မိုးမြေရင်ထဲက အာဃာတကို ရှင်းရှင်းကြီးမြင်လိုက်ရပြီမို့ သူ ပိုပြီးခံရခက်သွားကာ ငွေကြောင့်ဟု ထင်ခဲ့မိပေမယ့် သူမသည် ဟိုးအရင်က ကိုယ်နဲ့ပတ်သက်ပြီး ရခဲ့သောဒဏ်ရာတွေအတွက် ပညာပေးဖို့ကြိုးစားနေခဲ့တာပဲ...
သူသည် မိုးမြေကိုရော၊ မိသားစုကိုပါ မကာကွယ်နိုင်ခဲ့သော လူဖျင်းလူညံ့တစ်ယောက်ဖြစ်ခဲ့ပြီဖြစ်၏။
"မင်းကို ဒုက္ခပေးခဲ့တဲ့သူက ငါပါ ဒီလိုဖြစ်ရပ်တွေကလည်း ငါနဲ့ပတ်သက်လို့ဖြစ်လာတာပါ မင်းငါ့ကိုပဲနှိပ်စက်လို့မရဘူးလား"
"ငါလုပ်နေတာတွေကရော နင့်ကိုနှိပ်စက်နေတာပဲမလား ဘယ်လိုလဲ ငါနဲ့မင်းရာဇကို တွဲမြင်လိုက်တော့ နင်ရင်နာတယ်မလား နင့်ကိုနားအလည်နိုင်ဆုံးက ငါဆိုရင် နင့်ကိုရင်နာအောင်ဘယ်လိုလုပ်ရမလဲ အသိဆုံးကလည်း ငါပဲ"
"မင်းကွာ"
"ငါ့ကိုပြန်ပို့ပေး"
မျက်စိစုံမှိတ်ပြီး ဆံပင်တွေဖွာထွက်သွားသည်အထိ အော်နေသော သူမသည် စိတ်လွတ်သွားသောလူတစ်ယောက်နှင့် တူလွန်းကာ ရင်နာစရာအတိဖြစ်သည်။
သို့သော် သူ ခေါင်းကိုသာခါပြလိုက်ရင်း စီးကရက်ဘူးနှင့်မီးခြစ်ကို ကောက်ယူလိုက်ကာ ဒေါသတကြီးဖြစ်နေသောသူမကို လှည့်ကြည့်လိုက်၏။
"ဒီနေရာကိုငါပဲသိတာ ဘယ်သူမှမသိဘူး မင်း ဒီနေရာမှာပဲ ငါနဲ့အတူတူနေသွားရလိမ့်မယ်"
"နင်ရူးနေတာလား"
"ဟုတ်တယ် ရူးနေတာ ဒါပေမယ့် ငါမင်းကိုခေါ်လာတာက မင်းလိုမျိုး လက်စားချေချင်တဲ့အာဃာတတွေကြောင့်မဟုတ်ဘူး Candy
ငါကမင်းကိုပဲလိုအပ်တာ မင်းနဲ့နေချင်တာတစ်ခုတည်းပဲ"
"စောက်ရူး.. အစ်ကိုနဲ့အပြိုင် လိုက်ရူးနေတဲ့စောက်ရူး"
သူမ ကျိန်ဆဲနေသမျှကို မကြားဟန်ဆောင်ကာ အခန်းလေးထဲမှအပြင်ထွက်လာခဲ့ပြီး တံခါးကိုသော့ခတ်ပစ်လိုက်သည်။
တံခါးပိတ်သွားသည့်နောက်မှာတော့ ထိုတံခါးကိုမှီထိုင်လိုက်ရင်း သက်ပြင်းမောကြီးတစ်ချက်ချလိုက်မိကာ ငါဘာလုပ်ခဲ့မိတာလဲဟု ထပ်စဥ်းစားမိပြန်သည်။
YOU ARE READING
မိုးမြေခစား
Romance"ငါတို့အားလုံးက ကိုယ့်အမှန်တရားနဲ့ကိုယ်၊ ကိုယ်မှန်တယ်ထင်တဲ့လမ်းပေါ်မှာ ကိုယ် ရှိနေကြတာ အဲဲ့ဒါက တခြားသူတွေရဲ့အမှန်တရားထဲမှာ ဗီလိန်ဖြစ်ချင်ဖြစ်နေမှာပေါ့... မင်းမှတ်ထား.. မင်းဘယ်လိုပဲနေနေ ဘာတွေပဲလုပ်နေနေ တခြားသူတစ်ယောက်ယောက်ရဲ့အမှန်တရားထဲမှာတော့ မင်...
