وتحدد عرس جود وسلطان، ورجعو البنات لحوستهم من تجهيزات لها، سعود يضل مع وتين بالبيت بعد إصرار منها والجوهره تطلع تقضي مع البنات، وقتها الكل كان ملاحظ تعلق وتين بسعود، كل شيء ذيك الفتره مر بسهوله بعكس تجهيزاتهم لرهف..
ومن صار عمر سعود 5 شهور تزوجوا سلطان وجود..
رهف بأبتسامه : الحمدلله تزوجتي وافتكيت منك
الجوهره : اف بنات ابي اودي سعود عند ابوه
سحبت جود فستانها معها وقربت من الجوهره وخذت سعود من يدها : يازيينه بسس، ودلببي الي لابس بشت سعيل اناا
نطقت وتين بعد ماتركت الأغراض الي بيدها : خليه معنا عادي
الجوهره : لا والله؟ بتمسكينه عني؟
وتين : امسكه انتي روحي واستانسي
الجوهره : صادقه؟ بتمسكينه؟
وتين بأبتسامه : اي والله بمسكه
وانزفت جود لـ سلطان، وتين ترقص وترقص سعود معها، الجوهره ورهف الي يتمايلون على الاغاني، ام عبدالرحمن وام سلطان الي دموعهم ماوقفت من ودعوهم، توصيات عبدالرحمن ووليد لـ سلطان، عبدالرحمن يوصيه على اخته..ووليد يوصيه عليها بكونه اخوه الكبير..
وحملت رهف بعد كم شهر من عرس جود..الخبر وصل الاهل بليله رمضان، الفرحه عمت الجميع وقتها، رمضان وحمل رهف..
نطق الجد محمد بأبتسامه : مبروك يابوك مبروك
رهف بأبتسامه : الله يبارك فيك
ام عبدالرحمن بأبتسامه خفيفه : الله يتمم لك على خير ان شاء الله
رهف : امين يارب
وتين : مخططين على أسماء؟
عبدالرحمن : بدري من الحين نخطط؟
وتين : اجل؟ متى تبي تخطط اخوي؟
عبدالرحمن : ان شاء الله اذا عرفت هو ولد ولا بنت
لفت وتين عليه ونطقت : وانت تبي بنت ولا ولد؟
عبدالرحمن : الي بيجي حياه الله
جود : عزيمه هي؟
عبدالرحمن : لا رزق من الله، ما اهتم بنت ولا ولد اهم شيء ينولد سليم وتطلع رهف بالسلامة
سندت وتين رأسها على كتف عبدالرحمن : والله وطلع عاشق
دقت جود رهف بخفه على كتفها : اخس اخس اخس بتصيرين ام بعد
الجده حصه : ايه بتصير ام الحين وانتي توك
نطقت جود وهي تشرب الشاهي : ماعليك انا بطول ما ابي عيال الحين
رفعت الجده حصه يدها ونطقت : ياجعله مايخلص العيد الا وانتي جايه تقولين الحفيد الثالث بالطريق
غصت جود وقت سمعت ابوها وامها يردون ورها بـ"آمين"، ضربتها رهف بخفه على ظهرها
نطقت جود وهي تناظر امها وابوها وعيونها حمراء وتدمع : ليش تقولون آمين ما ابي احمل الحين
ام عبدالرحمن : خليه يصير العيد عيدين شبلاك انتي؟
جود : ما ابي أحمل يمه بدري، ماني مستعجله زي رهف
الجده حصه : رهف يمه ماعليك منها
رهف بأبتسامه : لا بالله مستانسه على حكيها
من بكره العصر بييت ابو عبدالرحمن :
البنات كلهم بالمطبخ، ام عبدالرحمن الي كانت تسوي القيمات، ورهف الي تحاول تفضي الفريزر شوي عشان تحط الحلا، جود الي تحمر السمبوسه، وتين الي جالسه على الطاوله ومعها سعود تلعبه، الجوهره تزين السفره بالصاله
جود : رهف مارح تلقين لك مكان هنا وديه بالفريزر الي برا احسن فيه سعه
رهف : تكفين مالي خلق اطلع برا
جود : هاتي طيب انا اوديه
رهف : لا لا بعدين اذا جاء الفطور مارح ألحق احطه على السفره خليه هنا احسن
جود : براحتك اهم شيء لاتحوسين الفريزر ياويلك من امي حصه
وتين : الويل لنا مو لرهوف شفيك؟
نطقت جود بعبوس : وانتي الصادقه الدلع لها وحنا لنا الويل
ماحست بعدها جود الا بصفقه عصا الجده حصه
الجده حصه : ايالي ماتستحون على وجيهكن انا اسوي كذا؟
وتين : الحق حق ياجده معليش
الجده حصه : اوريك الحق الحين
قامت وتين بسرعه من مكانها من شافت جدتها متوجهه نحوها ناويه تضربها بالعصا، تدور وتين وبيدها سعود حول الطاوله هي والجده حصه، ام عبدالرحمن الي فعلا كانت تضحك عليهم ورهف واقفه بجنب جود الي كانت تصورهم
"The End" 74
Start from the beginning
