ရှန်ရှင်းဆွေ့ အတိတ်ကကိစ္စတစ်ချို့ကို ပြန်တွေးမိသွားခဲ့တယ်။ သူ့မျက်နှာပေါ်မှာ အပြုံးလေးထွက်ပေါ်လာပြီး မိတ်ကပ်ဆရာမကို ပြောလိုက်တယ် "ကျွန်တော်သိတယ်"
မိတ်ကပ်ဆရာမ အံ့အားသင့်သွားလေတယ်။
ရှန်ရှင်းဆွေ့ရဲ့အပြုံးပါးပါးက မျက်နှာပေါ်မှာချိတ်ဆွဲလျက်ရှိတယ်။ သူ့ရဲ့နွေးထွေးတဲ့မျက်ဝန်းတွေက မိတ်ကပ်ဆရာမကိုကြည့်နေတယ်။ ဘာမှမပြောဘူးဆိုပေမဲ့ အရာအားလုံးဟာ ဘာစကားမှမလိုသယောင်ရှိလေတယ်။
မိတ်ကပ်ဆရာမလည်း ပြုံးလိုက်ပြီး အသံတိုးနဲ့ပြောလာတယ် "ဆွေ့ဆွေ့နဲ့ဖုလောင်ရှီးရဲ့ ဆက်ဆံရေးက အရမ်းကောင်းပုံပဲ အမှန်တိုင်းပြောရရင် ဒီနှစ်တွေထဲ အနုပညာလောကမှာ ဒီလောက်ဆက်ဆံရေးကောင်းတာမျိုး မတွေ့ဖူးသေးဘူး နောက်ကျလို့ မင်းမင်္ဂလာဆောင်ရင် ဖုလောင်ရှီးကို သတို့သားအရံလုပ်ခိုင်းလို့တောင် ရကောင်းရနိုင်လောက်တယ်!"
ဒါကမူလကတော့စနောက်ပြောလိုက်တာဖြစ်တယ်။
ဒါပေမဲ့ ရုတ်တရက် လေးလံတဲ့ကျောက်တုံးကြီးတစ်တုံး ပြုတ်ကျလာပြီး ရှန်ရှင်းဆွေ့နှလုံးသားပေါ် ကျရောက်သွားရလေတယ်။
အနောက်က ဒီဇိုင်နာလောင်ရှီးက ရယ်မောကာ လှမ်းပြောလာတယ် "နင်နဲ့နင့်ကောင်လေးနဲ့တောင် စေ့စပ်တော့မှာဆို?"
"ဟုတ်ပါ့" မိတ်ကပ်ဆရာမက ပျော်ရွှင်နေပုံနဲ့ ပြန်ဖြေလာတယ် "ဒီနှစ်ကုန်လောက် နှစ်ဖက်မိဘတွေနဲ့ တွေ့ပြီးသွားရင် ရက်သတ်မှတ်လို့ရပြီ။ နင်ရော၊ နင်နဲ့နင့်ကောင်လေးနဲ့ လက်ထပ်ဖို့မစဥ်းစားကြသေးဘူးလား?"
ဒီဇိုင်နာလောင်ရှီးက ပြုံးကာပြောလာတယ် "ပြောမနေပါနဲ့တော့ အိမ်ခန်းကိစ္စကို တစ်ချိန်လုံးဖြေရှင်းလို့ မပြီးသေးဘူး ငါတို့လည်းလက်ထပ်ချင်ပေမဲ့ နင်ကြည့်လေ ဘာမှမပြင်ဆင်ရသေးတော့ ဘယ်လိုလက်ထပ်ကြမလဲ......"
သူတို့နှစ်ယောက် စကားတွေပြောနေကြပေမဲ့ ရှန်ရှင်းဆွေ့ပဲ စကားဝင်မပြောတာဖြစ်တယ်။ ဒါပေါ့။ သူလည်းတခြားသူတွေလို သူ့ချစ်သူအကြောင်းကို ဝင်ဆွေးနွေးချင်တာပေါ့။ လတ်တလော အခြေအနေတွေကို ပြောပြချင်တယ်။ ဒါပေမဲ့ သူပြောလို့မရဘူး။
YOU ARE READING
အမြောက်စာခံအတုအယောင်သခင်လေးကပြန်လည်မွေးဖွားပြီးတဲ့နောက်မှာထိတ်လန့်သွားရပြီ
RomantikTitle - Cannon Fodder Fake Master Was Stunned After Being Reborn {炮灰假少爷重生后惊呆了} Author - 稚棠(ZhiTang) Status in coo - 108 Chapters + 6 extras တစ်ကြောင်းတည်းမိတ်ဆက် - အစက ကိုယ့်ကိုယ်ကို အတုအယောင်သခင်လေးထင်နေတာ လက်စသတ်တော့ သခင်လေးအစစ်အမှန် ဖြစ်နေတာကိုး။...
Chapter - 102
Start from the beginning