[Unicode]
သူတို့သည် ပင်လယ်နေသတ္တဝါတို့၏ documentary ရုပ်ရှင်ကို အတူတူကြည့်ခဲ့ကြသည်။ အဖျားကျဆေးသောက်ထားသည့်ရန်ရိမှာ ကြည့်နေရင်းတစ်ဝက်တွင် ဆိုဖာပေါ်၌ အိပ်ပျော်သွားလေသည်။ ကုံးရင့်ရှန်သည် သူ့အား မိမိ၏ရင်ခွင်ထဲသို့ တိတ်တိတ်လေးဆွဲသွင်းလိုက်ပြီး၊ သူ့၏ခေါင်းအား မိမိ၏ပခုံးပေါ်တွင် မှီထားစေခဲ့လိုက်သည်။
ထိုလေးလေး,လေးဖြစ်နေသည့်အလေးချိန်သည် ကုံးရင့်ရှန်အား အလွန်ကျေနပ်နှစ်သက်စေပေသည်။
ရုပ်ရှင်ပြီးသွားတာတောင်မှ ရန်ရိတစ်ယောက် မနိုးသေးပေ။ ကုံးရင့်ရှန်သည် သူ့အား သတိကြီးစွာထား၍ပွေ့လိုက်ပြီး၊ သူ့အား အခန်းသို့ပြန်ပို့ပေးလိုက်သည်။
ဤတစ်ခေါက်တွင် ရန်ရိနိုးသွားလေပြီ။ ကုံးရင့်ရှန်က သူ့အား စောင်ခြုံပေးနေသည်ကိုကြည့်နေခဲ့သည်။ သူ တစ်ချက်သန်းလိုက်ပြီး အိပ်ချင်မူးတူးနှင့်ပြောလိုက်သည် ：
“ ဘယ်တုန်းက အိပ်ပျော်သွားတာလဲ။ ”
“ မင်းသောက်တဲ့ဆေးမှာ နှစ်နှစ်ခြိုက်အိပ်ပျော်စေတဲ့ပါဝင်ပစ္စည်းပါတယ်။ ”
“ ဒီငါမန်းလေးက နောက်ဆုံးမှာ သေသွားလား။ ”
“ မသေဘူး၊ ကြီးလာပြီး ငါးမန်းကြီးဖြစ်သွားတယ်။ ”
ရန်ရိ ရယ်လိုက်ပြီး ：
“ မင် ဘာလို့ ငါ့မနှိုးရတာလဲ။ ”
“ မင်း ကောင်းကောင်းအနားယူသင့်တယ်။ ”
ကုံးရင့်ရှန်သည် ရန်ရိကိုကြည့်နေခဲ့သည်။ တစ်ခုခုပြောဖို့ရန် တွန့်ဆုတ်နေသည့်ပုံပင်။
“ ဘာဖြစ်လို့လဲ ？”
“ ငါ ဌာနခွဲကိုပြန်သွားရမယ်။ ”
ကုံးရင့်ရှန် အနည်းငယ်အခက်တွေ့စွာဖြင့်ပြောလေသည်။
“ ကိစ္စတွေအများကြီးက ငါဖြေရှင်းတာကိုစောင့်နေကြတာ။ ဒါပေမဲ့ ညဖက်ကျရင် ငါပြန်လာခဲ့မယ် ဒါမှမဟုတ် မနက်ဖြန်မနက်။ ”
CZYTASZ
Fight The Fire 《火焰戎装》Myanmar Translation
General FictionOriginal Author : 水千丞 (Shui Qian Cheng) Myanmar Translation of Fight the Fire 《火焰戎装》 196 Chapters + 4 Extras Disclaimer : I don't own this story and any picture that I used in this story. All credits go to author 水千丞 and original artists. I transla...
