💌 Part - 43 💌
---------------
မနက်စောစောကတည်းက Graveကိုထွက်လာသောကြောင့် မိုးမြေနိုးပြီလား၊ မနိုးသေးဘူးလား သူစောင့်မကြည့်ခဲ့။
စိတ်ထဲမှာလေနေမိသလို တစ်ယောက်တည်းသာနေချင်၍ ရောက်ကတည်းက Snookerကစားနေမိရင်း ဘယ်သူ့ကိုမှစကားမဆိုမိ။
အသည်းကွဲတယ်ဆိုတာ ဒါမျိုးလားဟု ကိုယ့်ဘာသာအထပ်ထပ်မေးမိချိန် pink ballသည် ကျင်းထဲမဝင်ဘဲ ကျင်းဘေးမှာသာရပ်တံ့သွား၏။
Snookerတစ်ယောက်ရဲ့နှလုံးသားဟာ pink ballသာဖြစ်ပြီး သူ့ရဲ့pink ballကျင်းမဝင်မှတော့ သူ့မှာ သေချာပေါက် နှလုံးသားပြဿနာရှိနေပြီပဲ…
"Boss မင်းကောင်မလေးကဖုန်းဆက်နေတယ် ဘာပြောလိုက်ရမလဲ"
"စော်တစ်ယောက်နဲ့ မနက်စာစားနေတယ်လို့ပြောလိုက်"
ဂျာကြီးက ဖုန်းကိုင်ထားလျက်ဖြင့် မျက်နှာကတမျိုးဖြစ်သွားကာ ထိုမျက်နှာသည် သူပြောသလို မပြောချင်သောလက္ခဏာဖြစ်၏။
ထို့ကြောင့် မျက်နှာကို တမင်တင်းမာပစ်လိုက်ပြီး ဂျာကြီးကိုကျူတံနှင့်ထိုးကာ မေးဆတ်ပြလိုက်တော့မှ ဖုန်းကိုနားမှာပြန်ကပ်ပြီး…
"ကောင်မလေးတစ်ယောက်နဲ့ မနက်စာစားနေတယ်"
"------"
"အဲ့လိုတော့မသိဘူး"
"------"
"OK"
ဂျာကြီးဖုန်းချသွားသည့်အခါ ဘာတွေပြောသလဲဟု သိချင်မိပေမယ့် နောက်ထပ်နာကျင်စရာစကားတွေဆို ဘယ်လိုလုပ်မလဲ..
ကိုယ့်ဘဝရဲ့အမှောင်ခြမ်းတွေကို နားလည်ပေးသူ၊ ဝိဉာဉ်ဖက်ဟု မှတ်ထင်ထားခဲ့သည့် ရင်ဘတ်တစ်ခြမ်းလေးက သူ့ကိုနာကျင်အောင်လုပ်ခဲ့သူလည်း ဖြစ်နေခဲ့သည်။
ချစ်တော့ချစ်ပေမယ့် သူမအနားကိုပြန်မသွားရဲလောက်အောင် ကြောက်ရွံ့သွားမိခြင်းဟာ ယောကျာ်းတန်မဲ့ သတ္တိကြောင်သလို ဖြစ်နေမလား…
"မင်းမဟုတ်သေးပါဘူး ခစားရာ မိုးမြေနဲ့ဘာပြဿနာဖြစ်လာတာလဲ"
"သူက ကျွန်တော့်ကိုမယုံဘူး"
"ဘာမယုံတာလဲ"
"မနေ့ကသူ့ကိုသွားကြိုရင်း သီရိနဲ့တွေ့တာ သူကကားလည်းပျက်၊ မိုးလည်းမိနေလို့ အားနာပြီးကားပေါ်တင်ခေါ်လာတာ သင်တန်းရှေ့နားလေးတင်ပဲ
အဲ့ဒါကို သူ တမျိုးထင်သွားတယ် ဘာမှလည်းမမေးဘူး ဘာမှလည်းပြောခွင့်မပေးဘူး ကျွန်တော့်ကမ္ဘာထဲ မိန်းကလေးတွေအများကြီး ဝင်လိုက်ထွက်လိုက်နဲ့ပဲတဲ့ အဲ့ဒီစကားကြောင့် ဘယ်လောက်ရင်နာရလဲ"
YOU ARE READING
မိုးမြေခစား
Romance"ငါတို့အားလုံးက ကိုယ့်အမှန်တရားနဲ့ကိုယ်၊ ကိုယ်မှန်တယ်ထင်တဲ့လမ်းပေါ်မှာ ကိုယ် ရှိနေကြတာ အဲဲ့ဒါက တခြားသူတွေရဲ့အမှန်တရားထဲမှာ ဗီလိန်ဖြစ်ချင်ဖြစ်နေမှာပေါ့... မင်းမှတ်ထား.. မင်းဘယ်လိုပဲနေနေ ဘာတွေပဲလုပ်နေနေ တခြားသူတစ်ယောက်ယောက်ရဲ့အမှန်တရားထဲမှာတော့ မင်...
