في العشق والهوي

🌹الفصل السادس والثلاثون🌹

*ان الخطيئة لا تولد معنا ، ولكن المجتمع يدفعنا اليها...
"" "" "" "" "" "" "" "" "" "" ""
*برطمت ملك من تحت أنفاسها وهي تقول لورد التي انتهت من كتابة وظائف الروضة:
"روحي بسرعة حفظي اختك من 1 لحد 10 عشان بعد كده تتفرجوا علي فيلم كرتون"
*هزت ورد كتفها قائله برقة
"هتقول لاه وتجري مني"
*ضحكت نادرة وجذبت وردتها الناعمة من يدها لتنهال عليها بالقبلات ،،، بينما قالت ملك بصوت مسموع وصل
بوضوح إلى مودة التى تتسطح فوق بطنها بمنتصف غرفتهم وتقوم بتلوين:
"بابي هيتصل كمان شوية فيديو كول وهقوله مين سمع كلام مامي ومين كان نوتي"
*انتبهت مودة وهرولت بحماس كعاصفة هوجاء من الشعر الاحمر الملولو نحو أمها تهتف:
"وده مش نوتي وده اسمع كلام"
*كتمت نادرة ضحكتها من تلك الصغيرة الشقية التي تعشقها وهتفت من بين شفتيها:
"طبعا طبعا أنتي ست العاقلين"
"اووووي مش قادره اوصفلك العقل"
*تدخلت ملك وهي تحمل جلال الذي يناغي ويضحك بين ذراعيها واستكملت وهي تمسك يد ابنتها وتضعها بكف ورد شقيقتها الكبري:
"سمعتي قولت إيه ولا اقول تاني؟"
*هزت مودة رأسها بنفي لتتراقص خصلات شعرها خلفها وهمست مبتسمة
"لا مسمعش حاجه"
*ضيقت ملك عينيها تقل
"كنت متأكده ورد هتحفظك
1 2 3 لحد 10 وبعدين تتفرجوا علي فيلم كرتون واعملكم كمان بوب كورن بس اسمعي كلام اختك تمام"
"ماثي"
هتفت الصغيرة وركضت و ورد تهرول خلفها وتهتف عليها لتتوقف...
*هتفت ملك بتعب
"أنا كل يوم في وجع القلب ده خدي جلال لحد ما اقوم اعمل قهوة تشربي معايا"
*نهضت نادرة وقالت مبتسمة:
"خليكي انتي انا هعمل تعالي بس اقفى معايا نرغي شوية"
*وأمام الموقد الكهربائي وقفت نادرة تقلب مزيج القهوة
وتنظر إلى شقيقتها التي ترضع صغيرها ويبدو عليها الإرهاق والقلق:
"ملك لازم توقفي رضاعة جلال عشان حملك انتي سمعتي الدكتورة قالتلك إيه اخر مرة"
*زمت ملك شفتيها وراقبت صغيرها الذي يرضع من صدرها بنهم لتقل:
"باخد كل الفيتامينات المتعارف عليها وغير المتعارف
متقلقيش ماينفعش احرمه من حليبي دلوقتي شوفي روحي بيرضع ازاي قلببببببي الصغنن"
*أجابت نادرة بحنق وهي تصب القهوة في فنجان ملك وتضعه أمامها "بس ده هيضعف البيبي في بطنك" ثم
توجهت نحو ماكينة القهوة وصبت لنفسها الأمريكان كوفي وقفزت لتجلس فوق طاولة المطبخ أمام ملك
وقالت مبتسمة:
"مايا عايزه بيبي مش مصدقه انها راحت تتابع مع الدكتوره هي كمان"
*غمزت ملك بشقاوة وهي تجشؤ جلال وتطبطب فوق ظهره برفق:
"غارت وكمان محمد نفسه في بنوته هي قالتلي قبل ما
تخاصمني ،، غبية وعيلة"
*هتفت نادرة بوضوح وبملامح متهجمه:
"هقولك حاجه ومتزعليش مني انا كمان كنت زعلانه منك بس مقدرش اخصمك طبعا زي مايو اللي هتلاقيها بتتصل بيكي كمان شوية انا متأكده"
*زمت ملك شفتيها ثم هتفت بانزعاج هائج وهي تشرب قهوتها:
