my sadist wife (completed) (innocent guy series)

Chapter 8

Eleven.

Napaka ganda ng araw ko kahit bitbit ko yung napakabigat na sports bag ng asawa ko.

Ang sarap ng aircon. Ang sarap ng hangin.

Nakaka miss naman yung aircon dito sa arena. Ang sarap sarap!

"Ang ganda talaga dito." wala sa ulirat kong nasabi. Ngiting ngiti akong naglalakad kasama yung asawa ko pati narin si Klarisse. Natutuwa parin talaga ako kapag nakikita ko yung loob ng arena. Ang lawak lawak, ang spacious at nakaka excite ang ambience.

Sa wakas! Nakapasok na naman ako ulit sa Mall of Asia Arena! Ang tagal na rin nung huling punta ko dito. Yung huling punta ko, yung pinaka last na laro ng asawa ko sa liga niya sa volleyball.

Dito kasi naglalaro yung asawa ko dati bilang varsity ng university namin. As someone na admirer niya, parati akong present sa lahat ng ganap niya sa laro. Syempre hindi ako magpapahuli. 

Kasali sa UAAP yung university na pinapasukan naming dalawa ng asawa ko. Dito madalas ginaganap yung league kada season ng UAAP. Minsan naman sa ibang arena. 

Masaya akong pinapanood siya kahit hindi niya ako kilala. 

Kung magkataon man na hindi niya ako paniwalaan na fan niya ako, aba! Ikalat ko pa sa kama niya lahat ng ticket na binili ko para sa mga laro niya noon. Kahit pa picture ng mga training nila sa school, meron ako eh. Kahit pa nga diary tungkol sa kaniya at sa mga naging laro niya, meron ako. 

Kaya kung hindi man niya ako paniwalaan, kung makwento ko man, lalatagan ko talaga siya ng maraming maraming ebidensya.

Wala yatang palya yung panonood ko. 

Kaya nung narinig ko kay Klarisse na isasama niya ako ngayon sa sports fest ng asawa ko, aba! Parang pumalakpak yata dalawang tenga ko at umabot yata ng mata ko yung mga ngiti ko. 

Sino ba naman hindi matutuwa? Ang tagal ko na siyang hindi nakikitang naglalaro. Mga pambato na lang niyang mga gamit sa akin yung pinaglalaruan niya parati. 

Nakng. Ang saya ko talaga ngayong araw.

"What's with the smile?" tanong sa akin ni Klarisse nang nakangisi. 

Umiling ako. "Masaya lang."

"Damn ass." rinig kong bulong ng asawa ko pero nginitian ko lang siya. "Can you stop?"

"Ha?"

"Stop smiling." inis niyang sabi pero hindi ko parin ginawa. "Sinabi ng—"

"Shut up, ate."

Sinamaan niya ng tingin yung kapatid niya pero wala lang siyang nagawa kundi sundin yung utos na tumahimik at huwag akong pansinin.

"Don't mind her."

Kung alam niya lang kung gaano ako ka fan niya. Kung alam niya lang sana, baka hindi na mag init yung ulo niya sa akin.

"First time here?" tanong sa akin ni Klarisse.

Ngiting ngiti akong umiling.

"Ano ba kasing ngingiti ngiti mo dyan?" iritang tanong sa akin ni Amber. "You look like a fucking clown."

Bawal bang maging masaya na makikita ulit kita sa court na naglalaro?

"Masaya lang akong makikita kitang maglaro." sagot ko sa kaniyang nakangiti.

Kunot noo niya akong tinignan ng masama. "Matamaan ka sana ng bola mamaya."

"Ate." tawag ni Klarisse na parang nagwawarning.