💌 Part - 29 💌
---------------ဒီနေ့မနက်တော့ အစောကြီးနိုးနှင့်နေပေမယ့် ကြားနေကျ ပဌာန်းတရားတော်ကို နားစွင့်ရင်း စိတ်ထဲကျေနပ်နေမိကာ အလိုလိုပြုံးနေမိသည်အထိ။
ရှေ့ဆက်ရမည့်နေ့ရက်တွေဟာ အခုမှ အဓိပ္ပါယ်ရှိသွားသလို ခံစားရပြီး မိုးမြေဟာ ဘာတွေနှင့်ပြုစားလိုက်သလဲမသိ။
ဒီနေ့ Graveကိုသွားမည်မို့ မျက်နှာသစ်လက်စနှင့် ရေချိုးပစ်လိုက်ပြီး အပြင်ကိုထွက်လာတော့ မနက်စာပြင်ဆင်နေသည့် သူ့ကောင်မလေး…"ဒီနေ့ ဘာလုပ်ထားတာလဲ"
"မုန့်ဟင်းခါး"
မွေးပျံ့နေသောမုန့်ဟင်းခါးနံ့က အငွှေ့တလူလူထွက်နေ၍ စားချင်စဖွယ်လေးဖြစ်ကာ မိုးမြေက သူ့အတွက် သေချာပြင်ဆင်ပေးထားသည်။
ထိုင်ခုံမှာထိုင်ချလိုက်တော့ မိုးမြေကလည်း သူ့နေရာမှာပဲဝင်ထိုင်ကာ နံနံပင်နှင့်ဂေါ်ဖီရွက်တွေကိုဖယ်ထုတ်နေ၏။
မျက်နှာလေးကလည်း ရှုံ့မဲ့နေသောကြောင့် မိုးမြေသည် နံနံပင်Haterတစ်ယောက်ဖြစ်လောက်ပြီး သူမအကျင့်တွေထဲကတစ်ခုကို အသေအချာမှတ်ထားလိုက်သည်။"ဒီနေ့အလုပ်မသွားနဲ့တော့"
"ဘာဖြစ်လို့လဲ"
"မင်းအိမ်မပြန်တာကြာပြီမလား ခဏပြန်ရအောင်လေ"
"မပြန်ချင်ပါဘူး အလုပ်ကရှိသေးတယ် လစာအဖြတ်ခံနေရမယ်"
"ဘယ်သူကဖြတ်မှာလဲ"
ထိုအခါ မျက်စောင်းလေးချီလာသော သူမမျက်နှာလေးဟာ အသည်းယားစရာကောင်းလွန်းလှ၍ ပါးလေးကိုဆွဲဖဲ့လိုက်မိသည်။
၆ရက်လောက်ဝေးသွားခဲ့မှ ဒီငွေသရဲမကို သူ ဘယ်လောက်လိုအပ်နေသလဲ သိခွင့်ရခဲ့သလို ဒီ့အတွက် နောက်ထပ်အချိန်မဆွဲသင့်မှန်း သဘောပေါက်လိုက်သည်။
ကိုယ်ချစ်တဲ့သူကို ချစ်တဲ့အကြောင်းပြောဖို့၊ သူမနဲ့အတူနေခွင့်ရဖို့ ဆိုတာ ဘယ်တော့မှ နောက်ကျဖို့မကောင်းသည့်အရာတွေ…မုန့်ဟင်းခါးတစ်ဇွန်းသောက်လိုက်ချိန် မက်ဆေ့ဝင်သံကြားလိုက်ရ၍ အလုပ်ကိစ္စလားဟု ဖွင့်ကြည့်မိသည့်အခါ ဘဏ်မှအကြောင်းကြားစာဖြစ်သည်။
သူ့ဘဏ်စာအုပ်နှင့် ကဒ်တွေအားလုံး Freezeလုပ်ခံလိုက်ရကြောင်း အသိပေးစာဖြစ်ကာ ဒါသည် သေချာပေါက် ဒက်ဒီ့လက်ချက်ဖြစ်သည်။
YOU ARE READING
မိုးမြေခစား
Romance"ငါတို့အားလုံးက ကိုယ့်အမှန်တရားနဲ့ကိုယ်၊ ကိုယ်မှန်တယ်ထင်တဲ့လမ်းပေါ်မှာ ကိုယ် ရှိနေကြတာ အဲဲ့ဒါက တခြားသူတွေရဲ့အမှန်တရားထဲမှာ ဗီလိန်ဖြစ်ချင်ဖြစ်နေမှာပေါ့... မင်းမှတ်ထား.. မင်းဘယ်လိုပဲနေနေ ဘာတွေပဲလုပ်နေနေ တခြားသူတစ်ယောက်ယောက်ရဲ့အမှန်တရားထဲမှာတော့ မင်...