[Unicode]
" လဲပြီး......မီးရှို့တာ ？"
ရန်ရိ၏မျက်နှာမှာ မယုံကြည်နိုင်သည့်ပုံပင်။
" လူလဲပြီးသတ်တယ်ဆိုတာက၊ နှစ်ယောက်က သေချာချိန်းချက်ပြီးတော့ တစ်ဖက်လူကသတ်ချင်တဲ့လူနဲ့အလဲအလှယ်လုပ်ပြီးသတ်လိုက်တာကိုပြောတာ။ ဒီလိုဆို၊ တစ်အချက်အနေနဲ့ဆိုရင် အခင်းနေရာမှာမရှိကြောင်းကို သေသေသပ်သပ်နဲ့သက်သေပြလိုက်သလိုဖြစ်သွားမယ်၊ နှစ်အချက်အနေနဲ့ဆို ပြစ်မှုကျူးလွန်ရတဲ့အကြောင်းအရင်းကို ရဲတွေက စုံစမ်းရနိုင်ဖို့အရမ်းခက်သွားမယ်။ "
ကုံးရင့်ရှန်သည် ထန်ဟောက်ချွန်ကို ကြည့်ရင်း၊
" မင်း ဆွေးနွေးပွဲမှာရှာတွေတဲ့ post က ပြည်တွင်းကလား ？"
ထန်ဟောက်ချွန်သည် ခေါင်းတငြိမ့်ငြိမ့်ညိတ်ပြီး၊ တခြား web page ကို ဖွင့်လိုက်သည် :
" ဒီဟာပဲ။ အင်္ဂလိပ်လိုဆိုပေမဲ့၊ ဒါပေမဲ့ post ရဲ့ caption မှာတော့ နေရာကိုရှင်းအောင်ရေးထားတတ်ကြတယ်။ ဒီမှာရေးထားနေရာက ထျန်းချီပဲ။ "
" လွန်ခဲ့တဲ့သုံးကလဟာပဲ။ "
ရန်ရိသည် နေ့စွဲ့ကိုကြည့်ရင်း၊
" ဒီလိုပဲလား ？အများစုက မြို့ကိုပဲရေးကြတယ်၊ တခြားဘာမှလည်းမရှိဘူး ？"
" သူတို့က အချက်လက်အများကြီးမဖော်ပြရဲကြဘူး။ နေရာကို ရေးလိုက်တယ်၊ ဆန္ဒရှိတဲ့လူက လာချိတ်ပြီးတော့၊ post ပိုင်ရှင်ကို pravite message နဲ့ဆက်သွယ်လိမ့်မယ်။ "
" သူတို့က ဥပဒေဘက်တော်သားတွေ ငါးစာချမှာကို မစိုးရိမ်ကြဘူးလား ？"
" ကျွန်တော် သူတို့ထဲကလူတစ်ယောက်နဲ့ pravite message ပို့ဖူးတယ်။ သူက ကျွန်တော့်ကို မေးခွန်းအများကြီးမေးတယ်။ မီးအပေါ်ခံစားချက်၊ ဘာလို့ ဒီကိစ္စကိုလုပ်ရမှာလဲ၊ ဒီ website က ဘယ်သုံးစွဲမှုမှတ်တမ်းတို့၊ ကိုယ်က ရဲမဟုတ်ကြောင်းကို ဘယ်လိုသက်သေပြမလဲဆိုတာတွေကို ကျွန်တော်နဲ့အပြန်အလှန်ပြောခဲ့တယ်။ အဲ့တာအပြင် ကျွန်တော့် ID card ကိုတောင်မှ ပြစေချင်နေသေးတယ်ဆိုတော့၊ သေချာပေါက် ကျွန်တော်က သူ့ကို အဖက်မလုပ်တော့ဘူးပေါ့။ အဲ့တာနဲ့ သူလည်း ကျွန်တော့်ကို အဖက်မလုပ်တော့ဘူး။ "
YOU ARE READING
Fight The Fire 《火焰戎装》Myanmar Translation
General FictionOriginal Author : 水千丞 (Shui Qian Cheng) Myanmar Translation of Fight the Fire 《火焰戎装》 196 Chapters + 4 Extras Disclaimer : I don't own this story and any picture that I used in this story. All credits go to author 水千丞 and original artists. I transla...
