💌 Part - 13 💌
---------------
"ဘာလိုသေးလဲ"
မေးဆတ်ပြီးမေးလိုက်မိသောကြောင့် ခပ်ကျောကျောဖြစ်သွားပေမယ့် ထိုအစ်ကိုကြီးရဲ့စေတနာကတော့ အဖြူထည်မှန်းသိသာလွန်းလှသည်။
စမြင်ဖူးစကတည်းက ထိုမာကျောခြင်းကို သဘောကျမိခဲ့သလို နောက်ကွယ်မှာတော့ နူးညံ့သောနှလုံးသားတစ်စုံရှိနေ၍ ပိုသဘောကျရပြန်သည်။
ရှေ့မှာချပေးထားသော အထုတ်တွေထဲမှ ပစ္စည်းတစ်ခုချင်းကြည့်ကာ ခေါင်းခါပြလိုက်တော့ ဖေဖေကအားနာစွာပြုံးပြလေ၏။
"မင်းက တကူးတကကြီးကွာ"
"မဟုတ်တာ ကျွန်တော်က မိုးမြေရဲ့အလုပ်ရှင်ပဲ လုပ်ပေးရမယ့်ဝတ္တရားရှိတယ် အဲ့ကလေးမကသာ မာနကြီးပြီး၊ ချေမိုးပြီးတစ်ခွန်းမှမပြောတာ"
"သူကအဲ့အတိုင်းပဲ ကိုကြီးရ"
"အေး.. မင်းကမှ ငါ့အပေါ်ခင်သေးတယ်"
ဆိုကာ သူ့ဆံပင်တွေကိုဆွဲဖွလာတော့ သူ ပြုံးလိုက်မိသည်။
မမဟာ သူ့အပေါ်အကြီးတစ်ယောက်လို၊ အမေတစ်ယောက်လို စောင့်ရှောက်ခဲ့ပေမယ့် လူငယ်ပီပီ စိတ်တူကိုယ်တူ အစ်ကိုတစ်ယောက်တော့လိုချင်မိသေးသည်။
ငွေရှာဖို့မှလွဲပြီး ခေါင်းထဲဘာမှမရှိသော မမကို ချစ်တော့ချစ်ပေမယ့် ဒီအစ်ကိုကြီးကိုလည်း အကြောင်းမဲ့ခင်တွယ်နေမိသည်။
"မင်းကတော့ တကယ်ကံကောင်းတယ် မိုးသား အားလုံးကမင်းကိုချစ်ကြတယ် ဂရုစိုက်ကြတယ် ငါနဲ့များတခြားစီပဲ"
"မမကပြောတယ် အစ်ကိုကသူဌေးသားဆို အဲ့လိုလူမျိုးက ဘယ်လိုအထီးကျန်မှာလဲ တဲ့"
"ကျန်တာပေါ့ကွာ မင်းသိလား တချို့လူတွေဆိုတာပိုက်ဆံရှိလာလေ ပိုကြောက်စရာကောင်းလာလေပဲ ငါကအဲ့လိုလူတွေကြားမှာ ကြီးပြင်းလာတာ မင်းအဖေ၊ မင်းအစ်မ မင်းကိုဂရုစိုက်သလို ငါ့အဖေ၊ ငါ့အစ်ကိုက ငါ့ကိုဂရုစိုက်မယ်ထင်လို့လား
သူတို့ဆီမှာ အသုံးမကျတဲ့ကောင်၊ စောက်ချိုးမပြေတဲ့ကောင်၊ ဘယ်နေရာမှသုံးစားရမှာမဟုတ်ဘူးဆိုတဲ့ စကားတွေပဲ ငါ့အတွက်ရှိတယ်"
"တကယ်လား"
"တကယ်ပါဆို ငါချော်လဲကျသွားရင်တောင် လာထူပေးပြီး ဘာဖြစ်သွားသေးလဲမေးမယ့်အစား လဲမှာပေါ့အသုံးမှမကျတာ ဆိုပြီး မေးငေါ့ကြတာ"
YOU ARE READING
မိုးမြေခစား
Romance"ငါတို့အားလုံးက ကိုယ့်အမှန်တရားနဲ့ကိုယ်၊ ကိုယ်မှန်တယ်ထင်တဲ့လမ်းပေါ်မှာ ကိုယ် ရှိနေကြတာ အဲဲ့ဒါက တခြားသူတွေရဲ့အမှန်တရားထဲမှာ ဗီလိန်ဖြစ်ချင်ဖြစ်နေမှာပေါ့... မင်းမှတ်ထား.. မင်းဘယ်လိုပဲနေနေ ဘာတွေပဲလုပ်နေနေ တခြားသူတစ်ယောက်ယောက်ရဲ့အမှန်တရားထဲမှာတော့ မင်...
