" အစ်ကိုဖြိုး ကော်ဖီမကြိုက်ဘူးမလား.....ပိုနေတဲ့ဘူးဆိုရင်
စန္ဒီသောက်ပေးမယ်လေ...."
ဖြိုး၏ မျက်ခုံးများတွန့်ချိုးသွားသည်။ စန္ဒီလက်ထဲမှ ဘူးကို
ဖြိုးက ဆက်ခနဲပြန်လည် ယူလိုက်သည်။
" မင်းကို ပေးတာမဟုတ်ဘူး....လင်း ကိုပေးတာ...."
တည်ကြည်စွာပြောလိုက်သော ဖြိုးကြောင့် ရွှန်းရွှန်းပပပြုံးနေသော စန္ဒီမျက်နှာပေါ်မှ အပြုံးတို့ တဖြေးဖြေး
ပျောက်ကွယ်သွားရသည်။ ကြားထဲမှ လင်းက ကမန်းကတန်း
ဝင်ပြောလိုက်သည်။
" ရပါတယ်....စန္ဒီလိုချင်တယ်ဆို ပေးလိုက်ပါ... "
စန္ဒီသည် ချက်ချင်းပြန်လည် ပြုံးလိုက်သည်။ သူမက လင်းကို
စိမ်းစိမ်းကြီး ကြည့်လိုက်သည်။
" နင့်ကိုပေးတာလေ...."
စန္ဒီက ဘာမဟုတ်တဲ့ကော်ဖီဘူးကြောင့် မျက်နှာမဲ့သွားခြင်းတော့မဟုတ်။စန္ဒီ ပြောသမျှကို ဘာမဆို အားနာပါးနာ
ပြန်လိုက်လျောတတ်သော ဖြိုးက သူမကိုခပ်တည်တည်ပြောလိုက်သောကြောင့်ဖြစ်၏။ စန္ဒီက သူမဆံပင်ကို ဟန်ပါပါ ခါလိုက်သည်။ထို့နောက် သူမ စုတ်တစ်ချက်သပ်ကာ ဖြိုးအနားမှ ထွက်သွားသည်။
ဖြိုးက ဘာမှမဖြစ်သလို ပခုံးတွန့်လိုက်သည်။
" ကိုကြီးက စန္ဒီကို နည်းနည်းလေးတောင် မကြိုက်ဘူးလား...."
လင်း မေးလိုက်သောအခါ ဖြိုးက ပြုံး၍ ခေါင်းခါပြသည်။
" မကြိုက်ဘူး...အဲ့တာလည်းသူသိတယ်...အတင်းလိုက်
ကပ်နေတော့ အစ်ကို့အတွက် ဝန်ထုပ်ဝန်ပိုးလိုပဲ....
အစ်ကိုကြိုက်တဲ့သူက သပ်သပ်ရှိတယ်..."
" အော်..."
ဖြိုး ကြိုက်တဲ့သူက ဘယ်သူဆိုတာတော့ မေးမနေတော့။
************************************************************************
" ငါအခု အရမ်းအရေးကြီးတဲ့ အကြောင်းအရာကို ပြောတော့မယ်"
သုတက အားမာန်ပါပါဖြင့် တည်ကြည်လေးနက်စွာပြောသည်။ ထိုအခါ နိုးနိုးနှင့် လင်းသည် သုတနားသို့ ပိုမိုတိုးကပ်လိုက်ကာ နားစွင့်နေကြသည်။ သုတက ပိုတိုးသောလေသံဖြင့် ဆက်ပြော၏။
YOU ARE READING
MISSION IMPOSSIBLE : mission to get crush
Romancecrush က ကိုယ့်ကို ပြန်ကြိုက်ဖို့ဆိုတာ မဖြစ်နိုင်တဲ့ကိစ္စကြီးလိုပဲ.... အထူးသဖြင့် ကိုယ်ကလည်း ယောက်ျားလေး....သူကလည်းယောက်ျားလေး ဖြစ်နေရင်ပေါ့.... crush က ကိုယ့္ကို ျပန္ႀကိဳက္ဖို႔ဆိုတာ မျဖစ္ႏိုင္တဲ့ကိစၥႀကီးလိုပဲ.... အထူးသျဖင့္ ကိုယ္ကလည္း ေယာက္်ားေလး...
Ep-38
Start from the beginning
