Red Strings of Fate (Haunted Series 2)

Strings 6: Roadtrip

Nagising ako nang maramdaman ang lamig ng hinihigaan ko, I opened my eyes and immediately faced a blue slipper in front of me. I blinked. Bakit ako nakahiga sa lapag? Napaikot ako ng tingin at may nakitang patay na ipis sa ilalim ng kama kaya mabilis akong napaupo.

That resulted. Me. Hitting. The. Damn. Side. Table. 

Putangina ang sakit!

Napahimas ako ng noo na para nang bibiyak at inikot ang paningin sa sala, hindi ko na alam kung anong nangyari at nandito na ako sa sahig natulog. 

Tumingin ako sa kaliwa at mahinang napahagikhik nang makita si Rossana, malapit na siyang mahulog dahil nakadapa siya sa kama at kalahati lang ng katawan niya ang nasa higaan, nakabukas pa ang bibig niya kaya may magical water na lumalabas mula rito. Kinuhanan ko siya ng picture at ngumisi ako, for blackmail.

Gusto kong tumawa pero putangina ang sakit ng ulo ko sa pagkabangga sa lamesa. Pagkatayo ko, nakita ko si Lorraine sa kabilang banda na naka fetus position habang yakap niya ang mahabang unan ni Marianne.

Speaking of Marianne nasaan na 'yun? Naglakad ako sa kabilang side ng sofabed at 'di ko na mapigilang humagikgik nang makita siyang nasa lapag habang nakasabit ang isang paa niya sa higaan. Napailing nalang ako at kumuha ng kumot para itabon sa kanya.

Napansin kong malinis na uli ang condo ni Riri na parang walang nangyari kagabi, and I know it's because of our very own Nanay Ellena na kasalukuyang nasa kusina at nagluluto ng fried rice—ang naging sanhi ng pagkagising ko. 

Pumunta ako sa gilid niya, "Bango ah. Nagising ako sa amoy."

Ngumiti lang siya at dumiretso ako sa ref para kumuha ng tubig. I was still drinking my water nang dumating si Rossana habang hinihimas ang gilid niya. Humarap sa kanya si Ellena na hawak pa ang sandok, "Anong nangyari sayo?" 

"Nahulog ako sa kama." I choked when I heard that, hindi na ako makatigil sa kakatawa dahil naalala ko ang posisyon niya kanina.

"Kadiri Scar, yung tubig." I snickered after hearing El at natatawa parin habang napapailing na kinuha ang basahan. "Tulungan mo nalang nga akong maglagay ng pinggan Rossana."

Sumunod rin si Rossana sa utos ng ate niya, kaya tumulong narin ako, "Yes ma'am." 

Naghahain na si Ellena at nakaupo na kaming dalawa ng kapatid niya nang dumating si Lorraine. She looked hella bothered while biting her nails and holding Marianne's cellphone on her other hand, "Guys."

Napatingin kami sa kanya at kumunot agad ang noo ko. "Bakit?"

"Okay. I didn't mean to do it but I did it anyway. I was just so pissed and curious so I-I." She rambled. That's what she does when she's nervous.

I snapped my fingers in front of her para pigilan siya, "Lorrs."

Natulala siya, "Huh?"

"Anong nangyari?" Pinanlakihan ko siya ng mata, hindi na siya mapupunta sa punto pag ganito eh.

Huminga siya ng malalim, "Okay, honestly I just wanted to check the time but I saw the opportunity." Hinarap niya samin ang phone na nakabukas sa isang message. 

bitch: Danny where are you? Why are you not replying?

Nanlaki ang mata ko. Kaninang madaling araw, kwinento sa'min ni Marianne ang ginawa niya. She apparently got hold of the other woman's number and she's pretending to be Danny to catch the two of them. 

Napatingin ako kay Lorraine at hindi siya makapaniwalang tiningnan nang marealize ang ginawa niya. "I couldn't stop myself, so... I texted her."

"Anong sinabi mo?" Tanong ni El at nag-scroll down sa mga message.