ANG NABUNTIS KONG PANGIT (free/completed)

Part 52

"Hello, Yolly? Ba't hindi ka nagsasalita?" boses ulit ni Leandro sa kabilang linya.

Natauhan si Andy sa pagkakatulala kay Yolly. Agad niyang ibinaba ang cellphone pero hindi niya pinatay.

"May—" Magsasalita sana si Yolly kaya madali niya itong tinakbo at tinakpan ng palad niya ang bunganga nito.

"Wow! Bagong ligo ka, ah? Ang sexy mo naman, wife ko!" at malakas niyang sabi dahil pinaparinggan niya si Leandro sa cellphone. Alam niyang hindi pa pinapatay ni Leandro ang tawag nito.

"Ready ka na ba, mahal ko? Nakakagigil ka, eh!" malakas na sabi pa ni Andy habang inamoy-amoy ang leeg ni Yolly.

Nanlaki naman ang mga mata ni Yolly. Sa isip niya ay ano'ng ginagawa ni Andy? Ano'ng mga pinagsasabi nito?

"Siguradong mapapalaban ako sa 'yo, mahal ko!" sabi pa ni Andy na malakas na malakas ang boses.

Napakunot-noo na si Yolly. Mayamaya ay marahas na niyang tinanggal ang kamay ni Andy sa bunganga niya.

"Bas—" Bastos sana ang isisinghal niya kaso ay hindi niya naituloy dahil mabilis na inilapat ni Andy ang bibig nito sa bibig niya.

"Uhmp!" Gulat na gulat si Yolly. Tuloy ay dilat na dilat ang kanyang mga mata habang magkadikit ang mga labi nila ni Andy

Nag-kiss sila! Kiniss siya ni Andy! Holy cow!

Hindi naman ikinilos ni Andy ang mga labi niya habang nakadikit sa mga labi ni Yolly. Idinikit lang niya iyon upang magtigil sana si Yolly sa pagsasalita dahil ayaw niyang mabuking kay Leandro. Kaso ay nang hindi nagtagal ay parang nagugustuhan na niya ang pakiramdam ng labi niya. Ang lambot ng mga labi ni Yolly, parang jellyace. Parang bubblegum. At ang init.

Mahinang ungol ang kanyang pinakawalan nang ikinilos na niya ang mga labi. Ninais niyang malasap lalo ang mga labi ni Yolly.

"Bastos!" pero sa wakas ay naisinghal na ni Yolly sabay tulak sa binata at sampal.

Nanlalaki ang mga mata ni Andy na napatitig sa dalaga. Noon lang niya napagtanto ang kapusukang ginawa. Sh*t!

"Manyak!" Saglit lang ay mabilis at galit na lumabas na sa silid si Yolly.

Naiwan doon si Andy na hawak ang pisnging namula na naman agad sa lakas ng sampal ni Yolly. Aw!

Napailing siya at gusto niya ring sapukin ang sarili sa ginawa. Bakit niya kasi iyon ginawa? Ang tanga niya. F*ck!

Natampal niya ang sariling noo. Tingin niya ay kailangan niyang mag-sorry kay Yolly. Ngunit nang maalala niyang dahil pala kay Leandro ang mga iyon bakit niya nagawa ay masama ang tingin niyang nilingon ang cellphone na nakalapag sa kama.

At sa inis niya ay tumalon siya sa kama at nagpakabaliw na talaga mainis lang din niya si Leandro. Hindi puwede na siya lang ang naiinis dito! No way!

"Ooohhh! Ooohhh! Oohhh!" Umungol siya nang umungol. Umakto siyang may ka-s*x. At 'yong kawawang unan talaga ang kunwaring ginawa niyang Yolly. Tingnan niya ngayon kung ano ang pakiramdam ng Leandro na iyon. G*go siya, eh!

"Aaahhh! Ooohhh!" mas nakakalukong ungol pa niya kunwari. "Sh*t, ang sarap!"

Kaso ay biglang nagbukas ang pinto at bumungad ulit doon si Yolly. Bumalik pala ang dalaga para kunin sana ang cellphone nito pero iba ang nakita nito. Kitang-kita lahat ni Yolly ang ginawa niya.

Natigilan si Andy.

"Manyak ka talaga!" gigil na sigaw ni Yolly sabay balibag sa pinto.

"Wait!" Tarantang habol ni Andy kay Yolly pero bumalik muna ulit para patayin ang tawag ni Leandro, saka napapasigaw na niyang sinundan si Yolly.

