فإذا عدكم دزولي بالخاص او بالتعليقات ، علمود اخليهن بالبارتات
ريم ..
رجعت للبيت ورة يومين ، فتحت الباب و باوعتله ، اخذت نفس و زفرته ، احسه سجن مع كل مساحته الچبيرة ، جحيم مع كل جمال اثاثه و فخامته
دخلت و گايدة أيمنوو سديت الباب ، بدينا من جديد
عفت ايمن يلعب بالهول طشرتله العابه و رحت لغرفتي بدلت الفرشة و نضفتها و هويتهاتمددت ع الجرباية صافنة شوية افكر بكلامهم ، مو مال اخاطر ، آني ما أگدر ابتعد عن إبني ، شهالملل الي آني بي ، عشت طفولي و مراهقتي ادرس و اكافح علمود يصير قراري بيدي من اكبر و محد يتحكم بية و تالي ما صار و ما صار شلون بالله
گمت باوعت لنفسي بتلمراية الوجه شاحب و مابي لون و الشعر منكوش ، دخلت سبحت و طلعت لبست فستان أحمر بينصل قصير قماشه سادة بس موديله بالفصال حلو فوگ الركبة و تمكيجت و سويت شعري عبالك عندي حفلة
شلت أيمن هم بدلتله جان عندي قاط زي كردي جابه اله خارث لبستهيا و شغلت أم بي ثري صغير عندي على دبكة كردية و بصوت عالي و ركبت نشرات ضوئية و طفيت النيون، صار جو الهول مال قاعة
و لزمت ايد ايمن و أعلمه يرگص كردي و هو مكيف يضحك من شفته من متونس و فرحان اني هم صعد عندي هرمون السعادة و نزلت وياه دك ردح ردح
تحمست و شديت وصله شيفون على خصري و بيها ليرات تصير تخرخش و نزلت هز عبالك عرس ابوية و هذا ايمن هم كوم و اخذ شال و شده على خصرك عود يقلدني و يركص
أيمن .. ماما هاي إحنا شجاي نسوي..
.. نحرق دهون ماما ، هاي رياضةشوية اشو ركض طفى الاغاني ، صحت بي .. لي ولك حمار
.. مو ماما تلفونج يتصل صارله ساعة يطلع ضوة الشاشة
باوعت اي والله ، شلته رقم مها .. هاا مهاوي ، شلونج
مها .. من انعل ابوح لابو ابوج لابو امج لان انطه امج لابوج و خلفوج ، بت الكلب صار ساعة ادك الباب و صوت الاغاني شعلواته عبالي عرس زيدشهكت .. ياا ساعة البيضة البيضة اليتزوج و يعوفمي بيها ، ما الله يسمع من حلگلج و يدولبه الله و يحبله وحدة آفة و يتزوجها
مها .. لج فتحي الباب صكعتني الشمس
.. اي اي جايتجلبست روب و طلعت فتحت الها الباب ، دخلت شابلة بيدها ماعون كباب شوية و جيس صمون حار و علاكة طرشي و مقبلات
كتلها .. منو وصلج و هاي ليش جايبة هذا الاكل
جاوبت .. سيف وصلني و وكف على مطعم و اخذ ذن گال اليوم سنوية أبوية و هذا ثواب اله اقرن الفاتحة
.. هاا زين
.. اي و بعد جاب لابنج بتيسكل صغير بس مااكدر اشيله طلعي جيبي برة بالباب