السلام عليكم ورحمة الله وبركاته
صديقاتي متابعاتي الغاليات الطعمات 🥰
ازيكم أن شاء الله تكونوا بخير يارب 🤲
"قبل أي كلام و رغي الفصل 53 من رواية في العشق والهوي هينزل الليلة بأمر الله هو دلوقتي بيدقق"
كلمتين من فضلكم حبيت انزلهم قبل الفصل :
أولا : متشكرة جدا جدا جدا على المتابعة الغالية الجميلة والمهذبة من كل صديقة محترمة مهذبة
بتابع رواياتي المتواضعة جدا الف شكر لكم 🥀❤️
ثانيا : لكل متابعة لرواياتي وعندها اي إعتراض على
اي حاجه تتفضل تقولها بكل راحه وهرد عليها بكل إحترام والله العظيم أنا بقبل النقد ومش مغرورة و
لا شايفه نفسي ولا هانم ولا شايفة نفسي كاتبة ليها
وزنها وكل الكلام ده اللي مالوش داعي بالمرة...
أختكم في الله كاتبة على قدها بتكتب بالي بتقدر عليه اللي عايز تتابع و تنتقد بكل إحترام اهلا وسهلا بيها فوق راسي والله وشكرا على ذوقك واحترامك
اما بقا الأخت اللي دخله تنتقد بشتيمة و قلة ذوق و
انتي كاتبة مش ملتزمة ايه القرف ده
احنا شغالين عندك
ديه مش بتعرف تكتب
ديه مملة و رواياتها مملة..... و الخ
في كلام كتير والله بيتقال ويتبعت ان بوكس
يبقى تتفضل تريح دماغها مني ومن قرفي وتعمل بلوك للحساب بكل هدوء من غير ما تضايق نفسها ولا تضايق غيرها و تتفضل تتابع كاتبات تانيين بسم الله ماشاء الله أحسن مني الف مرة موجودين في الساحة ومنتظمات جدا واسلوبهم رائع وتسبها مني ومن مللي من غير غلط وقلة قيمة.
علشان أنا في حياتي أولويات اهم بكتير من الكتابة زي اي صديقة فيكم عندها أولويات أكيد في حياتها أهم من القراءة.
اسفه لو طولت عليكم انا حبيت بس اعلق على شوية مقتطفات من اللي بيحصل ورا الكواليس 😁
شكرا لكم و انتظروا الفصل ان شاء الله 😍
سلام 🤗
YOU ARE READING
في العشق والهوي
Mystery / Thrillerرواية/ غير مكتملة سلسلة عن العشق والهوي.. الجزء الثالت.. "إن القلوب رغم البعد تتصل" الرواية حصلت قبل اكتملها علي اكثر من 3 مليون مشاهدة قبل حذفها من الحساب الآخر..
