💌 Part - 47 💌
---------------
ချွင်!
ခစား၏ဖုန်းဆီမှ မက်ဆေ့ဝင်သံကြားလိုက်ရ၍ မိုးမြေမျက်လုံးက ဖုန်းဆီကိုအလိုလိုရောက်သွားကာ ဘေးမှာအိပ်နေသောသူ့ကိုတစ်ချက်ကြည့်မိသည်။
အမြဲလိုလိုချောမွေ့နေတတ်သော သူ့မျက်နှာဟာ တကူးတကပြုပြင်ထားတာမျိုးမရှိပါဘဲ အစက်အပျောက်မရှိအောင် ချောမွေ့နေသည်။
မိုးမြေ သဘောအကျဆုံးက ဗရုတ်သုတ်ခတွေပြောတတ်သော သူ့နှုတ်ခမ်းတွေဖြစ်ပြီး ထိုနှုတ်ခမ်းတွေဟာ ယောကျာ်းတန်မဲ့ နီမြန်းပါးလှပ်နေတတ်၏။
ထိုကလေးဆိုးကြီးအကြောင်း သေသေချာချာသိနေပြီမို့ သူဘယ်လိုပဲဆိုးနေနေ မိုးမြေ သူ့ကိုအရမ်းချစ်ပါသည်။
ချွင်!
နောက်ထပ်မက်ဆေ့သံကြားတော့ မိုးမြေ မနေနိုင်တော့ဘဲ ဖုန်းကိုလှမ်းယူကာခိုးဖွင့်ရင်း ဒါဟာခစားမသိအောင် ပထမဆုံးခိုးကြောင်ခိုးဝှက်လုပ်မိခြင်းမို့ ရင်တွေတုန်နေမိသည်။
သူ့ဖုန်းမှာ မိုးမြေရဲ့Fingerprintထည့်ထား၍ အလွယ်တကူဖွင့်လို့ရသွားပြီး မက်ဆေ့Notiလေးကို ဖွင့်ကြည့်လိုက်မိသည်။
"စနေနေ့ည ၈နာရီခွဲ လေယာဥ်ကွင်းဟောင်း"
"လေယာဥ်ကွင်းဟောင်း"
မိုးမြေရင်ထဲထိတ်ခနဲဖြစ်သွားကာ လေယာဥ်ကွင်းဟောင်းဆိုတာ မိုးမြေသိသောလေယာဥ်ကွင်းဟောင်းများဖြစ်နေမလား..
သူပြောဖူးသည့်အာဆီယံကွင်းဆိုတာက အရင်ကလေယာဥ်ကွင်းဟောင်းပဲမို့ ထိုနေရာသည် လေယာဥ်ကွင်းဟောင်းဖြစ်ဖြစ်၊ အာဆီယံကွင်းပဲဖြစ်ဖြစ် ကားပြိုင်မောင်းသောနေရာသာဖြစ်၏။
ဖုန်းကိုပြန်ချထားလိုက်ပြီး သူ့မျက်နှာကိုထပ်ငုံ့ကြည့်မိတော့ အသက်ရှူသံသဲ့သဲ့ဖြင့် အိပ်ပျော်နေဆဲ သူသည် ပကတိအပြစ်ကင်းစင်နေ၏။
ကားမပြိုင်ဖို့ပြောထားပါလျက်၊ မိုးမြေကိုလည်း ကတိပေးထားပါလျက် သူ ထပ်လုပ်မလို့လား…
မဟုတ်လောက်ပါဘူး
သူက ကတိတည်တတ်တဲ့လူမျိုးပါ…
သူ့သူငယ်ချင်းတစ်ယောက်ယောက်ကပဲ ပြိုင်မလို့နေမှာပါ…
💌💌💌💌💌💌
စနေနေ့ညသို့ရောက်သောအခါ လေတချွန်ချွန်ဖြင့် အေးအေးလူလူအဝတ်အစားလဲနေသော သူ့ကိုကြည့်ကာ ဘယ်ကစ,မေးရမလဲဟု သူမ အကြံထုတ်နေမိသည်။
သူဟာ စိတ်ဆတ်ဒေါသကြီးသူမို့ သူ မလုပ်သည့်ကိစ္စတစ်ခုကို လုပ်သလားဟု သွားမေးမိလျှင်လည်း မိုးမြေကို စိတ်ဆိုးမှာအသေအချာ။
ထို့ကြောင့် ပါးစပ်ကထုတ်မမေးတော့ဘဲ သူ့နောက်က တိတ်တဆိတ်လိုက်သွားဖို့ကိုသာ ကြိတ်ဆုံးဖြတ်လိုက်၏။
YOU ARE READING
မိုးမြေခစား
Romance"ငါတို့အားလုံးက ကိုယ့်အမှန်တရားနဲ့ကိုယ်၊ ကိုယ်မှန်တယ်ထင်တဲ့လမ်းပေါ်မှာ ကိုယ် ရှိနေကြတာ အဲဲ့ဒါက တခြားသူတွေရဲ့အမှန်တရားထဲမှာ ဗီလိန်ဖြစ်ချင်ဖြစ်နေမှာပေါ့... မင်းမှတ်ထား.. မင်းဘယ်လိုပဲနေနေ ဘာတွေပဲလုပ်နေနေ တခြားသူတစ်ယောက်ယောက်ရဲ့အမှန်တရားထဲမှာတော့ မင်...
