Chapter 47: Story of the Past
TILA nakakakita ng isang anghel si Mergus nang makita ang club house. Alam naman niya kung saan gaganapin ang pool party nila dahil napag-usapan na nga nila ito ng mga kasama niya pero hindi man lang nagsabi sa kanya ang fiancé niya na takot ito sa tubig. At isa siyang tànga para hindi mahalata ang isa sa kinakatakutan nito.
Pagpasok niya ay ang maiingay na tawanan sa loob ng mga customer ang maririnig niya at ang malakas na tugtog ng musika.
Nilapitan niya ang isang waiter at tinanong kung saan ang swimming pool. Itinuro naman nito at agad niyang pinuntahan.
Pero sa dami ng pintuan ay hindi niya rin matukoy kung saan ang daan patungo sa pool area hanggang sa marinig niya ang malakas na kalampag kaya iyon ang pinuntahan niya. Pinakinggan pa niya ang boses ng mga ito.
“Hey! May tao ba riyan sa labas?! Buksan ninyo naman ito, oh!”
“Sa loob! Sa loob iyan, eh!”
“Pag-aawayan ninyo talaga iyan? Kailangan na talagang makalabas ni Engineer Vallejos dito!”
Shet...
MAY ANN’S POV
Dahil sa panghihina ko at kinakapos na ako nang hininga ay nagsisimula nang dumilim ang paningin ko. Bumagsak ang ulo ko sa headrest at naramdaman ko na muntik na itong matumba pero may humawak dito para ipirmi ang balanse nito at hindi ako malaglag sa floor.
Sa panginginig ng mga kamay ko ay parang wala na akong mahahawakan pa dahil dumudulas na iyon sa palad ko.
“Building lang ba ang kaya ninyong gawin at hindi kayo marunong manira ng pinto?!”
“Hoy, grabe ka riyan!”
“Mabuti pa ay maghanap ka lang ng bagay na puwedeng ipaypay sa kanya!”
Naramdaman ko lang ang hangin na tumatama sa mukha ko at sa mga sumunod na nangyari ay wala na akong naririnig pa. Tila nabingi rin ako.
“May Ann... Baby...wake up... Open your eyes...” Marahan na tapik ang nagpagising sa akin at pilit ako nitong ginising. “Miss, open your eyes...”
“M-Mergus?” sambit ko sa pangalan niya dahil sure ako na boses iyon ng fiancé ko. Kahit nakapikit pa ang mga mata ko ay sinubukan ko pa rin na hawakan siya.
Mabilis niyang hinuli ang kamay ko at hinawakan niya ito nang mahigpit. “A-Ang lamig na ng kamay mo, Miss... Namumutla ka na rin,” nababahalang saad niya at hinawakan pa niya ang pisngi ko.
“Mergus?”
“Y-Yes, it’s me... It’s me, May Ann... Nandito na ako... N-Nandito na ako, Miss... I’m sorry... I’m so sorry...” sabi niya at nang naramdaman ko na siya dahil dinala niya sa pisngi niya ang kanang kamay ko ay binuksan ko ang mga mata ko.
“M-Mergus...” humihikbing sambit ko sa pangalan niya. Nababasa ko rin sa kanyang mata ang pag-aalala sa akin.
“I’m sorry...” Pinagdikit pa niya ang noo namin at pinunasan ang mga luha ko pero hindi ko sinasadya na mapatingin na naman sa baba. Mahigpit kong hinawakan ang collar ng damit niya.
“U-Umalis na t-tayo rito, M-Mergus... U-Umali na tayo rito, please...”
“Engineer Brilliantes, parating na raw ang ambulance.”
“Sige, mauna na kayong lumabas.”
“M-Mergus...lumalalim na ang tubig! Please...i-ilayo mo na ako rito... A-Ayaw ko na... N-Nababasa ka na rin...”
YOU ARE READING
The Pianist's Unwanted Existence (Brilliantes Series #3) (COMPLETED)
Romance(UNDER EDITING) May Ann Vallejos, she's the eldest daughter. She is a famous pianist in the country but because of her parents' strictness she focused on making their company run. All her life she knew she was unhappy because no one like her existen...
