💌 Part - 65 💌
---------------
"ထည့်စားနော် သမီး ဘာမှအားမနာနဲ့"
"ဟုတ်"
"ငါ့တူတို့ရော"
"ဟုတ်ကဲ့ဗျ"
ပျော်ရွှင်နေသောဦးလေးကိုကြည့်ပြီး သူက စိတ်ပေါ့ပါးသလိုပြုံးနေခဲ့၍ မိုးမြေစိတ်ချမ်းသာနေမိကာ သူ့ထမင်းပန်းကန်ထဲကို ပုစွန်သုပ်တွေ ဦးချလိုက်သည်။
ထိုအခါ သူ့အကြည့်တွေက မိုးမြေဆီရောက်လာပြီး မိုးမြေပါးတစ်ဖက်ကို ဖွဖွလေးဆွဲလိမ်ကာ...
"Babyလည်းစားလေ"
"စားပါတယ် နင်ကဘာလို့ ဦးလေးကိုလိုက်ကြည့်နေတာလဲ"
"ပြန်တွေးကြည့်နေမိတာ မင်းရော၊ မိုးသားရော မင်းအဖေက ခဏခဏဟင်းချက်ကျွေးတယ်နော် အဲ့ဒီတုန်းကတော့ အမှုမဲ့အမှတ်မဲ့ပေမယ့် တကယ်တမ်း အဖေတစ်ယောက်က ဂရုတစိုက်နဲ့ ချက်ပြုတ်ကျွေးမွေးတယ်ဆိုတာ သိပ်ကျေနပ်စရာကောင်းသလိုပဲ"
မိုးမြေ သူ့ကိုသနားသွားမိကာ သူဟာအဖေတစ်ယောက်ရဲ့နွေးထွေးခြင်းကို ဘယ်လောက်လိုလားနေသလဲ ဆိုသည့် အတွေးလေးဝင်လာမိသည်။
ကိုကြီးကလည်း သူ့အပေါ် သိပ်ဂရုမစိုက်ဘဲ စာကိုသာလုပ်ခဲ့သည်ဟုဆိုခဲ့ဖူးသလို သူတို့အမေကလည်း မိုးမြေသိရသလောက်ဆို Shoppingထွက်လိုက်၊ Spaသွားလိုက်ဖြင့် သားတွေအပေါ်မှာလည်း နွေးထွေးယုယမှုသိပ်မရှိ။
ခစားအပေါ် သိပ်ချစ်ပေမယ့်လည်း အမေတစ်ယောက်လို ယုယုယယပိုက်ထွေးနေခဲ့တာမျိုးလည်းမဟုတ်၍ သူဟာ မေတ္တာပေါင်းစုံ ငတ်ခဲ့ဖူးသူသာဖြစ်သည်။
"အဖေလို့ခေါ်ကြည့်ပါ့လား"
"ဟမ်!"
"အဖေမှန်း သားမှန်းလည်းသိနေကြတာပဲမှလား ပြီးတော့ နင့်အတွက် ဦးလေးက သူကိုယ်တိုင် သေသေချာချာချက်ပြုတ်ပေးထားတာ အဖေလို့ခေါ်ပြီး ဒီနေ့လေးကိုအမှတ်ရအောင် လုပ်ပေးလိုက်ပါလား"
"ဒါပေမယ့် ဦးလေးဆိုတာက နှုတ်ကျိုးနေပြီ"
"ခေါ်လိုက်ပါ.. သူလည်း ကြားချင်ရှာမှာပါ ခစားရယ် နော်!"
မိုးမြေ၏တိုက်တွန်းစကားကြောင့် သူက စိတ်လှုပ်ရှားသွားပုံဖြင့် ဦးလေးကိုတစ်ချက်လှမ်းကြည့်ကာ လည်ဂုတ်ကိုတစ်ချက်ပွတ်ကာ ထိုင်ရာမှထသွားလေသည်။
ကိုတိမ်တိုက်တို့ဆီက ဘာလဲဟု စူးစမ်းသောအကြည့်တွေကို သူ့ဆီသာ မေးဆတ်ပြလိုက်ရင်း သူတို့သားအဖ ဘယ်လိုဖြစ်သွားမလဲဟု စောင့်ကြည့်မိသည်။
ဦးလေးက Apronဝတ်ထားပြီး Kitchenအတွင်းမှာ ဟင်းတစ်ပွဲကိုပန်းကန်ထဲထည့်ပေးနေကာ ခစားက ဦးလေးအနားမှာရပ်ပြီး ခေါင်းကုတ်နေလေသည်။
YOU ARE READING
မိုးမြေခစား
Romance"ငါတို့အားလုံးက ကိုယ့်အမှန်တရားနဲ့ကိုယ်၊ ကိုယ်မှန်တယ်ထင်တဲ့လမ်းပေါ်မှာ ကိုယ် ရှိနေကြတာ အဲဲ့ဒါက တခြားသူတွေရဲ့အမှန်တရားထဲမှာ ဗီလိန်ဖြစ်ချင်ဖြစ်နေမှာပေါ့... မင်းမှတ်ထား.. မင်းဘယ်လိုပဲနေနေ ဘာတွေပဲလုပ်နေနေ တခြားသူတစ်ယောက်ယောက်ရဲ့အမှန်တရားထဲမှာတော့ မင်...
