MISSION IMPOSSIBLE : mission to get crush

Ep-44

နိုးနိုးက ပြောလည်းပြော...လင်း၏လက်ကိုဆောင့်ဆွဲကာ
မီးဖိုချောင်ဘက်သို့ ခေါ်သွားသည်။ လင်း၏အိမ်ကို
သူတို့လာလည်နေကြမို့ ကိုယ့်အိမ်ကိုယ့်ယာလို သဘောထားနေကြသည်။ လင်း၏အိမ်တွင် လင်းရဲ့မိဘများလည်း
မရှိ။ လင်း၏အဖွားကလည်း သူ့ဘာသာသူနေတာမို့
ထင်တိုင်းကြဲနေလို့ရသည်။

" ဘာမုန့်လုပ်စားကြမှာလဲ...."

နိုးနိုးသည် ကြွပ်ကြွပ်အိတ်ထဲမှ ဝယ်လာသောအရာများကို
တစ်ခုချင်းဆီထုတ်နေရင်း လင်း၏မေးခွန်းကိုပြန်ဖြေသည်။

" ဝမ်းနည်းနေတဲ့သူ...စိတ်ညစ်နေတဲ့သူအတွက်
အသင့်တော်ဆုံးအစာက အစပ်ပဲ...ငါတို့ spicy လုပ်စားမယ်...ဒါပေမယ့် ရိုးရိုး spicy မဟုတ်ဘူးနော်..."

လင်းနှင့် နိုးနိုးကြားတွင် သုတ ခေါင်းကြီးဝင်လာကာ
စကားကို ကြားဖြတ်ဝင်ပြောလိုက်သည်။

" spicy ကို စပယ်ရှယ်လုပ်စားမှာ...ရှယ် spicyနော်...
ရှယ်...."

" yes...ရှယ်spicy"

နိုးနိုးနှင့် သုတတို့ လက်ဝါးချင်းရိုက်လိုက်ကြသည်။
နိုးနိုး သယ်လာသော spicy အထုပ်များက ခြောက်ထုပ်။
ထို့အပြင် ရိပ်ယူလာသော အိတ်ထဲမှလည်း
ဝက်အူချောင်း ကြက်အူချောင်း..အကင်ချောင်းထုပ်များ
ထုတ်နေသည်ကို တွေ့လိုက်ရသည်။ ထို့အပြင်
သုတသယ်လာသော အိတ်မှလည်း cheeseတို့...
ရေညှိထုပ်တို့ ပါလာသည်။

သူတို့ စားသောက်ဖို့အတွက် ပိုက်ဆံတွေဘယ်လောက်တောင် သုံးခဲ့ကြတာလဲ.....

" spicy က cheeseတို့ဘာတို့ ထပ်ထည့်လိုက်ရင်
အစပ်လျော့သွားမှာစိုးလို့ ငါ spicy အနှစ်ဘူးချည်းပဲ
သပ်သပ်ယူလာသေးတယ်...."

ရိပ်က သူမ ယူလာသော spicy အနှစ်ဘူးကို ကိုင်၍
ပြောဆိုပြီးနောက်

" မဒီရေ...မမကို ကတ်ကြေးလေးပေးပါဦး..."

ဟုလှမ်းတောင်းလိုက်သေးသည်။ မီးဖိုချောင်ထဲတွင်
သူတို့အုပ်စုနဲ့တင် ရှုပ်ယှက်ခတ်နေသည်။ စကားသံများကလည်း ဆူညံနေ၏။

" ဗညား...မင်း ကိုလာဘူးကို ရေခဲသေတ္တာထဲထည့်ထား...အဲ့တာမှ ပြင်ဆင်ပြီးတဲ့အချိန် ကိုလာက အေးနေမှာ..."