Chapter (496)
“အသုံးဝင်သောပစ္စည်း”
ရဲရှောင် ပြုံးလိုက်ရင်း -
“ဒီပစ္စည်းနဲ့ ပတ်သက်ပြီး ကျုပ်လည်း သိပ်တော့ မသိပါဘူး။ ခင်ဗျားကျုပ်ကို ပေးချင်စိတ် မရှိဘူး ဆိုရင်လည်း ကျုပ်ပြောခဲ့တာတွေကို မေ့ပစ်လိုက်ပါ။ အမှန်တိုင်းပြောရရင် ခင်ဗျားဒီပစ္စည်းကို ဘယ်လောက်ပဲ အမွှန်းတင်တင် ကျုပ်ကတော့ မိုးကြိုးကို ကာကွယ်နိုင်တယ် ဆိုတာကို မယုံသေးဘူး . . .”
“ခင်ဗျားတို့ကို ကောင်းကင်ဆန့်ကျင်ဆေးလုံး မလုပ်ပေးနိုင်တော့ဘူး၊ ကျုပ်အသက်ကို စတေးရမှာဗျ။ ကျုပ်အတွက် မတန်လှဘူး . . .”
မိန်းကလေး ၂ ဦးသည် စိတ်ထဲတွင် မရှူနိုင်မကယ်နိုင် ဖြစ်သွားကြသည်။ သူမတို့သည် အမြင်စူးရှကြသူများပီပီ လင်းဝုရှဲ့၏ ရွှေဝိညာဉ်မျှော်စင်မှာ ထူးခြား ကောင်းမွန်လှသည့် ပစ္စည်းတစ်ခုမှန်း သိလိုက်ကြသည်။ ထူးခြားသော ပစ္စည်းတစ်မျိုးဖြစ်ပြီး အရွယ်အစားကိုလည်း လိုအပ်သလို ထိန်းချုပ်နိုင်လေသည်။
မိန်းကလေး ၂ ဦးမဆိုထားနှင့် သခင်ကြီးဘိုင်ပင် ထိုကဲ့သို့ ရတနာကို အများကြီး မြင်ဖူးခဲ့မည် မဟုတ်ပေ။ သို့သော် ဖန်ဇီလင်မှာမူ ပိုင်ဆိုင်ခွင့် ရတော့မည် မဟုတ်ပါလား။ အကျိုးအမြတ်များစွာ ရရှိမည် ဖြစ်သည့်တိုင် ကျေးဇူးတင်စရာ မလိုသလို ဟန်ပင်လုပ်နေသေးသည်။
ထိုကဲ့သို့ ရတနာပစ္စည်းသည် မော်တယ်ကမ္ဘာမှ လူများအဖို့ ဘုရားပေးသော ဆုတစ်ခုလိုပင် ဖြစ်နေပေလိမ့်မည်။
လင်းဝုရှဲ့မှ ဝမ်းနည်းသော လေသံဖြင့် -
“ဟူး . . . ခင်ဗျားကို ဘယ်လိုပြောရမှန်းတောင် မသိတော့ဘူး။ တကယ်ကို ခက်တယ်ဗျာ။ ခင်ဗျား ပြောတာတွေကို ကျုပ်သေချာပေါက် နားလည်ပါတယ်။ ခင်ဗျားက ဒီလို အဆင့်နိမ့် နယ်ပယ်မှာ နေလာခဲ့တဲ့ လူဆိုတော့ အခုလို ပစ္စည်းတွေအကြောင်း သိပ်မသိဘူးပေါ့။ ခင်ဗျားပြောတာလည်း မလွန်ပါဘူးလေ . . .”
ဝမ်အာ၊ ချူးအာနှင့် ရဲရှောင်တို့ စိတ်ရှုပ်ထွေးသွားမိကြသည်။
JE LEEST
မိုးကောင်းကင်အောက်မှကလဲ့စား (အတွဲ ၃) မိုးေကာင္းကင္ေအာက္မွကလဲ့စား
AvontuurMc က ဥာဏ်အရမ်းများပြီး စည်းရုံးသင့်တဲ့လူဆို စည်းရုံးပြီး အပြတ်ရှင်းပစ်သင့်တဲ့ လူဆို အပြတ်ရှင်းပစ်တတ်တဲ့ character ပါ။ (っ˘̩╭╮˘̩)っ လက်တွဲဖော်တစ်ယောက်ထက်ပိုပါတယ်။ မင်းသားကပွေရှုပ်နေတာမျိုးတော့မဟုတ်ပါ။ Mc က ဥာဏ္အရမ္းမ်ားၿပီး စည္း႐ုံးသင့္တဲ့လူဆို စည္း႐...