عشق عقيم

البارت الخامس

تقريباً نص ساعة و گام ضياء طلع،  ضلينا آني و مريم مستغربات من ٲبوية شعجب بقى لهذا الوكت
صاح على ٲمي ٲُم ريم ﭼـاي بلا زحمة ٲريد ٲحاﭼـيڪم بموضوع..

آني گمت و عفتهم و داٲصعد ﭼـان يصيح لا تروحين بـابـا موضوعي وياﭺ بالٲخص باوعتله بٳستغراب و گلبي حسني ٲكو مصيبة ، رجعت گعدت مقابيله

مـامـا جابتله الجاي و گعد يشرب و آني و مريم و ٲمي نباوعله و هو بااارد و يتصرف بهدوء كلش ،  لا ٲخفي ٳنو آني بيوم من الٲيام ﭼـنت معجبة بشخصيته

رفع راسه باوعلي و گال .. صايرة وردة و مفتحة ما شاء الله
هنا ٲمي عرفت شيريد ،  آني ما رديت، رجع گال  .. اليوم اكو شخص تقدم لريم و طلبها مني.....

بعده ما ڪمّل ڪلامه قاطعته  .. ماريد ٲتزوج
خززني و مـامـا باوعتلي  بغضب لٲن قاطعته و هو گال  .. هو ٳنتي شفتهمتي و گبل تصرگعتي و گلتي ماريد

نترت .. ڪلشي ماريد افتهم ، گتلك ماريد ٲتزوج و خلاص
.. ليــش  متريدين تتزوجين يعني
.. هيـﭻ بڪيفي
باوع لٲمي و رجع وجه نضرته ٳلي و گال .. لا مو بڪيفـﭻ

ردت ٲجاوب بس مـامـا سبقتني و گالت  .. هسة ٳنتي شفتهمتي مـامـا خلي ٲبوﭺ يفهمنا منو هذا شيشتغل يجوز يعجبـﭻ
گلت بنتره .. لااااا مااريد گلت ماريد

ٲمي گالت .. معليك بيها هسة شوية و تغير رٲيها احجيلي شنو وضعه هذا

ٲمي ﭼـانت تحجي هيـﭻ متدري سبب رفضي عبالها هيـﭻ بس عيارة و من ناحية ثانية تدري معارف ٲبوية كلها عالم طاگة و تتوقع انو احنا راح نرتاح اذا زوجتنا لناس متمكنة مادياً،  هيـﭻ ﭼـان تفڪيرها لٲن تعبت علما ڪبرتنا بس هو تفكير غلط بغلط

ٲبوية گال بهدوء يباوعلي .. هو ٳسمه زيد عندة شركة اجهزة طبية و سابقاً ﭼـان عنده منصب بالدولة و هسة عنده معارف هواي و ٲي شغلة يريدها بس يشيل تلفون يمشيها..

ضليت خانسة و بالي راح لٲيمن و لكلامه اليوم بقلق من يگلي احس شي موزين راح يصير ،  تحسرت و ملئ گلبي الخوف من بـابـا اذا جبرني ع الزواج شلون و ضليت ٲفكر شسوي اذا حاول يجبرني و شلون اتصرف..

رفعت راسي و باوعتله و طلعت من شرودي ،  حك شعرة و گال و هو متمكن ڪلش زنگين يعيشج اميرة و مدللة

باوعتله و باوعت لٲمي سويت نفسي ماعدي شي گلت الصياح ميفيدني خل اطلع عليه حجة  مقبولة  و ٲرفضه بهدو۽ ٲحسن..

گلت .. بـابـا الفلوس مو ڪلشي
باوعلي بٳستهزاء و هز ٳيده معاجبه گال و هسة شتريدين؟
گتله .. يعني منو گال هو خوش رجال يجوز ما ٲرتاح وياه و آني ٲصلاً مشايفته و لا ٲعرفه غير ٲشوفه و ٲتعرف عليه يالله ٲوافق

گلتها بهدوء ڪلش و ٲمي باوعتلي بشك و هو گال بٳستهزاء لا و اللّـﮪ  و تريديني ٲگله و اللّـﮪ  بتي تريد تتعرف عليك بلا زحمة و ثاني شي عجبـﭻ او ما عجبـﭻ انتي لازم توافقين ماعندي بنات يختارن مفهوم