"Yolly, let's talk." Sa kusina niya nakita ang dalaga.

Nagto-toothbrush si Yolly at tahimik na lumuluha. Pilit binubura niya sa labi niya ang feeling niyang pumagkit na labi ni Andy roon. Yuck! Kadiri!

Napakamot sa batok naman si Andy. Hindi niya alam kung ano'ng sasabihin ngayon kay Yolly. Hindi niya alam paano magpapaliwanag. Ayaw naman niyang sabihin na gawa iyon kay Leandro; na dahil nagseselos siya. Mas dyahe 'yon.

He is Andy Pagdatu, and at no point will an Andy Pagdatu experience jealousy or insecurity towards other men. Never... ever!

Nagmumumog na si Yolly at akmang aalis na, buti na lang at mabilis na nakaharang siya sa dadaanan nito. As expected, tiningnan siya nito ng pagkasama-sama.

"Paraanin mo ako! Kung ayaw mong makatikim ulit sa 'kin!" banta ng dalaga sa kanya, nagpupuyos talaga ito sa galit.

"S-sorry, hindi ko 'yon sinasadya. Nagti-trip lang ako," aniya.

Napasinghap sa hangin si Yolly at pagkuwa'y walang anumang tinuhod nito ang pagkalalaki niya.

"F*ck!" Awtomatiko na nagpatalon-talon siya sa matinding sakit. Basag si Andy egg number 1 at Andy egg number 2.

"Buti nga sa 'yo!" singhal pa sa kanya ni Yolly kaysa maawa.

"Hoo! Hoo!" ihip niya sa hangin maibsan lang ang sakit. Namilipit talaga siya habang hawak-hawak ang bandang iyon.

"Ganyan ang bagay sa 'yong manyak ka!" singhal ulit sa kaniya ni Yolly bago ang malalaking hakbang nitong iniwan na siya.

Nagtatalon-talon pa rin si Andy. Hindi mailarawan ang kanyang mukha sa matinding sakit na nadarama.

"Andy, what happened?" Ang masaklap pa'y biglang boses ng mommy niya sa likuran niya. Ngayon pa dumating. Ang wrong timing naman, oh!

"Aw!" aniya na walang boses. Tapos ay humawak siya sa ref. Buti na lang may ref! Ghad!

"Anak, may masakit ba sa 'yo?" Lapit na ni Madam Angie sa kanya.

Lumingon na siya sa mommy niya na nakangiti. Pilit na ngiti nga lang.

"May masakit ba sa 'yo, Son?" Nataranta na si Madam Angie nang makita nito ang kanyang hitsura.

"Nothing, Mom. Ang asim po pala ng suka," palusot niya.

"Suka?"

"Opo, tinikman ko. Ang asim po."

"Hay, loko ka talagang bata ka. Anyway, where's Yolly?"

"Aw!" aniya ulit na walang boses nang luminga saglit sa ibang direksyon ang mommy niya. Ang sakit pa rin ng mga itlog niya. Tinitiis lang niya.

"Wala ba si Yolly?"

"A-andiyan po." Ang bilis ng pagbabago ng mukha niya nang tingnan ulit siya ng mommy niya. Nakangiti na ulit siya.

"Ay, mabuti naman dahil isasama ko na siya ngayon sa salon. Tawagin mo siya dali. Pati na rin si Balaeng Yolanda."

Naku po palalakarin pa siya ang sakit na nga, eh. "Tingnan niyo na lang sila sa silid, Mom."

"Ikaw na lang sige na, Son. Nakakahiya naman."

Ang malas naman talaga oo. Napilitin talaga siyang maglakad, para tuloy siyang giraffe na naglalakad. Paika-ika. Kasalanan lahat 'to ng Leandro na iyon. Humanda sa kaniya iyon 'pag nakita niya. Lintik lang ang walang ganti.

"Are you sure na okay ka lang, Son?"

"Yes, Mom," sagot niya kahit maiiyak na siya talaga sa sobrang sakit.

SA KABILANG BANDA ay takang-taka na nakatitig pa rin si Leandro sa cellphone niya.

Gag*ng Andy! Talagang pinarinig pa sa kanya ang kamanyakan! Ayup!

Mayamaya ay naibalibag na ni Leandro ang cellphone sa kama niya. Nainis din siya konti kay Yolly. Kung gano'n may nangyayari na pala talaga sa kanila ni Andy tulad ng totoong mag-asawa.

Kaasar!