💌 Part - 20 💌
---------------"မင်းညီ အိမ်ပြန်မလာသေးဘူးလား"
မာမီ့စကားကြောင့် Laptopကိုအကြည့်ရောက်နေရာမှ ခေါင်းပြန်ထောင်သွားပြီး ခစားကိုမတွေ့တာ ဘယ်နှရက်ရှိပြီလဲဟု ပြန်တွေးကြည့်မိသည်။
ဒီကောင်လေးဟာ ငယ်စဥ်ကတည်းက ဒီအတိုင်း ကျွတ်ဆတ်ဆတ် မာကျောကျောလေးဖြစ်ကာ အဘိုးစကားကလွဲလျှင် ဘယ်သူ့စကားမှနားမထောင်တတ်။
အဘိုးက အလိုလိုက်လွန်းသောကြောင့် ဒက်ဒီ့ကိုလည်း ရိုသေရကောင်းမှန်းမသိသလို မာမီ့ကိုလည်း မချေမငံဖြင့်…"မာမီဖုန်းဆက်တာလည်းမကိုင်ဘူး စုံစမ်းကြည့်ပါဦး သားရယ်"
"စိတ်မပူပါနဲ့ မာမီ ဘာမှမဖြစ်လောက်ပါဘူး အိမ်ပြန်လာရင် ဒက်ဒီနဲ့စကားများနေရတဲ့ဥစ္စာ သူ့ဘာသာ တိမ်တိုက်တို့ နေသွေးတို့အိမ်မှာ သွားနေလောက်မှာပါ"
"ဘာပဲဖြစ်ဖြစ် မာမီ့ဆီဖုန်းဆက်ဖို့ပြောလိုက်ဦး စာမေးပွဲနားနီးပြီမလား"
စိတ်ပူသလိုပြောနေသော မာမီ့ကြောင့် ထိုင်ရာမှထကာ မာမီ့ပခုံးလေးကို နှစ်သိမ့်သည့်အနေဖြင့် ဖွဖွလေးသိုင်းဖက်လိုက်သည်။
မာမီဟာသူဌေးသမီးပီပီ အိစက်နေအောင်လှပြီး အခုထက်ထိလည်း ထိုအလှအပကိုထိန်းသိမ်းထားနိုင်ဆဲဖြစ်ကာ ဒက်ဒီနဲ့ဘယ်လိုများ ဆုံဖြစ်သလဲမသိချေ။မာမီလှသလောက် ဒက်ဒီက အသားညိုညို၊ ခပ်ဝဝခပ်ဖိုင့်ဖိုင့်ဖြစ်ပြီး သူကလည်း ဒက်ဒီနဲ့တူစွာ အသားနည်းနည်းညိုသည်။
ခစားကတော့ မာမီနဲ့ပိုတူကာ မာမီ့ဆီက လှပသောအစိတ်အပိုင်းတွေကို အမွေတစ်ခုလိုရရှိထားသူမို့ ခစားနဲ့သူဟာ ညီအစ်ကိုအရင်းဖြစ်သည့်တိုင် သိပ်မတူကြ။
ကိုယ့်ညီဟာ လူချောတစ်ယောက်ဆိုတာကိုတော့ သူကိုယ်တိုင်လည်း မငြင်းနိုင်သလို ကိုယ့်ထက်အစစအရာရာ သာလွန်စေဖို့ ဒီညီကို ရည်ရွယ်ထားခဲ့သည်အထိ…"ဆက်လိုက်ပါ့မယ် မာမီ စိတ်ချလက်ချနေပါ နောက်အပတ်ထဲ ကုမ္ပဏီညစာစားပွဲရှိသေးတယ် အိမ်ကိုမလာရင်တောင် ရှယ်ယာရှင်တစ်ယောက်အနေနဲ့တော့ Dinnerကိုတက်မှာပါ"
"အင်းပါ"
"မာမီနားတော့နော်"
"သားငယ်ကိုလွှတ်မထားပါနဲ့ သားကြီးရယ် ဒီကလေးက အမြဲတမ်းသွေးဆူပြီး ခပ်ဆိုးဆိုးလေးဆိုတော့ မာမီစိတ်ပူတယ်"
YOU ARE READING
မိုးမြေခစား
רומנטיקה"ငါတို့အားလုံးက ကိုယ့်အမှန်တရားနဲ့ကိုယ်၊ ကိုယ်မှန်တယ်ထင်တဲ့လမ်းပေါ်မှာ ကိုယ် ရှိနေကြတာ အဲဲ့ဒါက တခြားသူတွေရဲ့အမှန်တရားထဲမှာ ဗီလိန်ဖြစ်ချင်ဖြစ်နေမှာပေါ့... မင်းမှတ်ထား.. မင်းဘယ်လိုပဲနေနေ ဘာတွေပဲလုပ်နေနေ တခြားသူတစ်ယောက်ယောက်ရဲ့အမှန်တရားထဲမှာတော့ မင်...