"ဘာလဲဟင်"
"Aww ဘဏ်ကအကြောင်းကြားတာပါ ဘဏ်စာအုပ်နဲ့ကဒ်တွေပိတ်လိုက်တယ်တဲ့"
"အဲ့ဒါဆို နင်သုံးစရာရှိသေးရဲ့လား အဆင်ပြေပါ့မလား"
"ဘာမှမဖြစ်ပါဘူး မြန်မာနိုင်ငံမှာ ဘဏ်က ကမ္ဘောဇတစ်ခုပဲရှိတာမဟုတ်ဘူး ဘဏ်တွေမရှိလည်း ကာစီနိုကနေငွေဝင်နေတာပဲ
မရောင်ရာဆီလူးနေတာ ဒက်ဒီကတော့ တကယ့်အာရုံပဲ""နင်ကလည်း"
"ပြောပြတာလေ ကာစီနိုအပိတ်ခံရရင်တောင် ငါ့လက်တွေအကောင်းကြီးရှိသေးတယ် ကျူတံကိုင်နိုင်နေသမျှ၊ ကားမောင်းနိုင်သေးသမျှ ငွေဝင်တယ် ပူမနေနဲ့"
"အဲ့ဒါ ငါ့ကြောင့်မဟုတ်လား"
"မဟုတ်ပါဘူး ငါကိုက ဒက်ဒီနဲ့မတည့်တာ မင်းကိုပြောဖူးတယ်မလား ငါက လူယဥ်ကျေးတွေနဲ့ သိပ်သဟဇာတမဖြစ်ဘူးလို့.. ခုလည်းဒီအတိုင်းပါပဲ"
ထိုအခါမှ စိုးရိမ်သလိုမျက်နှာလေးက ပြေလျော့သွားတာမို့ စားလက်စကိုလက်စသပ်လိုက်ပြီး ပန်းကန်အပေကို ဘေစင်သို့ယူသွားလိုက်သည်။
သူမက ချက်ချင်းထလိုက်လာကာ သူ့လက်ထဲကပန်းကန်အပေကိုဆွဲယူရင်း…"ငါဆေးလိုက်မယ်"
"ငါဆေးပါ့မယ် မင်းကမိတ်ကပ်သွားလိမ်း.. ဒီနေ့အပြင်သွားမယ်"
"မသွားပါဘူးဆို"
"မရဘူး.. ဒီနေ့ငါနဲ့လိုက်ခဲ့ရင် လစာလည်းမဖြတ်စေရဘူး မင်းလိုချင်တာတွေလည်း အကုန်ဝယ်ပေးမယ် လက်ညှိုးပဲထိုး"
"မလိုက်ချင်ပါဘူးဆို"
"လုပ်ပါ ငါ့ကောင်မလေးရယ် ၆ရက်လောက်ဝေးနေခဲ့တာကို အလိုမလိုက်ချင်ဘူးလား"
"ဟွန့်!"
"လိမ္မာတယ် သွား.. လှလှလေးပြင်ခဲ့"
မိုးမြေလက်ထဲက ပန်းကန်ကိုပါလှမ်းယူပြီး သူမကိုမေးဆတ်ပြလိုက်တော့ မိုးမြေက ခြေဖျားလေးထောက်ကာ သူ့လည်ပင်းကိုသိုင်းဖက်၏။
လည်ပင်းတစ်နေရာမှာ နွေးခနဲဖြစ်သွားတော့ ငြိမ်နေသောနှလုံးသွေးက ဒုန်းခနဲဆောင့်ခုန်သွားချိန် မိုးမြေက ပြုံးစိစိဖြင့် အနားကပြန်ထွက်သွားပြီဖြစ်သည်။
ČTEŠ
မိုးမြေခစား
Romance"ငါတို့အားလုံးက ကိုယ့်အမှန်တရားနဲ့ကိုယ်၊ ကိုယ်မှန်တယ်ထင်တဲ့လမ်းပေါ်မှာ ကိုယ် ရှိနေကြတာ အဲဲ့ဒါက တခြားသူတွေရဲ့အမှန်တရားထဲမှာ ဗီလိန်ဖြစ်ချင်ဖြစ်နေမှာပေါ့... မင်းမှတ်ထား.. မင်းဘယ်လိုပဲနေနေ ဘာတွေပဲလုပ်နေနေ တခြားသူတစ်ယောက်ယောက်ရဲ့အမှန်တရားထဲမှာတော့ မင်...