Unicode
ခွန်းနင် နန်းတော်ရာပုံပြင်
အပိုင်း - ၅ ရှဲ့ဝေ
ထန်အာ သည် လျန်အာ ထက် အသက် နှစ်နှစ်ပိုကြီးပြီး သူမ၏ စိတ်နေစိတ်ထားမှာ လျန်အာနဲ့စာလျှင် များစွာ ပိုတည်ငြိမ်သည်။ ထန်အာသည် စိမ်းပြာရောင် ပီကျား* ၀တ်စုံလေးကို အပေါ်က ထပ်၀တ်ထားသည် ။
*[ကုတ်လက်ပြတ်အင်္ကျီ အပေါ်၀တ်ရုံ ]
လျန်အာက သူမကို အလျင်စလို ဆွဲခေါ်လာသောအခါမှာ တောင် ထန်အာရဲ့ လက်ထဲမှာ ဖိတ်စာတစ်စောင်ကို ကိုင်ဆောင်ထားလျက်သား ။ ထန်အာ တစ်ချက်ကြည့်လိုက်တော့ ကျန်းရွှယ်နင်ရဲ့အမူအရာကလဲ မူမမှန်ဘူးလို့ သူမပြောနိုင်သည် ။
ဒါ့ကြောင့် သူမသည် လျန်အာကို အလျင်အမြန်ပဲ ဆွဲညှစ်လိုက်သည်။
လျန်အာသည်လဲ ချက်ချင်းပင် ပေါက်ပေါက်ဖောက်ငိုနေရာက တိတ်ဆိတ်သွားသည်။
ထိုအခါမှသာ သူမ ကျန်းရွှယ်နင်ဆီ လမ်းလျှောက်လာခဲ့ တော့သည်။ ပထမဦးစွာ သူမသည် ဖိတ်စာကို ဘေးက *စားပွဲမှာ ချထားလိုက်ပြီး၊ ထို့နောက် ကျန်းရွှယ်နင် ၏ နံဘေးသို့ လျှောက်သွားကာ အရက်နံ့များဖြင့် မွှန်နေသော ၀တ်ရုံကို ချွတ်ပေးလေသည်။ ထိုအချိန်မှ လျန်အာက ထိတ်လန့် နေရာက ရုန်းထလာနိုင်ခဲ့သည်။
" သခင်မလေး မနေ့ညက တစ်ညလုံး ပြန်မလာလို့ လျန်အာက လန့်သွားပုံရတယ် ၊ ဒါပေမယ့် ဒီနေ့ ဟောပြောချက်တွေကို နားထောင်ဖို့ ရုံယိနယ်စားအိမ်တော်က “နယ်စားလေး”လဲ နန်းတော်ထဲကို သွားဖို့ လိုအပ်တယ်လို့ သတင်းကြားထားပါတယ် ၊ဒါကြောင့် ဒီအစေခံက ဒီမနက်ခင်းတော့ သခင်မလေး ပြန်လာမှာပဲ ဆိုပြီး တစ် ယောက်ယောက်ကို ရေနွေးပူပူလေး အရင်ပြင်ဆင်ခိုင်းထားလိုက်တယ် ။ သခင်မလေး ရေချိုးပြီးရင် အနားယူလိုက်ပါဦး ။ မနေ့ညက သခင်မလေး ကောင်းကောင်းအိပ်မပျော်ဘူးဆိုတာကို ဒီအစေခံ သတိထားမိပါတယ်။"
*[ခြေသုံးချောင်း စားပွဲငယ်]
ဒါက အသုံးဝင်တဲ့ စကားများပင်။
ကျန်းရွှယ်နင်သည် ထန်အာ ကို တစ်ချက်ကြည့်လိုက်သည်။
ဒီကောင်မလေးကလည်း မန့်ရှီ က သူမဘေးမှာ ခစားရန် ပို့ထားပေးခဲ့တာပင်။ သူမတွင် အရည်အချင်းရှိသော်လည်း လက်အောက်ငယ်သားများအပေါ် ဆိုးရွားတဲ့ သဘောထားရှိသော သူမရဲ့သခင်မလေး၏ ဒေါသကို မထိန်းချုပ်ထားနိုင်ပေ။ ဒါကြောင့် သူမမှာ အရည်အချင်းအပြည့်ရှိပေမဲ့ ရှိနေတဲ့ အရည်အချင်းရဲ့ သုံးပုံတစ်ပုံလောက်ကိုတောင် အသုံးမချနိုင်ခဲ့တာက မယုံနိုင်စရာပါပဲ။
YOU ARE READING
Story Of Kunning Palace (宁安如梦) မြန်မာဘာသာပြန်
Historisk fiksjonကျန်းရွှယ်နင် ဟာ လူကောင်းတစ်ယောက်မဟုတ် ဧကရီဘုရင်မဖြစ်လာဖို့ အတွက်နဲ့ သူမဟာ ပရိယာယ်မျိုးစုံနဲ့ နည်းလမ်းပေါင်းစုံကို အသုံးပြုခဲ့ပြီး လူပေါင်းများစွာရဲ့ ရိုးသားမှုကိုလည်း နင်းချေချနင်းခဲ့သည်။ ဒါပေမယ့် မသေဆုံးခင် အချိန်လေးမှပင် သူမဟာ အခြားတစ်ယောက်အ...
