my sadist wife (completed) (innocent guy series)

Chapter 30

Eleven.

Mukhang mahabang habang gabi ito.

Halos hindi ako makakilos dito sa kama. Natatakot akong maglilikot dito dahil baka magalit siya.

Kung kanina ay nahihirapan na ako kuhanin yung tulog ko, mas lalo na ngayon na katabi ko na siya dito sa kama.

Ang hirap nang naka steady ka lang na naka posisyon, lalo na't hindi ganito yung gusto kong posisyon matulog. 

Hindi ako kumportable lalo na't babae yung katabi ko. Yung taong mahal ko pa.

Gusto ko man na magkatabi kami, pero ang weird naman kung hindi naman ako yung boyfriend niya. Ang weird lalo na't wala naman kaming tunay na relasyon. 

Napapansin kong hindi rin siya makatulog ngayon dahil siya naman ang naglilikot likot sa kama ko. Naghahanap siguro siya ng magandang posisyon para makatulog siya pero wala parin siyang mahanap na magandang posisyon.

Eh kung pinatay ko na lang sana yung ipis, nakatulog ka na sana sa kwarto mo nang mahimbing. Nakapagpahinga ka na sana nang maayos lalo na't pagod ka pa galing sa Tagaytay. 

Kanina pa naman mukhang antok na antok ka na sa pagod. Ngayon, hindi ka na makatulog.

Tinabingi ko yung ulo ko. Nakaharap na ngayon yung katawan niya sa gawi ko na nakatingin sa akin. 

B-Bakit siya nakatingin sa akin? 

"H-Hindi ka makatulog?"

Huminga siya nang malalim.

Ang ganda mo talaga, asawa ko. Hindi ko masyadong maaninag pero gandang ganda talaga ako. Tanging liwanag lang ng buwan yung tumatama sa mukha niya pero kita ko padin kung gaano siya kaganda.

"Y-Yes." nahihiya niyang sagot. "I can't sleep."

Natawa ako nang mahina. "Sabi ko naman kasi sa'yo eh."

"What?" masungit niyang tanong.

"Pinatay ko na lang sana yung ipis." sagot ko. "Pwede ko parin namang hanapin sa kwarto mo para doon ka na lang matulog—"

"I'm fine."

Pasaway.

"Eh paano ka makakatulog?"

"I can sleep here."

"Seryoso ka ba talaga?"

"Mukha ba akong nagbibiro?"

Napaiwas ako ng tingin. "Okay." sambit ko na lang. "Try ko matulog ulit, asawa ko ha? Goodnight."

"Goodnight." iniba niya yung posisyon at nakigaya na sa akin. Nakatingin na rin sa kisame.

Tahimik ang buong kwarto at sigurado akong hindi parin siya nakakatulog katulad ko. 

Paano niya nakakaya na subukang matulog sa tabi ko ngayon? Dati parang gusto na niya akong isumpa nung nakita niya akong katabi niya. Ngayon, kinakaya niya. 

Ibang klase yung power ng ipis para patulugin siya sa tabi ko. Biruin mo yon.

Gusto ko sanang lumipat sa sofa, o kahit matulog man lang sa ibaba ng kama pero ayaw niya talaga. Hindi niya gustong sa iba ako matulog kundi dito lang sa tabi niya. 

Wala na rin naman akong magagawa, request 'to ng asawa ko e.

Narinig kong nag vibrate yung cellphone ko sa side table ng kama. Napansin kong napatagilid yung mukha ng asawa kong nakatingin sa akin pero hindi ko pinansin dahil natuon yung atensyon ko sa text.