💌 Part - 32 💌
---------------တည်းရမည့်Hotelကိုရောက်သည်နှင့် ကိုယ့်အိတ်ကိုယ်ဆွဲကာ ကားပေါ်ကဆင်းလိုက်ပြီး အခုထိစကားမပြတ်သေးသော မိုးမြေကိုလှည့်ကြည့်လိုက်မိသည်။
သူမက ရတနာနှင့် စကားတွေပြောနေခဲ့သည်မှာ လေယာဥ်ကအဆင်း Hotel busပေါ်ရောက်ကတည်းကမို့ မျက်မှောင်ကုတ်သွားမိသည်။
မိုးမြေ ခင်တတ်မင်တတ်မှန်းသိပေမယ့် ဒီအချိန်မှာ ကိုယ့်ကိုပဲ ဦးစားပေးသင့်သည်မဟုတ်လား…"မင်း ဒီနေ့စကားပြောလို့ပြီးဦးမှာလား"
လေသံတင်းမာသွားသည့်သူ့ကို အားလုံးကိုလှည့်ကြည့်သလို မိုးမြေကလည်း အူကြောင်ကြောင်ဖြင့် ကြည့်လာ၏။
ထို့ကြောင့် မိုးမြေလက်တစ်ဖက်ကိုဆွဲယူလိုက်တော့မှ သူမက နားလည်သွားကာ ရတနာ့ကို နှုတ်ဆက်ပြီး သူ့ကိုမော့ကြည့်သည်။"ကဲ.. ရပါပြီ ကိုကိုမင်းခစားကိုပဲ မိုးမြေက ခစားပါတော့မယ်"
"ကလေးကလား"
မကျေမနပ်ပြန်ပြောမိပေမယ့် စိတ်ထဲကျေနပ်သွားမိ၍ ဘယ်သူမှမမြင်အောင် ခိုးပြုံးလိုက်တော့ ဖိုးချမ်းနှင့်တည့်တည့်ကြီးတိုးကာ သူ့ကိုချဥ်သလိုကြည့်နေလေသည်။
သို့သော် သူဟာ မျက်နှာပြောင်သည့်နေရာမှာ ထူးချွန်သူမဟုတ်လား…Hotelကိုတော့ သူတို့တည်းနေကျ The Shore Katathaniဆိုသည့် Hotelပဲဖြစ်ကာ တစ်အုပ်စုလုံး ကမ်းခြေနှင့်အနီးဆုံးအခန်းတွေကိုသာ ယူဖြစ်ကြသည်။
အိပ်ရာထဲမှ ကမ်းခြေကိုလှမ်းမြင်ရသလို အခန်းရှေ့မှာ ရေကူးကန်လည်းပါသောကြောင့် ကိုယ့်အခန်းနားမှာပဲ ရေကူး၍ရသည်လေ။"ရော့… မင်းတို့ကတစ်ခန်း"
မိုးမြေမျက်နှာလေး ရဲခနဲဖြစ်သွားကာ သူ့ကိုမော့ကြည့်လာတော့ သူမ ဘာမှမပြောခင် သော့ကိုလှမ်းယူပြီး Receptionမှလစ်ထွက်လာခဲ့သည်။
အိမ်မှာလည်း အတူနေခဲ့ပေမယ့် သူမကသပ်သပ်၊ သူကသပ်သပ်ဖြစ်ပြီး အခုတော့ နှစ်ယောက်တည်းတစ်ခန်းမို့ မိုးမြေ ပြူးပြာသွားခြင်းဖြစ်မည်။
ဒီလိုဖြစ်အောင် ကောင်းထက်နဲ့သူ တမင်စီစဥ်ထားမှန်းတော့ သူမ မရိပ်မိလောက်ချေ။"အိပ်ရာကတစ်ခုတည်းလား"
Receptionမှာ မထုတ်ဖော်ခဲ့ရသည့် မကျေနပ်ခြင်းကို အခန်းထဲရောက်မှထုတ်ဖော်ကာ မိုးမြေက ခါးထောက်ပြီးသူ့ကိုလှည့်ကြည့်လာ၏။
နှစ်ယောက်အိပ်မွေ့ရာကြီးဆီ အကြည့်တစ်ချက်ရောက်ပြီးမှ သူ မသိဟန်ဆောင်ကာ Luggageကိုဗီရိုအနားထားခဲ့ပြီး မှန်တံခါးကိုဖွင့်ကြည့်လိုက်သည်။
YOU ARE READING
မိုးမြေခစား
Romance"ငါတို့အားလုံးက ကိုယ့်အမှန်တရားနဲ့ကိုယ်၊ ကိုယ်မှန်တယ်ထင်တဲ့လမ်းပေါ်မှာ ကိုယ် ရှိနေကြတာ အဲဲ့ဒါက တခြားသူတွေရဲ့အမှန်တရားထဲမှာ ဗီလိန်ဖြစ်ချင်ဖြစ်နေမှာပေါ့... မင်းမှတ်ထား.. မင်းဘယ်လိုပဲနေနေ ဘာတွေပဲလုပ်နေနေ တခြားသူတစ်ယောက်ယောက်ရဲ့အမှန်တရားထဲမှာတော့ မင်...