" ငါ...နင်တို့ကို ပြောစရာရှိလို့...လာမယ့်စနေနေ့မှာ
ငါ့မွေးနေ့ရှိတယ်...လာခဲ့ရမယ်နော် "
ကျူးရင့်က ပြုံး၍ပြောသောအခါ ခွန်စိုင်းမင်းရှုန်ကချက်ချင်းပင်ထ၍....
" လာမှာပေါ့ဟ...မွေးနေ့က ဘယ်မှာလုပ်မှာလဲ"
ဟု မေးလေသည်။
" ဗိုလ်တစ်ထောင်ဘုရားနားက အပျော်စီးသင်္ဘောတွေသိတယ်မလား....အဲ့မှာလုပ်မယ်...ငါက ငါနဲ့ရင်းနှီးတဲ့သူငယ်ချင်း
အနည်းအကျဉ်းပဲဖိတ်ထားတာ ....နင်တို့အပါအဝင်ပေါ့"
" ဘာ မွေးနေ့လက်ဆောင်လိုချင်လဲပြော...."
နက္ခက်ညီက ပြောတော့ ကျူးရင့်က ရယ်လေသည်။
" ပေးချင်တာပေးပါ...မပေးလည်းရပါတယ်....
ဖိနပ်ဝယ်ပေးရင်တော့ အကောင်းဆုံးပေါ့...."
သူမက ထိုစကားဆုံးသည်နှင့် ငြိမ်ငြိမ်လေးထိုင်၍ စာအုပ်တစ်အုပ်ကိုဖတ်နေသော စိုင်းရှင်းယံကို လှမ်းကြည့်လိုက်သည်။
" ရှင်းယံ....."
" ဟင် ...."
သူမခေါ်သံကြောင့် စိုင်းရှင်းယံက မော့ကြည့်လာသည်။
" နင် မနှစ်က အူအတတ်ပေါက်လို့ ဆေးရုံတက်နေရတာနဲ့ ငါ့မွေးနေ့ကို မလာနိုင်ခဲ့ဘူး...ဒီနှစ်တော့လာရမယ်နော် "
" အင်းပါ...သေချာပေါက်လာခဲ့မယ် "
ရှင်းယံစကားကြောင့် သူမပြုံးသည်။ သူမက ပြုံးလိုက်လျှင်
မျက်လုံးလေးနှစ်ခု ကွေးညွတ်သွားတတ်သည်။
သူမတို့အားလုံးသတိမထားမိသည့်အရာက တစ်ဖက်တွင်
သူမတို့ကို ကြည့်နေသည့် လူငါးယောက်ရှိနေခြင်းပင်....
" သူက ကျူးရင့်ဟန်သာပေါ့...."
နိုးနိုးက လက်ညှိုး မသိမသာထိုး၍ပြောသည်။ သုတက
မထူးဆန်းသလို မျက်နှာပေးနှင့် ထပြောသည်။
" ငါ သူ့ကိုသိတာကြာပြီ...ချောလို့လေ....."
" ကြည့်ရတာ သူက စိုင်းရှင်းယံတို့လေးယောက်နဲ့ အရမ်းခင်တဲ့ပုံပဲ...."
ရိပ်က သူမအတွေးကိုပြောပြသောအခါ နိုးနိုးက ခေါင်းငြိမ့်သည်။
YOU ARE READING
MISSION IMPOSSIBLE : mission to get crush
Romancecrush က ကိုယ့်ကို ပြန်ကြိုက်ဖို့ဆိုတာ မဖြစ်နိုင်တဲ့ကိစ္စကြီးလိုပဲ.... အထူးသဖြင့် ကိုယ်ကလည်း ယောက်ျားလေး....သူကလည်းယောက်ျားလေး ဖြစ်နေရင်ပေါ့.... crush က ကိုယ့္ကို ျပန္ႀကိဳက္ဖို႔ဆိုတာ မျဖစ္ႏိုင္တဲ့ကိစၥႀကီးလိုပဲ.... အထူးသျဖင့္ ကိုယ္ကလည္း ေယာက္်ားေလး...
Ep-11
Start from the beginning
