ثأر (قيد التعديل)

مقدمة

عندما يسلُبُك عديمي القلوب كل ما تملك في الحياة، عندما يقضون علىَ برائتك، ويُفرقوك عمَن يتربعون بداخل قلبك، عندما يجردوك من الإنسانية، وعندما تكتشف أن عمرك كله بجميع مبادئهُ، وأخلاقياته التي علموك إياها مجرد خديعة، فيجب أن تثأر.

_______________________________________________

السلام عليكم ورحمة الله وبركاته

اخباركم ايه, دي فكرة جديدة لقصة جديدة, ولأول مرة في الحياة هكتب فانفيكشن, ولأخرة مرة في الحقيقة, لأني بكره فكرة الكتابة عن المشاهير, لكن بصراحة فكرتي دي مش هتليق غير على نايل هوران, وهو البطل التاني للرواية, والبطلة الأولىَ هي بنت مش معروفة, هسيبها لخيالكم كالعادة .

كذا سبب خلوني افكر اكتب الفانفيكشن دي

1- ان مافيش غير قصص تتعد على الصوابع لنايل حلوة على الوتباد

2- علشان انا زهقت من شخصية نايل اللي في معظم القصص, اللي هو الواد اللي بياكل دايما, وكيوت دايما, وعامل زي الملايكة, على رأي ياسمين, واد ملزق ههههههه, علشان كدة قررت اعمله شخصية مختلفة تماما عن الشخصية المشهورة ليه في الوتباد .

3- السبب التالت ان نايل الوحيد اللي يليق على شخصية البطل, من وجهة نظري, واتمنى انتوا كمان تقتنعوا بيه في الشخصية دي, زي ما انا مقتنعة بيه .

..

بس, بالنسبة بقى للرواية فأنا هنزل أول بارت دلوقتي, وتاني بارت ممكن ينزل اخر الشهر ان شاء الله, او بعد 3 اسابيع, لأني لسة بكتب فيها, ومكتبتش غير بارتين تقريباً, علشان كدة عايزة قبل ما انزل البارت التاني اكتب كذا بارت علشان اقدر انزلهم بسرعة ومتملوش من الرواية .

..

بالنسبة لرواية الالفا فالأفكار فيها متوقفة للاسف الفترة دي, فقولت ابدأ في كتابة رواية " ثأر", يمكن اتحمس وتجيني افكار في رواية الالفا, يعني انا متخلتش عنها, بس اول ماتجيني افكار فيها هكتبها على طول ان شاء الله .

..

اسفة, رغيت كتير, اتمنى ان الرواية الجديدة, والفكرة تعجبكم, واتمنى اني اقدر اكملها للأخر ان شاء الله, و بالشكل اللي انا عيزاه .

ياريت تقولولي ايه رأيكوا في الغلاف, والأسم .

وشكراً جداً ليكوا .