"أنا اللي مش فاهمه موقفك المتخلف ده انتي وهي ويكون في علمكم ماما زعلت"
*تنهدت نادرة بقنوط وهي تقول بحزن:
"ماما زعلانه عشان خالو طارق وعشان مالك أكتر بس كنتي عايزانا نعمل إيه يعني نحضر كتب كتاب ليلى ونزعل مالك مننا"
*صاحت ملك بهجوم خافت:
"يعني مالك زعلان من ماما وبابا ومني انا وعبدالله لا طبعا ،، عقلكم المتخلف هو اللي بيصورلكم كده،، وكمان انا اتكلمت مع مالك وقولتله اني روحت وقالي كان لازم نعمل كده عشان خالو طارق ونغم"
"أنتم فاكرين إننا مش زعلانين عشان مالك ده انا قلبي مفطور عليه بس هنقول ايه ده نصيب وقدر"
*غمغمت نادرة بسخط وهي تهز ساقيها بتوتر:
"اخويا روحي افديه بقلبي ياترى كان عامل ايه لوحده وهو عارف ان الانسانه الوحيدة اللي حبها هتبقى لغيره
الغبية الحقيرة راحت تتجوز واحد تاني بعد سنه من الطلاق قال إيه مالك هو اللي سابها"
*وارتسمت شبه ابتسامة شاحبة علي ثغر نادرة وهي تكمل بشرود:
"للأسف الحب بيكسر ناس ويقوي ناس يعني مالك واللي حصل معاه و هنا ووس..ليم...."
*نظرت ملك لشقيقتها الشاردة وهي تجاوبها قائله:
"بس في جانب مشرق للحب مش هقولك انا وفارس او مايا ومحمد عندك ماما وبابا بسم الله ماشاء الله أجمل قصة حب وأخلص قصة حب ،، وبعدين بالذات مع سليم وهنا كان لازم الموضوع يفشل لأن سليم خانها كذا مره ولو استمر جوازهم كان هينتهي بكارثة"
*صمتت نادرة وابتعلت ريقها وقالت بنفس الشرود:
"أنتم تعتبروا من الحالات النادرة بس أغلب الناس بيكون فعلا ضحايا الحب"
*مسدت ملك كف نادرة الجميلة وسألتها بهدوء:
"لا كده الموضوع مش مالك وليلي او سليم وهنا في حاجه تانية مستخبية ،، نادو في حد هنا"
*واشارت نحو قلبها وهي تحدق في وجهها المتخصب بدماء حارة ،، لعقت نادرة شفتيها بخجل وهي تنفي بهزة رقيقة من رأسها قبل أن تقل بصوت متلعثم:
"لا بس ......."
*وقطع صوت نادرة جرس الباب الذي دق ليوقفها عن تكملت حديثها فقفزت بخفة تقول:
"أنا هفتح اشوف مين؟ مش عارفه ازاي وانتي لوحدك كده تدي عزة إجازة"
*وانطلقت نادرة نحو الباب وخلفها مودة تهرول كالقطه
وخرجت ملك من المطبخ وهي تجيبها:
"الست عايزه تروح تشوف بيتها وعيالها من حقها يوم اجازة ،، مودة تعالي هنا"
*ونظرت نادرة لشاشة المراقبة الصغيرة التي تلتقطها الكاميرات الخفية وقالت لملك باستغراب:
"ديه وحدة اول مرة اشوفها تعالي شوفي كده"
*واقتربت ملك من شاشة المراقبة وتمعنت النظر للواقفة أمام باب منزلها فبرغم من وجود رجال من الأمن المسئولين عن حماية المجمع السكني الذي يقطنوا به ولكن فارس حرص على وضع نظام أمني دقيق للمراقبة حافظاً علي سلامه أسرته أثناء غيابه:
"ندى ،، ديه ندى فخري ياترى عايزه مني ايه بعد السنين ديه كلها"
*دمدمت ملك باستغراب وهي تنظر لندى الواقفة بتوتر واضح بجانب أحد رجال أمن المجمع:
"افتحي يانادرة خليني اشوف عايزه مني ايه"