في العشق والهوي

أقتباس بقلبي رحيق لقائنا

هزت ماجي رأسها وقد استغربت برودة اعصابه فقالت وهي تحرك خاتمها الألماس حول اصبعها:
_ لا عارفها كويس بس مابقيتش عارفاك أنت حاسه انك
متغير بعد موت آتينا ولا أنا غلطانه.
حك حسام جبهته بتوتر وهو يتنهد بضيق و قام من مكانه ليجلس بجانب ماجي الذي بدا على ملامحها الغضب و القلق الشديدان.. امسك كفيها و اخذ يقبلهم بحب:
_ انا ميهمنيش حد في الدنيا غيرك انتي وبس لا ناديا ولا اتينا ولا اي وحده انا بحبك يا ماجي و عايز ابقى معاكي، بعمل كل حاجه عشانك بنفذ كل اللي بتطلبيه مني من غير ما فكر، ليه مش عايزه تنفذي ليا طلب صغير بتطلبه منك.
تبسمت ماجي و سحبت كفها من بين يديه لتملس فوق خده برفق و كأنها تتعامل مع طفل صغير تراضيه لتقل بعيون تلمع بالمكر:
_ انا كمان بحبك، بس حب من نوع تاني، حب مصالح متبادلة ماينفعش فيه لا جواز ولا ارتباط علني قدام الناس لأنه غلط عليك و عليا.
هدر حسام من بين أسنانه:
_ آآآه قولي كده حب مصالح يعني عشان مصلحتك و...
قاطعته ماجي بحدة رغم هدوء صوتها:
_ و مصلحتك أنت كمان، حسامي انت ناسيت انت كنت فين و بيقت فين؟ كنت بتستني أنت و امك الكام قرش اللي بيرميهم رشوان كل شهر ليكم، كنت عايز تركب عربية أحدث موديل و تلف العالم و يبقى عندك فيلا و رصيد في البنك كل ده اتحقق معايا أنا.
دمدم حسام بتوتر وهو يقترب منها ويهمس:
_ انا قتلت خالي عشانك.
حركت ماجي كتفيها بلا مبالاة و تراجعت للخلف بأسترخاء وهي تستمتع بنظراته الجائعة لبشرة كتفها الذي أنزلق الفستان عنه لتمرر اصبعها فوق خده:
_ و إيه يعني هو أصلا كده كده كان هيموت و جوده كان أكبر عائق ليا و ليك.
رفع حاجب شيطاني واحد وهمس ببطء:
_ انا خنقته بيدي ديه عشانك، عشان ابقى معاكي انتي و نتجوز مش عشان اتجوز بتك.
هزت رأسها وهي تلوح بيديها مبرره:
_ ومين قالك إننا مش هنبقى مع بعض جوازك من ناديا هيكون جواز سوري على الورق بس.
صمت متلجلجا لا يعلم كيف يتعامل معاها و كيف يشرح لها بأنه يحبها هي.. يريدها هي:
_ ليه؟ ليه؟ مش فاهم، بتعملي كده ليه؟
جذبته ماجي من قميصه و انقضت على شفتيه تقبله بجنون ثم تركته وقالت بأنفاس ملتهبة وهي تنزع عنه قميصه:
_ علشان جوازنا هيخلي العيون تبقى عليك و عليا كل
العايلة و الناس هتتكلم و اولهم بناتي و خصوصا مى، وقتها هتعرف مين الراجل اللي كان معايا و شافته من ظهره.

الفصل الليلة ان شاء الله 😍
توقعاتكم ايه لنهاية حسام و ماجي؟