နိုးနိုးက စကားနှင့်ပြန်ပက်လိုက်တော့ ရိပ် ပါးစပ်ပိတ်သွားသည်။ ဗညားက သူတို့၂ယောက်ကို ကြည့်ရင်း ရယ်သည်။
" ရိပ်ကတော့ တစ်စုံတစ်ယောက်ထံမှာ ကြွေမျောသွားပြီပဲ...
ငါကတော့ စဉ်းစားမရဘူး....ခွန်စိုင်းက သူ့နားဝိုင်းနေတဲ့
မိန်းမလေးချောချောလေးတွေရှိရဲ့နဲ့ ဒီက ရုပ်ဆိုးမကို
ဘာလို့ ဉာဏ်လာဆင်နေလဲ မသိဘူး"" ဟဲ့...ငါက ချောပြီးသား နင်တို့လို ငမိုက်သားတွေကပဲ
ငါ့အလှကို မမြင်ဘဲ ကန်းနေတာ...."" ဟေ့...လိမ်မပြောနဲ့ မိုးရွာနေတယ် မိုးကြိုးပစ်လိမ့်မယ်"
သုတက ဝင်ပြောတော့ သူတို့အားလုံးရယ်လိုက်ကြပြန်သည်။ရိပ်ကတော့ ဆူပုပ်ပုပ် မျက်နှာထားနှင့်...
" မိုးက ခုနကထက် ပိုသည်းနေပြီ...."
ဟု စကားလမ်းကြောင်းလွှဲပစ်သည်။
" မုန်တိုင်း ရှိတယ်လေ...ပြီးတော့ ဒါမိုးရာသီလေ... ရွာမှာပေါ့"
နိုးနိုးပြောတော့ သုတက ပြတင်းပေါက်အပြင်ဘက်ကိုလှမ်း
မျှော်ကြည့်ရင်း ဆိုသည်။" လင်းတစ်ယောက် မုန့်ဈေးတန်းသွားတာ ထီးပါသွားရဲ့လား"
" ငါ့ထီးပေးလိုက်တယ်...သူ့ကို ငါမှာလိုက်တဲ့ အာလူးကြော်လေးကို ထမင်းနဲ့စားဖို့စောင့်လိုက်ဦးမယ်..."
နိုးနိုးကပြောပြီးနောက် ဇွန်းကိုချကာ လက်ကျန်ထမင်းလေးကို အာလူးကြော်နှင့်စားရန် စောင့်ဆိုင်းနေသည်။
************************************************************************
လက်တစ်ဖက်တွင် အာလူးကြော်ထည့်ထားသော စက္ကူဘူး..
တစ်ဖက်တွင် အအေးဘူးတစ်ဘူးနှင့်...ချိုင်းကြားထဲ ညှပ်ထားသော ထီးကို ဘယ်လိုဖွင့်ရမလဲ လင်း...ခေါင်းစားနေမိသည်။ ထီးက နိုးနိုး၏ ထီးဖြစ်၍ ခေါက်ထီးပန်းရောင်လေး
ဖြစ်နေသည်။ အအေးဘူးနှင့် အာလူးကြော်ဘူးကို
လက်တစ်ဖက်တည်းနှင့်လည်း ကိုင်လို့မရသောကြောင့်
လင်း တစ်ယောက်တည်း ပတ်လည်ရိုက်နေသည်။ထိုစဉ် တစ်ယောက်က အနားရောက်လာပြီး လင်း၏ ချိုင်းကြားတွင် ညှပ်ထားသော ထီးကို ဆွဲယူလိုက်သည်။
လင်း..ကြည့်လိုက်တော့ ထိုသူက နက္ခက်ညီ ဖြစ်နေသည်။
YOU ARE READING
MISSION IMPOSSIBLE : mission to get crush
Romancecrush က ကိုယ့်ကို ပြန်ကြိုက်ဖို့ဆိုတာ မဖြစ်နိုင်တဲ့ကိစ္စကြီးလိုပဲ.... အထူးသဖြင့် ကိုယ်ကလည်း ယောက်ျားလေး....သူကလည်းယောက်ျားလေး ဖြစ်နေရင်ပေါ့.... crush က ကိုယ့္ကို ျပန္ႀကိဳက္ဖို႔ဆိုတာ မျဖစ္ႏိုင္တဲ့ကိစၥႀကီးလိုပဲ.... အထူးသျဖင့္ ကိုယ္ကလည္း ေယာက္်ားေလး...
Ep-19
Start from the beginning