Chapter (770)(စာစဉ် ၅၅- အပိုင်း၁၂)
“အကျပ်အတည်း”
ရှောင်မူဖေ့၏ မှေးမှိန်နေသော မျက်လုံးများ အရောင် ဝင်းလက်သွား၏။
“နိဂုံးချုပ်ရရင်တော့ ကျုပ်တို့တွေ မြွေဘုရင်ကို သတ် ရမယ်။ မြွေဘုရင်ကို သတ်နိုင်လိုက်တာနဲ့ ကျုပ်တို့အားလုံး ရှင်သန်ခွင့် ရသွားလိမ့်မယ် . . .”
ရဲရှောင်မှ သူ၏ စကားကို အဆုံးသတ်လိုက်သည်။
“သိပ်ဟုတ်တာပေါ့ . . .”
ရှောင်မူဖေ့မှ ထိုသို့ ပြောလိုက်ပြီးနောက် ရွှေရောင် အလင်းတန်း လာရာ လမ်းကြောင်းဆီသို့ သတ်ဖြတ်လို သော ချီဓာတ်များဖြင့် ပြည့်နှက်နေသော မျက်လုံးများဖြင့် လှမ်း၍ ကြည့်လိုက်၏။
“ဒီကိစ္စကို ငါကိုယ်တိုင် လုပ်ရမှာပဲ . . .”
ရှောင်မူဖေ့မှ တခဏမျှ စဉ်းစားလိုက်ပြီးနောက် သက် ပြင်းချရင်း ပြောလိုက်၏။
ရဲရှောင် ခေါင်းညိတ်လျက် -
“မြွေဘုရင်က သာမန်မဟုတ်ဘူး . . .”
“ဆရာကြီးရှောင် သေချာ ဂရုစိုက်လုပ်ပါ . . .”
ယခု ရှိနေကြသည့် လူများအားလုံးထဲတွင် ရှောင်မူဖေ့ ထံ၌သာ မြွေဘုရင်ကို သတ်ဖြတ်နိုင်သည့် အစွမ်းမျိုး ရှိနေ ၏။
အခြားလူများဆိုလျှင် ကိုယ့်သေတွင်းကိုယ် တူးသလို ပင် ဖြစ်နေပေလိမ့်မည်။
အားဟူမှာ ရဲရှောင်၏ ခြေထောက်နားတွင် မျက်လုံး များ မှေးစင်းလျက် လဲလျောင်းနေပြီး ရှောင်မူဖေ့အား လှမ်းကြည့်နေလျက် ရှိသည်။
(သူက မြွေဘုရင်ကို သွားသတ်တော့မှာလား . . .)
“အားလုံးစုကြဟေ့ . . .”
ရှောင်မူဖေ့မှ အော်ဟစ်၍ အမိန့်ပေးလိုက်၏။
“အားလုံး ခံစစ်ကို သေချာထိန်းထားကြ။ မြွေတွေက ဆက်တိုက်ကို တိုက်ခိုက်နေကြမှာပဲ။ ငါမြွေဘုရင်ဆီ သွားပြီး မကြာခင် ပြန်လာခဲ့မယ် . . .”
ထိုသို့ ပြောပြီးနောက် ကောင်းကင်ပေါ်သို့ ခုန်တက် လိုက်၏။
YOU ARE READING
မိုးကောင်းကင်အောက်မှကလဲ့စား (အတွဲ ၃) မိုးေကာင္းကင္ေအာက္မွကလဲ့စား
AdventureMc က ဥာဏ်အရမ်းများပြီး စည်းရုံးသင့်တဲ့လူဆို စည်းရုံးပြီး အပြတ်ရှင်းပစ်သင့်တဲ့ လူဆို အပြတ်ရှင်းပစ်တတ်တဲ့ character ပါ။ (っ˘̩╭╮˘̩)っ လက်တွဲဖော်တစ်ယောက်ထက်ပိုပါတယ်။ မင်းသားကပွေရှုပ်နေတာမျိုးတော့မဟုတ်ပါ။ Mc က ဥာဏ္အရမ္းမ်ားၿပီး စည္း႐ုံးသင့္တဲ့လူဆို စည္း႐...