my sadist wife (completed) (innocent guy series)

Chapter 14

Eleven.

Puti.

Wala akong ibang makita ngayon kundi puti. Maliwanag bawat sulok ng paligid na para ba akong nasa langit ngayon. 

Hindi ko maaninag nang maayos yung nasa paligid ko sa hilo. Malabo at hindi ako sigurado kung nasaan ako ngayon.

Nasaan ako? 

Nasa langit na ba ako at tila yata hindi ako makagalaw nang maayos. Namamanhid yung pakiramdam ko ngayon na nahihilo. 

Anong nangyari sa akin?  

"Parekoy?" nakarinig ako nang pamilyar na boses. May bigla akong naaninag na ulo sa harap ko. Naramdaman ko rin siyang humawak sa kamay ko. "Gising ka na ba?" 

Dumami yung ulo na naaaninag ko ngayon. Kung kanina ay isa, ngayon naman ay anim kung hindi ako nagkakamali. 

"Naririning mo ba kami?" rinig ko ulit. 

Unti unting luminaw yung paningin ko at nakita ko yung mga mukha ng mga kaibigan ko. "N-Nasaan ako?" 

Narinig ko yung hiyawan nila sa excitement. 

"May malay ka na, pre!" rinig kong sambit ni Uno. 

What happened? Nawalan ba ako ng malay?

Bakit sila nandito lahat? Anong nangyari? 

"Kumusta pakiramdam mo? May masakit ba?" 

Nakng. "Mmh!" ungol ko sa sakit. 

"Bakit?" panic nilang tanong. "Anong nangyari?" 

"Mmh." napangiwi ako sa kirot. May nakatama sa sugat ko.

"B-Bakit?"

"Mga. . .. .p-p-punyeta."

"Mga tarantado! Magsi layo nga kayong lahat kay Eleven." rinig kong utos ni Ten Ten na parang kadarating lang. "Nagalaw ka ba ng mga 'to?"

Mahina akong tumango. Nakita ko na lang silang pinagbabatukan ni Ten-Ten.

Napalinga linga ako sa paligid.

Nasa hospital nga ako. Nakasuot ako ng hospital gown at may nakakabit na dextrose.  

Parang sumasakit yung ulo ko sa sobrang ingay nilang lahat dito. Hindi kalakihan yung kwarto para sa aming lahat kaya mas lalong maingay. Ang crowded pa. 

"Pwede. . .ba. . .manahimik muna. . .kayo?" nanghihina kong utos sa kanila. Nagsitigil silang lahat pero nakikita ko paring nag aaway yung dalawa pero pabulong. "Sumasakit. . .yung ulo. . .ko dahil . . .sa inyo." 

"Ikaw kasi!" rinig ko na namang away nila pero pinatahimik na nung iba. 

"May nararamdaman ka ba ngayon?" rinig kong tanong naman ni Six sa akin. 

"K-Kirot." hinawakan ko yung dibdib ko at yung tiyan ko na parang bugbog na bugbog sa sakit. 

"Masakit?"

Tango kong sagot.

Inaalala ko yung huling naganap bago ako napunta dito sa hospital. Hindi ko masyadong maalala kung ano yun pero sigurado akong ginulpi ako at pinaglakad nang napakalayo.

"You'll be okay." hinawakan niya ako sa kamay na ikinangiwi ko.

"Huwag."

"Mmh?"

"H-Huwag kako." nahihirapan kong salita.

"Alin?"

"H-Huwag m-mo a-akong h-hawakan." nasabi ko rin. "H-Hindi t-tayo t-talo."