[Unicode]
ရန်ရိသည် ကောင်းကောင်းအပန်းဖြေရန် စီစဉ်ထားသဖြင့် ခွင့်ရက်တို သုံးရက်ယူလိုက်သည်။
အိမ်သို့ ပြန်ရောက်သောအခါ၊ မီးတပ်တပ်ဖွဲ့၏ နေ့စဉ်ဝတ် ဝတ်စုံကို အရင်ချွတ်လိုက်ပြီး၊ Cowboy T-shirt နှင့်လဲဝတ်လိုက်သည်။ Supermarket ဆီသို့ ကားမောင်းသွားပြီး၊ သူ့အဖေ ကြိုက်တတ်သည့်စားစရာများနှင့် နေ့စဉ်သုံးပစ္စည်းများကိုပါ တစ်ပါတည်း ဝယ်ယူခဲ့လိုက်သည်။
ပြန်လာသည့်လမ်းတွင် ယာဉ်ကြောပိတ်ဆို့မှု အနည်းငယ်ဖြစ်သဖြင့်၊ တစ်ဖက်က ကားကို ရှေ့သို့ တစ်ရွေ့ရွေ့မောင်းရင်း၊ တစ်ဖက်က ဖုန်းခေါ်လေသည်။
ဖုန်းသည် အကြာကြီးမြည်ပြီးမှ ဝင်သွားခဲ့သည်၊ တစ်ဖက်မှ အိပ်ချင်မူးတူးလေသံဖြင့် ပြန်ထူးလာသည်။
" Hello. "
ရန်ရိသည် ရယ်လျက် :
" သောက်တာ များသွားပြန်ပြီလား？"
" အာ......ဘယ်နှနာရီရှိပြီလဲ......"
ထိုဘက်မှ စကားပြောသံမှာ ရပ်သွားပြီး၊
" ဒီလောက် မနက်အစောကြီး သူများကို ဖုန်းဆက်တဲ့လူ ဘယ်မှာရှိလို့လဲဟ။ "
လေယူလေသိမ်းမှာ အလိုလိုက်ခံရသည့်ကလေးတစ်ယောက် စိတ်ကောက်ဆိုးသွမ်းနေသကဲ့သို့ပင်။
" ဆယ်နာရီဖြင့် ထိုးတော့မယ် မနက်အစောကြီးလုပ်နေသေးတယ်။ "
" ငါ့ကို မင်းလိုများ မှတ်နေတာလား၊ နေ့တိုင်း မနက်ခြောက်နာရီဆို training ဆင်းရတာ။ "
ကုတင်ပေါ်တွင် ဟိုလှိမ့်ဒီလှိမ့်လုပ်နေသဖြင့် မွေ့ယာအိပ်ရာခင်းရှပ်တိုက်သံများမှာ ဖုန်းထဲသို့ ဝင်လာခဲ့သည်၊။
" ဘာဖြစ်လို့ ရုတ်တရက်ကြီး ငါ့ဆီ ဖုန်းဆက်ရတာလဲ၊ ငါ့လွမ်းလို့လား？"
" အင်း၊ မင်းကို လွမ်းလို့၊ ထျန်းချီမှာလား ？"
" တိုက်ဆိုင်လိုက်တာ၊ ငါလည်း ခုနကမှ ရိုက်ကူးရေးပြီးလို့ ပြန်လာတာ။ "
ရန်ရိသည် ရယ်လျက် ：
" မနက်ဖြန် မင်းကို ဝယ်တိုက်မယ် ဘယ်လိုလဲ ？"
DU LÄSER
Fight The Fire 《火焰戎装》Myanmar Translation
Allmän skönlitteraturOriginal Author : 水千丞 (Shui Qian Cheng) Myanmar Translation of Fight the Fire 《火焰戎装》 196 Chapters + 4 Extras Disclaimer : I don't own this story and any picture that I used in this story. All credits go to author 水千丞 and original artists. I transla...
