The Billionaire's Revenge (Completed)

Chapter 53

Not edited.

Beth.

Unti-unti kong minulat ang talukap ng aking mga mata. Pero kahit anong gawin kong pagmulat ay hindi ko magawa. May nakaharang na bagay para sa pagmulat ko. Wala akong makita dahil ramdam kong nakatakip sa mga mata ko.
Kahit aninag lang sa paligid ay hindi ko makita.

Nasaan ako?

Gusto kong aalisin ang anumang nakaharang pero hindi ko magawa dahil nakatali ang aking mga kamay sa kinauupuan ko. Kahit ang mga paa ko ay nakatali rin.
Ang katawan ko ay masakit marahil sa pangangalay.
Ang baho rin dito. Masangsang ang amoy.

Jusko ko!

Inalala ko ang nangyari kung bakit ako narito.

Sa bahay ng mga magulang ni Clark. Ang katotohanan. Ang galit ni Clark. Ang paghabol ko sa kanya. Ang paghinto ng itim na van. At ang pagdukot nila sa akin.

Ang takot ko kanina habang tinatangay nila ako ay muling umusbong. Sino sila? Bakit nila ako kinuha at dinala dito?
Anong kailangan nila?

Hindi ko alam kung nasaan ako at kung sino ang mga taong dumukot sa akin.
At hindi ko alam kung bakit ako nandito.

Jusko, tulongan mo ako.
Sana malaman ni Clark na nawawala ako. Sa galit ba naman nito sa akin, posibleng wala na itong pakialam sa akin.

Sa gitna ng pag-iisip ko ay narinig kong may bumukas. Malamang pintuan iyon.

Narinig ko ang mga yabag. Yabag papunta sa akin.

"Sino ka?" Tanong ko sa kanya. Ramdam ko ang presensya nito sa aking harapan.

"Sino ka?" Ulit kong tanong dahil wala akong nakuhang sagot sa kanya.

Muli, wala akong narinig na sagot mula sa kanya kundi isang magaspang na kamay ang humaplos sa pisngi ko. Agad kong iniwas ang mukha ko mula sa taong ito.

"Kahit sa ganitong sitwasyon ang ilap mo parin, Beth."
Nanigas ako sa kinauupuan ko nang makilala ko ang boses ng taong nagsalita.

L-lucas!

"Lucas" Paos kong naisatinig.

"Mabuti naman at nakilala mo pa ang boses ko. Akala ko nakalimutan mo na ako."
Malamig niya saad. Muli niyang hinaplos ang mukha ko.
Kahit ilang taon kaming hindi nagkita ay nakilala ko kahit papaano ang kanya boses dahil na rin sa nakasama ko siya sa trabaho dati.

"Bitawan mo ako! At bakit mo ako dinukot!" Saad ko sa kanya.

Tumawa ito nang bahaw.
"Wala ka talagang pakiramdam sa akin ano?! Hindi mo ba naramdaman na may gusto ako sayo?" Pag-aamin niya.