The Pianist's Unwanted Existence (Brilliantes Series #3) (COMPLETED)

CHAPTER 69

Chapter 69: Drowning & Cure

TUMAGAL pa kami ng two weeks sa mansion nina Mama at Uncle Glin. Tinatawagan ko naman si Daddy for update para hindi siya mag-worry tapos isa o dalawang beses naman na pumupunta si Mergus dito para lang makita kami.

Araw-araw rin siyang nagpapadala ng bulaklak sa akin pero hindi ko naman tinatanggap. Si Mayeese lang ang kumukuha no’n at isinusumbong niya sa Daddy niya na ibinibigay ko raw sa kanya ang bigay na bulaklak nito. Ang bata-bata pa niya pero marunong na talaga siyang magsumbong, tsk.

“Daddy, look, oh! Ang Mommy ko po ay hindi na naman tinatanggap ang flowers mo!” Napahilot ako sa sentido ko dahil sa narinig kong sinabi ng anak ko.

Honestly speaking ay hindi ko nga kakampi si Mayeese dahil ang daddy niya ngayon ang kinakampihan niya.

“Ang ingay,” komento ko at sinadya kong iparinig iyon sa kanya kaya nagkandahaba-haba na naman ang nguso niya.

“You heard that po, Daddy? Niaaway na po ako ng Mommy ko! Balik ka na po, Daddy... Miss na po kita... Dito ka na lang po sa amin...” Napapailing na naman ako sa mga sinasabi niya. Ang galing mangumbinsi. Tsk. Tsk. “Okay po. Mommy?”

“Yes, sweetie?”

“I love you po...”

“I love you too, baby.”

“I love you too raw po sabi ni Mommy, Daddy!”

“Yeye?” Bumungisngis lang siya dahil naisip niya na naisahan niya ako roon.

“Hindi po kasi ako ang nagsabi no’n, Mommy. Pinapasabi lang po iyon ng Daddy ko,” natatawang sabi niya. Tumayo ako at nilapitan ko siya sa bed.

“Come here, bumaba tayo para kumain ng snack. Gusto mo ba?” I asking her.

“Siyempre po!” masayang bulalas niya.

“Ibaba mo na ang tawag. Hindi ka ba nagsasawa na marinig ang boses ng engineer na iyan?” tanong ko at inilahad ko sa kanya ang palad ko. May kung ano siyang pinindot doon saka niya ibinigay sa akin.

“Dalian mo na po, Daddy! Eat po tayo ng snack.” Narinig ko na naman ang mahinang halakhak ni Mergus from the other line.

“Tell your Mom na pati ako ay dalhan niya rin ng snack.”

“I heard you, Engineer,” mariin na sambit ko.

“Hello, Miss.”

“I-hello mo ang face mo. Tigilan mo na ang pagtawag sa anak mo at hindi na siya nakatutulog pa dahil hinihintay niya ang tawag mo,” masungit na sabi ko sa kanya.

“Mas lalo siyang maghihintay kung hindi ako tatawag. Bakit ba kasi ayaw ninyo pang sumama na lang sa akin pauwi rito?”

“Bakit bati na ba tayo, ha?” nang-aasar na tanong ko pa sa kanya at bumaba na kami ni Mayeese.

“Makipagbati ka na kasi sa akin, eh.”

“Ang kapal ng face mo, ha.”

“Daddy! May swimming pool sina Nonna, Dad. Balik ka na po, swimming tayo,” pag-aaya ni Mayeese sa Daddy niya.

“Okay po, Yeye. Pagbalik ko ay maliligo tayo sa pool ni Nonna.”

“Yehey!”

Nasa baba si Mama at si Uncle Glin. Mukhang may lakad yata silang dalawa.

“Hi, Mama,” I greeted her. Hindi naman siya naka-wheelchair. Dahil siguro nandiyan naman ang hubby niya.

“Hello, May Ann. Aalis muna kami saglit, ha?” paalam niya na tinanguan ko.